Трансфери 09-10

Арсенал потврди дека потпиша со одбранбениот фудбалер на Ајакс, а од трофејниот холандски клуб објавија дека трансферот чини 12 милиони евра.

23-годишниот Томас Вермален ќе ја засили одбраната на Арсенал, откако денес Топчиите потпишаа договор со него. За ова се знаеше уште од претходно, но се чекаше само да се официјализира. 

„Томас е одлично засилување за Арсенал и ние сме пресреќни што ни се приклучи. Тој е одличен фудбалер со добро искуство од Лигата на шашпионите и Купот на УЕФА и исто така е стандарден репрезентативец на Белгија“, изјави менаџерот Арсен Венгер.

„Примарно игра централен дефанзивец со лева нога, но е мултифункционален, па може да игра и како лев бек. Технички силно е поткован и е роден победник, па не се сомневам дека неговото доаѓање ќе го засили нашиот тим“, вели Венгер за неговото најново засилување.

„Прво сакам да кажам дека ми е жал што го напуштив Ајакс и сакам да им заблагодарам на сите што ми помогнаа во последниве осум години“, рече Вермаелен.

„Среќен сум што му се придружив на Арсенал. Тоа е голем клуб со менаџер од светска класа, висококвалитетни фудбалери и фантастичен стадион. Се е подготвено Арсенал да биде успешен во следните години и јас му се приклучив на клубот бидејќи знаев оти Арсенал ќе се бори за трофеи“.

ЦСКА Москва потврди дека добиле доста интересна понуда за нивниот дефанзивец Сергеј Игнашевич, но не го откри името на клубот.

“Добивме доста интересна понуда од европски тим.“ - изјави еден од луѓето во управата на ЦСКА.

Според англиските и руските медиуми англискиот премиерлигаш Евертон се смета за доставувач на таа понуда. Давид Мојес се поврзуваше Игнашевич во последниве неколку дена. 

Во 29 годишниот руски репрезентативец Евертон би гледал евентуална замена за Лескот кој се поврзува со трансфер во Манчестер Сити или Арсенал. 

Вреднсота на Русинот се проценува на околу 5 милиони евра и тоа би била доста ниска цена ако се знае дека трансферот на Лескот би изнесувал околу 20-тина милиони евра.