Вести

ХРВАТСКИОТ КЛУБ СЕ ОБИДУВА ДА СЕ ЗАСИЛИ СО НАШИОТ РЕПРЕЗЕНТАТИВЕН ГОЛГЕТЕР
Хајдук со сите сили по Наумоски!!!
Доколку го сакаат потписот на Илчо тимот од "Пољуд" ќе мора да плати сума не помала од 500.000 евра

Хајдук има желба, Хајдук има и луѓе кои по саботниот меч на нашиот национален тим против Норвешка тргнаа во обидот на "Пољуд" да го донесат Илчо Наумоски. Македонскиот голгетер е желбата на сплитските "били" да биде најголемо засилување пред новата сезона во оваа земја. Можно ли е Хајдук!? Оваа екипа има финансиска моќ со која би го привлекла Наумоски. Голгетерот би имал перспектива во оваа екипа затоа што со добри игри во Хајдук ќе му бидат отворени вратите на многу поголеми екипи кои во моментов имаат интерес за 25 годишниот фудбалер на Матерсбург. Голема предност за Наумоски во целата ова работа е тоа што е слободен фудбалер затоа што му истекоа обрските кон австрискиот клуб.

"Мене ми е чест што клуб како Хајдук има интерес за мене. Тоа важи за сите екипи од екс-ју кои беа во големата четворка затоа што навистина станува збор за големи екипи", кусо изјавува Наумоски како за медиумите во Хрватска така и за "Македонски Спорт".

"Добив повик од неколку фудбалски работници кои ми споменаа дека има интерес од Хајдук. Имам менаџер и тој ќе ја води целата процедура околу преговорите и околу можноста да заминам во оваа екипа. Ова се денови на одлука затоа што не е само оваа понуда од Хајдук. Треба добро да се размисли и да се одбере вистинскиот предизвик", додава Наумоски кој и на двата квалификациски меча одигра на потребното ниво и беше еден од нашите најдобри фудбалери на теренот.

А Хајдук може да го добие потписот на Наумоски само ако добро плати. Цифрата од 500.000 евра по сезона е онаа минималната која Наумоски ја посакува од неговиот нов клуб. Хрватскиот тим има добра финансиска конструкција и најави дека летово ќе донесе неколку засилувања за кои е одвоен буџет од неколку милиони. Само со засилувања од типот на Наумоски популарните "торсида" ќе можат да се надеваат дека по долга пауза ќе успеат да му ја украдат титулата на Динамо. Робузниот шпиц уште пред една година влегол во списокот на желби на Хајдук но во тоа време беше скап но и даде и гол на Хрватска на квалификацискиот меч во Скопје. Во саботата луѓе на сплитските "били" биле во Скопје да го гледаат Стевица Ристиќ но во нивниот објектив повторно влегол Наумоски.

Згора на тоа Хајдук деновиве се обидува да го ангажира и Глигор Глигоров од Силекс. За десниот бек можат да платат не повеќе од 200.000 евра.

Од Реал си одат 14 фудбалери

Си одат 14 фудбалери

Во јануарскиот преоден рок беше најавено, а сега потврдено дека летово од Реал Мадрид ќе си заминат најмалку 14 фудбалери меѓу кои сите Холанѓани кои се потенцирани како главни виновници за слабата сезона на "кралскиот клуб. Од нив Реал очекува да собере околу 100 милиони евра иако за нив плати околу 160.

На листата на непожелни во клубот се наоѓаат: Арјен Робен, Руд ван Нистелрој, Клас-Јан Хунтелар, Весли Снајдер, Рафаел ван дер Варт, Ројстон Дренте, потоа Хавиер Савиола, Габриел Хајнце, Мамаду Диара и Мичел Салгадо се означени како непотребни, Кодина не сака да остане како трет голман, иднината на Де ла Ред зависи од медицинските прегледи, Гарај не е посакуван од новиот тренер Пелегрини, а Негредо (кој играше како позајмен во Алмерија, ќе биде искористен за ангажирање нови фудбалери.

Според анонимни извори од клубот, Перез најмногу сака да се ослободи од Робен - единственото ветување кое го исполни неговиот претходник Рамон Калдерон. Токму од него и од Весли Снајдер Реал и очекува да заработи најмногу пари затоа што беа донесени за вкупно 61 милиони евра. Со парите што ќе ги заработи од нив, Перез планира да донесе уште еден лев бек, централен дефанзивец и играч за врска.

Реал се откажува од Виља

Генералниот директор на Реал Мадрид, Хорхе Валдано призна дека "кралскиот клуб" не може да и конк*рира на Барселона со понудата за супер-ѕвездата на Валенсија, Давид Виља. Шпанските медиуми пред неколку дена објавија дека "каталонците" се подготвени да платат 40 милиони евра плус позајмица на Бојан Кркиќ и перманентен трансфер на Мартин Касерес, додека понудата на Реал изнесува 25 милиони евра и напаѓачот Алваро Негредо кој последните две сезони ги помина на позајмица во Алмерија.

"Штом Барселона е подготвена да плати 50 милиони евра и да ги даде Кркиќ и Касерес за Виља, јас би се согласил да работев во Валенсија. Ние во моментов не сме подготвени да дадеме подобра понуда и не планираме да настојуваме. Минатата недела почнавме преговори, тие добро течеа, но во еден период запнавме и на крајот не излезе ништо. Најмногу поради разликата во парите, но исто така и поради несогласувањата кој фудбалер од Реал да биде вклучен во трансферот", објави Валдано.

Генералниот директор на Реал ги негираше шпекулациите дека напаѓачот на Интер, Златан Ибрахимовиќ или најдобриот стрелец во Примера претходната сезона Диего Форлан можат да заиграат за Реал.

"Имаме уште две-три други варијанти, но овие двајца не се меѓу нив", додаде Валдано.

Од Валенсија пред два дена објавија дека повеќе би сакале да го видат Виља во Барселона отколку во Реал Мадрид поради арогантноста на Флорентино Перез, но Ел Мундо Депортиво сега тврди дека Ел Че го тера напаѓачот во Англија од каде исто така има интерес за него. Познато е дека за него имаше интерес од Челзи, но уште поголем од Манчестер Јунајтед кој се уште планира како да ги потроши парите од Кристијано Роналдо, а ионака е во потрага по квалитетен напаѓач.

Покрај Виља, раководството на Реал Мадрид вчера објави дека се откажува и од фудбалерот на Ливерпул, Чаби Алонсо.

Банки го кредитираат Перез

Во текот на вчерашниот ден стана јасно од каде Реал Мадрид ќе најде пари за планираната реконструкција на тимот во летниот преоден рок. Ел Мундо Депортиво објави дека две познати шпански банки Каха Мадрид и Каха Сантандер му одобриле на Реал кредит од вкупно 153 милиони евра и со нив треба да се платат трансферите на Кристијано Роналдо и Кака кои најверојатно ќе бидат најзвучните засилувања на "кралевите" за новата сезона.

Портпаролот на Каха Мадрид соопшти дека оттаму Реал подигнал кредит од 76,5 милиони евра, но ниту тој, ниту од Каха Сантандер не го потврдија извештајот на Ел Мундо дека гаранцијата за овие пари лежи во договорот за телевизиските права со компанијата Медиапро, а кој е во вредност од 600 милиони евра.

Како што е познато, Реал на Милан веќе му плати 65 милиони евра за Кака, а само еден ден потоа објави дека е прифатена понудата за Кристијано Роналдо во висина од 94 милиони. Загриженост за ваквиот потег на Реал вчера истакна шпанската Влада која секојдневно презема мерки за спас од глобалната економска криза.

Торес: Реал го уништи пазарот

Напаѓачот на Ливерпул и шпанската репрезентација Фернандо Торес се приклучи на негативните коментари насочени кон Флорентино Перез и неговата политика на купување скапи фудбалери во летниот преоден рок.

"Реал го уништи фудбалскиот пазар со ангажирањето на Кристијано Роналдо, но како и сите производи, и тој вреди колку што купувачот е подготвен да плати за нив. Жално е што шпанските фудбалери во Шпанија не се доволно ценети, па мораат среќата да ја бараат надвор, а за нивна сметка се купуваат играчи од странство. Имаме најдобра репрезентација, многу клубови се подготвени да дадат многу пари за нас, но меѓу нив не се и шпанските. Тие плаќаат само за странци", заклучи Торес.

Јунајтед го "откачи" Тевез и тргна по Бензема

Англискиот фудбалски шампион Манчестер Јунајтед потврди дека ги прекинува сите контакти со аргентинскиот напаѓач Карлос Тевез, кој изминатите две сезони ги помина на Олд Трафорд како позајмен фудбалер. Од управата на шампионот изјавија дека не успеале да се договорат со Киа Џорапчијан, човекот кој ги поседува правата на Аргентинецот, поради високите побарувања на напаѓачот иако Јунајтед се согласи да ја плати сумата од 25,5 милиони фунти.

"Нашиот клуб беше подготвен да плати 25,5 милиони фунти за потпишување перманентен договор со играчот. Ние како клуб му излеговме во пресрет и му понудивме петгодишен договор со одлични финансиски услови, меѓутоа неговите агенти ни потврдија дека Карлос не сака да игра за Манчестер. Затоа ги прекинуваме сите контакти со него и ја користиме оваа прилика да му се заблагодариме за с$ она што стори за нас во изминатите две сезони и да му посакаме с$ најдобро во иднина", стои во соопштението од Јунајтед.

Сега Тевез е многу блиску до трансфер во градскиот ривал на "црвените ѓаволи", Манчестер Сити. Неофицијално се дознава дека управата на овој клуб постигнале уснен договор со Џорапчијан за премин на Сити Грауд и дека трансферот на Тевез е само прашање на време. Според англичанецот со иранско потекло, Џорапчијан "граѓаните" испратиле најдобра понуда и постои голема веројатност да биде прифатена.

На прашањето зошто ги прекинале преговорите со Манчестер, тој истакна дека Јунајтед не покажа никаков респект кон Аргентинецот бидејки му даваше многу малку шанси за игра и одолговлекуваше со неговиот договор.

Офанзива по Бензема

Манчестер Јунајтед ќе започне операција за привлекување на францускиот напаѓач од екипата на Лион, Карим Бензема, соопштуваат медиумите во Франција. Поради продажбата на Кристијано Роналдо и заминувањето на Карлос Тевез, Јунајтед остана "тенок" во нападот па менаџерот Алекс Фергусон го "мерка" токму Бензема за предводник на нападот на својот тим. Според информациите Јунајтед понудил околу 35 милиони евра за потписот на Бензема. Оваа вест ја потврди и претседателот на Лион, Жан Мишел Ола кој изјави дека нема намера да се откаже од својот играч.

"Добивме интересна понуда за Бензема. Меѓутоа тоа не значи дека напаѓачот ќе си замине. Реков неколкупати, па ќе кажам и сега. Бензема останува во Лион најмалку уште една година", изјави Ола.

Поголема плата за Видиќ

Упрвата на Манчестер Јунајтед се обидува долгорочно да ги осигура услугите на Немања Видиќ, па за таа цел подготвува нов, богат договор за обогат договор за српскиот дефанзивец.

Видиќ моментално заработува околу 50 илјади фунти неделно, а актуелниот договор му истекува во 2012 година. Информациите од Манчестер говорат дека неговата неделна плата ќе достигне цифра од 75 илјади фунти со што ќе се израмни со примањата на Мајкл Карик и Димитар Бербатов.