Новости

Kомпанијата Samsung го промовираше моделот i637 Jack кој е всушност Windows Mobile смартфон. Овој модел е достоен наследник на моделот Samsung i607 BlackJack.



Моделот i617 BlackJack II се очекува да се промовира преку AT&T оваа недела, заедно со комплетната листа на спецификации.

Samsung i637 Jack работи на Windows Mobile 6.1 Standard оперативниот систем, но ќе биде надграден со Windows Mobile 6.5, подоцна кога ќе биде достапен.

Моделот i637 Jack ја има подобрено функционалноста на моделот Samsung i617 BlackJack II, со додавање на WiFi, повеќе RAM меморија од 256 Мb, појак процесор од 528MHz како и 3.5 мм аудио приклучок. Samsung i637 Jack исто така ќе поседува и 3 мегапикселна камера, наместо 2 мегапикселната кај моделот BlackJack II.

Остатокот од функциите се скоро идентични. GPS исто така е вклучен, заедно со AT&T Navigator, и исто така Bluetooth v2.0 и USB конективноста. Целосната QWERTY тастатура задолжително е застапена кај овие модели.

Samsung i637 Jack поддржува quad-band GSM конективност и tri-band UMTS (со HSDPA), што го прави достапен низ целиот свет. Дисплејот е со големина од 2.4 инчи и QVGA резолуција.

Овој модел Samsung i637 Jack ќе биде достапен ексклузивно за корисниците на AT&T во Америка и ќе се појави во продажба на 19-ти Мај. Овој телефон ќе чини 99.99 долари секако со двегодишен договор.


[превземено од GSM Macedonia]

Iron Man напиша: Официјално претставен Zune HD Microsoft конечно и официјално го претстави својот нов уред Zune HD, за кој долго време слушавме различни гласини и непроверени информации. Опциите на овој уред горе-долу се слични со оние за кои веќе пишувавме, па така тој доаѓа со 3,3-инчен OLED екран чувствителен на допир, со резолуција 480 x 272 пиксели, вграден HD Radio ресивер, HD излез на посебен dock а не на самиот уред и поддршка за Wi-Fi. Zune HD, кој поседува и интернет пребарувач базиран на Internet Explorer, на американскиот пазар ќе се појави во текот на есента. Повеќе детали, како што е големината на интерната меморија и цената на самиот уред, остануваат непознати.

Секап мислам дека HTC HD е многу подобар :/

Топка која се одбива од водени површини

Waboba топката на прв поглед изгледа како и секоја друга топка, но сепак не е така. Таа е одлична разонода за врелите летни месеци, а може да се користи на било која водена површина, нешто што досега сè уште не сме виделе.



Доколку сакате да се подавате со топка во вода, Waboba сигурно ќе ве воодушеви бидејќи прави подобри скокови од обичната топка. Мала е и може да ја собере в рака, поради што е идеална и за девојки и за деца, а како и секоја топка не може да потоне и плута високо на површината.



Сигурно веќе сте правеле „жапчиња“ со фрлање камен по површината на водата. Waboba топката е крал на сите жапчиња. Топката не може да потоне, секој скок може да биде повисок од претходниот, а исто така и аголот на фрлање може да биде многу поголем отколку кога тоа се прави со камен.
Иако овој одличен реквизит се уште не може да се најде во Македонија, цената во странство е особено привлечна и изнесува само 6 евра, поради што ризикот за купување преку интернет е прифатлив


Waboba Ball - Short clip bouncing on water

МОБИЛЕН СО 12-МЕГАПИКСЕЛНА КАМЕРА

Компанијата Samsung Electronics денеска го претстави првиот мобилен телефон со 12-мегапикселна камера, Pixon 12.



Pixon 12, кој има поголема резолуција од повеќето фотоапарати, сериозно ќе и наштети на индустријата на камери и фото-апарати, која во последните неколку години бележи пад поради појавата на различни мобилни телефони со напредни камери.

Покрај 12-те мегапиксели, телефонот кој потсетува на моделот Samsung M8800 Pixon, ви нуди автоматско стабилизирање на сликата, како и опција за препознавање лик и насмевка. Големината на фотографиите варира од два до 18 мегабајти, а следната фотографија можете да ја направите после две секунди, што е особено импресивно со оглед на тоа дека станува збор за мобилен телефон.



Телефонот има 3,1-инчен екран осетлив на допир, GPS, ФМ радио и 150 MB интерна меморија со можност за надградба до 16 GB со помош на micro SD картички.

Pixon 12, чија цена сè уште не е позната, на европскиот пазар ќе пристигне кон почетокот на јуни.

Готово , кај да е и DSLR со мобилен ќе извадат, да можи одназад и објектив да му се стави на мобилниот 

Пристига iPhone 3GS



Компанијата Apple објави дека новата верзија на iPhone ќе се појави на пазарот во текот на месецов, поради што цената на актуелниот модел ќе падне на 99 долари. Ова го соопшти Филип Шилер, потпретседателот на маркетинг одделот на Apple, за време на годишната конференција на компанијата во Сан Франциско.

Шилер истакна дека новиот „iPhone 3GS“, кој ќе може да снима и видео фајлови, ќе може да се купи од 19-ти јуни.

-Ова е најмоќниот iPhone кој досега сме го произвеле. Тоа што се наоѓа внатре е нешто сосема ново, рече Шилер



Новиот телефон ќе има меморија од 16 гигабајти и ќе чини 199 американски долари, додека моделот со двојно поголема меморија ќе чини 299 долари.

Новата верзија на оперативниот систем iPhone 3.0 ќе стане достапна на 17 јуни, а сопствениците на iPhone телефони веднаш ќе можат бесплатно да го надградат својот OS.

Почнуваат олимписките игри за роботи



RoboGames е најголем фестивал на светот во кој главни ѕвезди се роботи. Натпреварувачите кои доаѓаат од 20 земји ќе се сретнат овој викенд во Сан Франциско, а секој од нив ќе ја донесе својата креација.

На RoboGames ќе бидат претставени работи од најновата генерација, било тоа да се креација на некоја позната компанија или пак на некој тотален анонимус. Минатата година присуствуваа дури 504 роботи и 563 инженери.



Само некои од категориите во кои работите се натпреваруваат се во директна борба, фудбал, хокеј, кунг-фу, и борење. Околу 2/3 од роботите се автономни, додека со останатите се управуваат со помош на далечински управувач.

Погледнете како беше минатата година.

RoboGames 2008