Македонската репрезентација

И во новата ранг-листа на ФИФА за месец мај нашата фудбалска репрезентација остана на 64-то место.

Во топ 10 репрезентациите нема некои значителни поместувања. Шпанците си останаа први и веќе се 12 месеци на таа позиција. Мал скок направија лидерите во нашата група Холанѓаните кои сега се втори, а Германците паднаа на 3-то место. Исто и Италија го прескока Бразил и сега се 4-ти, а Кариоките 5-ти. Англија ја рипна Аргентина и сега е 6-та, а Гаучосите се 7. Во топ 1- се уште и редоследно Хравтска, Русија и Франција.

Од нашата група Шкотска напредуваше 2 позиции и сега е 22, додека нашиот следен противник Норвешка падна за 2 позиции и сега се 47. Исланд со кој ќе играме на 10-ти јуни напредуваа две места и сега се 92.

Највеќе напредуваа Брукина Фасо(7 места) кои сега се 50-ти, како и Црна Гора(7 места) која сега е на 110. И двете репрезентации не одиграа ниту еден натпревар, а напредуваа толку многу. За прв пат откако постои рангирањето се случува некои репрезентации да напредуваат толку, а  да немаат одиграно ниту еден меч.

Македонија - Норвешка (сабота 17:45, Сител ТВ)

Следуваат двата најбитни натпревари за нас во овие квалификации. Можеби ќе беше многу полесно ако победевме или не загубевме во Рејкјавик, но сето тоа е зад нас и треба да учиме од грешките.

Нешто што треба да не радува во овие квалификации е што имавме игра и темпо на сите натпревари, исклучок оној во Амстерднам каде што Холанѓаните едноставно беа пресилни за нас. На сите останати напаѓавме, создаваме шанси, имавме свој период на доминација, па дури и со "лалињата" во Скопје.

Во ист ритам треба да се продолжи и на овој дуел со Норвешка во Скопје. Норвежаните не се нешто посебно, слична конструкција на тимот како нас, неколку интернационалци, два-три познати играчи и остатокот од домашното превенство.

Играта што ја играат Норвежаните ни одговара максимално, бар во досегашните натпревари го покажавме тоа. Играат некоја дива островска игра, со нафрлени топки, нешто слично како и Шкотите и Исланѓаните.

Имаат цврста средина и се форсира игра со Педерсен  во позадина и со искусните Џон Карју и Стефан Иверсен во нападот. Во одбраната најпознати се екс играчот на Ливерпул Џон Арне Рисе и одличниот сезонава во Премиер лигата, високиот Бруно Хагеланд.

Дека "викинзите" играат тешко со репрезентации кои играат  по земја, технички поткован фудбал кажуваат и ланските квалификации за ЕП кога Норвежаните не ги совладаа ни Грција, ни Турција, а  изгубија и од Босна дома во Осло.

Тренерот Јонуз треба веќе сето ова да го знае и да постави контра тактика. Доброто е што го имаме искусниот Седловски кој ќе му парира на Карју во скок играта, а уште подоброто е што Норвешка во нападот има многу спори играчи и тоа предност за нашата исто спора одбрана.

Би трбало да одиме со брзи и продорни напаѓачи и да се оди на игра по земја со кратки додавања. Скок играта со Mазнов во форот не би била препорачлива поради корпулентноста на дефанзивците на Норвешка, па можно е Стојков само поради тоа да биде стартер. 

Во средината и ние немаме некоја креативност, но истиот случај го имаат и Норвежаните и нив им фали тој еден кративец за подобрување на играта и кревање на ниво погоре и со тоа константност во резултатите,  опасност во нападите.

Најбитното за нас е средниот ред да не прави многу грешки. Мора да се оди ако треба и со бавни кратки, но прецизни додавања, па да играме и позиционо. Многу ќе зависи од Дарко Тасевски, пошто тој треба да биде врска со нападот. Ако Тасевски одигра на ниво без никаков проблем ќе ги совладаме Норвежаните. Доброто е исто што сите напаѓачи ни се во добра форма.

Најверојатни состави:

Македонија: Gk: Јане Николовски, Dl: Горан Попов, DC: Седлоски, DC: Игор Митрески, DR: Роберт Петров, DMC: Филип Деспотовски, DMC: Велиќе Шумоликовски, MC: Дарко Тасевски, FL: Gоран Пандев, FR: Ацо Стојков, FC: Илчо Наумоски

Норвешка: GK: Џон Кнудсен, DR:  Фредрик Вајнсенс , DC: Бреде Хангеланд, DC: Кејтил Вајлер, DL: Џон Арне Рисе, DMC: Џон Инге Хојланд, MC: Кристијан Гриндхејм, MC: Хенинг Хаугер, AMC: Гамшт Педерсен, FC: Џон Карју, FC: Штефан Иверсен