Вести

Како што и се очекуваше, Карло Анчелоти е назначен за нов менаџер на Челзи

 

После Раниери, Мурињо, Аврам Грант, Сколари и Гус Хидинк следен на листата менаџери откако е сопственик Абрамович, а кои ќе се обидат да му ја донесат континенталната титула на Челзи е токму Италијанецот.

Анчелоти додека беше тренер на Милан му донесе две титули Европски шампион.

На официјалната страна на Челзи стои:

“Фудбалскиот клуб Челзи е пресреќен што објавува дека Карло Анчелоти се согласи да биде нашиот нов менаџер. Тој потпиша тригодишен договор и тој започнува да тече од 1 јули 2009 година.“

“Карло беше вистинскиот кандидат за оваа работа. Тој веќе подолг период  беше успешен тренер во домашните првенства и европските купови.“

“Тој исто така има има и многу успешна кариера во овие натпреварувања, што е искуство плус за менаџерската позиција.“

“Се надеваме дека сите од Челзи топло ќе го поздрават неговото доаѓање и сите сме нестрпливи да работиме со него.“

Играчот за врска на Милан Андреа Пирло е една од желбите на Премиерлигашот Челзи и “плавите" се подготвени да понудат 25 милиони евра за неговите услуги.

Според Sportmediaset.it Адријано Галијани имал средба со извршниот шеф на Челзи, Питер Кенион пред да замине во Мадрид на преговри за Кака.

Како што се наведува сега со ангажирањето на Анчелоти тоа би требало да му биде една од најголемите желби на Карлито. Да го донесе еден од неговите омилени фудбалери од Милан на Стенфорд Бриџ. Иако претходно екс тренерот на Милан изјави дека Чаби Алонсо и Рибери се неговите приоритети ако стане менаџер на Челзи.

Пирло моментално зема околу 6.5 милиони евра годишно на Сан Сиро што за 30 годишник е премногу и се очекува Росонерите да ја скратат малку неговата плата.

Уште еден фудбалер се поврзува со трансфер на Стенфорд бриџ. Станува збро за малдиот Пато за кој веќе е испратена понуда од 45 милиони евра и се чека на одговор од Милан.

Тресетина навивачи на Милан протестираа денеска поради фактот што нивниот миленик Кака ова лето најверојатно ќе го напушти клубот.

Се повеќе се зборува дека подпресетаделот на Милан Адријано Галијани преговара со Реал и Челзи за трансфер на Бразилецот во нивните клубови. Се очекува во понеделник тој да потпише за Реал.

Фановите на Милан како што кажува La Repubblica се собрале пред седиштето на клубот каде што го скандирале името на Галијани, а потоа скандирале Кака да остане и наредната година.

Во позадина на сето ова биле карабињерите, но не интервенирале, бидејќи немало никакви инциденти.

На ова исто место и ова зимо протсетираа навивачите на Росонерите кога дознаа дека Кака се продава на Манчестер Сити. Тој момент многу го трогна Бразилецот, па затоа и остана на Сан Сиро.