Има ли (некакво) ГРЕВЧЕ кај другарот Стев

Стефче  јакимовски како градоначалник велат дека бил доста успешен. За мене секогаш ќе биде лош министер кој нас просветните работници не нарече ’’мечки заштитени со закон’’’ иако после тоа се вадеше дека зборовите му се извадени од контекс и дека изјавата не била баш таква.

Партиски препукувања или вистинска рационализација на превработеноста во локалната администрација?!
Јакимовски ќе ги чисти нововработените

Интересни податоци во Утрински весник.

За секретарката на Димиќ бруто-плата од 1.000 евра!

Секретарката била ангажирана преку Агенција за привремени вработувања од Прилеп

Деспина Трајковска

Со илјада евра месечно, ексградоначалникот на Карпош, Сашо Димиќ, го вреднувал трудот на својата дваесет и петгодишна лична секретарка. Таа за февруари, најкраткиот месец во годината, добила бруто-плата од дури 64.090 денари! Односно, зела „чисти“ 42.000 денари. Во описот на нејзината работа стои дека ги извршувала работните задачи на технички секретар, осум часа дневно, односно 40 часа неделно. Ексградоначалникот, кој не успеа да го победи Јакимовски во изборната трка, ја ангажирал секретарката преку Агенцијата за привремени вработувања „Проспект“ од Прилеп. Колку е задоволен од нејзината работа, Димиќ дури и јавно зборуваше во една телевизиска емисија.

Според градоначалникот Стевче Јакимовски, солидната сума која ексградоначалникот и' ја исплаќал на секретарката не бил неговиот единствен гаф поради кој Општината отишла во була. Наводно, огромни хонорари и' биле исплаќани и на сестрата на секретарката за лекторирање на општинскиот весник. Јакимовски, но и дел од општинската администрација, се сомневаат дека и двете солидно платени девојки имале соодветно образование за работата што ја извршувале. Наводно, секретарката имала завршено средно фризерско. Инаку, во Општината тврдат и дека поранешниот градоначалник им наредувал на финансиските служби да измислат по која основа му се исплаќа на дел од тимот на Димиќ.

„Запрепастен сум од тоа што го откривме и што очекувам допрва да излезе на виделина. Човек да се посомнева во секакви комбинации, па дури и во перење пари. Згора на се', правени се малверзации и невидени гафови токму во предизборието, што и на мало дете ќе му остави простор за секакви сомнежи. Дел од вработените тврдат дека Димиќ им исплаќал и на луѓе кои воопшто немале никаков ангажман во Општината. Тоа допрва го истражувам“, вели Јакимовски и додава дека се' уште не може да разбере од каде потребата Димиќ за само шест месеци преку Авторската агенција да исплати хонорари во вредност од 1,8 милион денари, што е речиси 2,5 пати повеќе од сумите кои вообичаено Општината ги исплаќа за период од половина година.

Ексградоначалникот Димиќ вчера не беше достапен да ги искоментира обвинувањата на негова сметка. Не одговараше на мобилниот телефон, кој се' уште не го вратил во Општината, а е во нејзина сопственост. Контакт со него не успеавме да оствариме ниту преку партиските линкови на ВМРО-ДПМНЕ. Наводно, неделава бил заминат во Црна Гора. Бидејќи по изборите Димиќ како да пропадна в земја и очигледно нема желба да комуницира со јавноста, отворени ќе останат еден куп прашања и обвинувања на негова адреса од страна на Јакимовски.

„Верувајте ми, му испратив телеграма на домашна адреса, но и тоа беше залудно. Ако можеше да не се појави да извршиме примопредавање, што останува за друго. Обврзан е да ги врати службените телефони, лаптопот и други општински работи, но, ете, со денови го нема. Каде е, речиси никој да не знае“, се пожали Јакимовски, кој рече дека пред надлежните институции ќе бара одговорност од Димиќ за секоја „дубара“.

Замислиа не прифаќа да му се намали плата, се навикнал на лагоден живот. На обичната раја ако им се намали плата, ако се избркаат договорците
Бучковски призна дека се расфрлал со државни пари
е ова навистина е маедонски феномен.

Ова со асфалтирање на дупките ми наликува во старт на перење на пари. Дупките се потполнуваат со асфалт. А, ако се асфалтираат улиците тоа е веќе нешто повеќе.
Проштевај ако погрешно те имам разбрано.


Изменето од anastea - 31.Мај.2009 во 02:32