Димиќ и Јакимовски со највалкани кампањи

Во крајно напната и тензична атмосфера поминала едночасовната средба на евроамбасадорот Ерван Фуере со двајцата кандидати за градоначалник на Карпош, што се одржа утрово зад затворени врати во хотелот Карпош.

Според извори на http://www.a1.com.mk/vesti/default.aspx?VestID=106661 - А1 , уште од самиот почеток на состанокот, Димиќ и Јакимовски почнале меѓусебно да се навредуваат и да си припишуваат разни обвинувања за криминал и корупција. Фуере, според информациите, речиси и да не успеал да дојде до збор. Останал непријатно изненаден од нивото на комуникација меѓу двајцата политичари, претенденти за градоначалник на една од најпрестижните општини во метрополата.

----------------------------------------------------------------------------------

Повеќето кандидати имаа валкани кампањи, без програми, исклучително базирани на плукање по конк*рентот, ама овие двајцата се сотреа од обвинувања и навреди.

За секретарката на Димиќ бруто-плата од 1.000 евра!

Секретарката била ангажирана преку Агенција за привремени вработувања од Прилеп

Деспина Трајковска

Со илјада евра месечно, ексградоначалникот на Карпош, Сашо Димиќ, го вреднувал трудот на својата дваесет и петгодишна лична секретарка. Таа за февруари, најкраткиот месец во годината, добила бруто-плата од дури 64.090 денари! Односно, зела „чисти“ 42.000 денари. Во описот на нејзината работа стои дека ги извршувала работните задачи на технички секретар, осум часа дневно, односно 40 часа неделно. Ексградоначалникот, кој не успеа да го победи Јакимовски во изборната трка, ја ангажирал секретарката преку Агенцијата за привремени вработувања „Проспект“ од Прилеп. Колку е задоволен од нејзината работа, Димиќ дури и јавно зборуваше во една телевизиска емисија.

Според градоначалникот Стевче Јакимовски, солидната сума која ексградоначалникот и' ја исплаќал на секретарката не бил неговиот единствен гаф поради кој Општината отишла во була. Наводно, огромни хонорари и' биле исплаќани и на сестрата на секретарката за лекторирање на општинскиот весник. Јакимовски, но и дел од општинската администрација, се сомневаат дека и двете солидно платени девојки имале соодветно образование за работата што ја извршувале. Наводно, секретарката имала завршено средно фризерско. Инаку, во Општината тврдат и дека поранешниот градоначалник им наредувал на финансиските служби да измислат по која основа му се исплаќа на дел од тимот на Димиќ.

„Запрепастен сум од тоа што го откривме и што очекувам допрва да излезе на виделина. Човек да се посомнева во секакви комбинации, па дури и во перење пари. Згора на се', правени се малверзации и невидени гафови токму во предизборието, што и на мало дете ќе му остави простор за секакви сомнежи. Дел од вработените тврдат дека Димиќ им исплаќал и на луѓе кои воопшто немале никаков ангажман во Општината. Тоа допрва го истражувам“, вели Јакимовски и додава дека се' уште не може да разбере од каде потребата Димиќ за само шест месеци преку Авторската агенција да исплати хонорари во вредност од 1,8 милион денари, што е речиси 2,5 пати повеќе од сумите кои вообичаено Општината ги исплаќа за период од половина година.

Ексградоначалникот Димиќ вчера не беше достапен да ги искоментира обвинувањата на негова сметка. Не одговараше на мобилниот телефон, кој се' уште не го вратил во Општината, а е во нејзина сопственост. Контакт со него не успеавме да оствариме ниту преку партиските линкови на ВМРО-ДПМНЕ. Наводно, неделава бил заминат во Црна Гора. Бидејќи по изборите Димиќ како да пропадна в земја и очигледно нема желба да комуницира со јавноста, отворени ќе останат еден куп прашања и обвинувања на негова адреса од страна на Јакимовски.

„Верувајте ми, му испратив телеграма на домашна адреса, но и тоа беше залудно. Ако можеше да не се појави да извршиме примопредавање, што останува за друго. Обврзан е да ги врати службените телефони, лаптопот и други општински работи, но, ете, со денови го нема. Каде е, речиси никој да не знае“, се пожали Јакимовски, кој рече дека пред надлежните институции ќе бара одговорност од Димиќ за секоја „дубара“.

Во општина Карпош е извршена замена на сите прегорени светилки што ги констатирале и пријавиле граѓаните кои живеат на оваа територија. Деновиве фирмата „СВЕМ-инженеринг“ ќе изврши реконструкција на постојните улични светилки кои се дотраени и на други улици во општината. Со акцијата ќе бидат променети 171 улична светилка. Властите од Карпош најавуваат дека деновиве ќе почнат со реконструкција на постојните клупи и поставување на нови онаму каде што нема. Според тендерската документација, со оваа акција ќе бидат поставени 100 нови клупи. Предвидена е и промена и реконструкција на кантите за отпадоци и монтирање нови 200 канти низ целата општина. Општинарите информираат дека е завршено асфалтирањето на еден крак во должина од 300 метри на главниот пат во Горно Нерези. Закрпени се и дупките на улицата Загрепска, а комплетно е завршена и реконструкцијата на патот кон манастирот „Пантелејмон“ во должина од седум километри, од Долно до Горно Нерези вклучувајќи ги и двата паркинг-простори во манастирскиот комплекс. Од Општината информираа дека интензивно се работи на подготовка за асфалтирање на дупките на улиците Бук*решка, Париска, Бледски договор, Прашка и Миле Поп Јорданов.