ОТКАЖАА КОМПЈУТЕРИТЕ НА ВЛAДИНИОТ АВИОН

Се множат дефектите со владиниот Лирџет кој се уште е расклопен и се поправа на Бриселскиот аеродром, тврди Канал 5 телевизија. Откако во петокот беше утврдено дека поради прекин на жица откажал системот што го идентификува авионот додека е во лет, утрото во саботата, по деталниот преглед, инженерите утврдиле дека е непоправлив и целиот компјутерски систем за ориентација кој давал лажен сигнал за висината на авионот. Новиот компјутер треба да стигне од САД во рок од 24 часа, па така авионот ќе може да се врати во државава најрано в понеделник, тврди телевизијата.

- Се е установено направено, проверено и конечно е дојдено дека дефектот е во самиот компјутер. Можам да ви кажам дека е Сноу бординг компјутер којшто е во целиот тој систем со флот сецеви и од него иде погрешен сигнал до целиот систем на флајт и граунд мод и сега добив известување дека од Америка се нарачува. Ние имаме договор, Владата за набавка на резервни делови кој што редовно си го плаќа така што спрема договорот во рок од 24 часа треба да ни го испорачаат делот што ни е потребен, изјави Александар Алаѓозовски, пилот на владиниот авион.

По враќањето на авионот во државава, Комисијата за истрага на несреќи во воздухопловството ќе направи комплетна проверка на авионот, особено на компјутерскиот систем и на одржувањето на авионот. Не се исклучува можноста Лирџетот да биде и приземјен. Извештај за инцидентот треба да подготви и посебна комисија на Агенцијата за цивилно воздухопловство во рок од 72 часа по настанот. Веднаш по принудното слетување на авионот, владината Служба за општи и заеднички работи која е одговорна за неговото одржување соопшти дека леталото досега редовно се одржувало и се сервисирало.

ВЕЌЕ ВИДЕНА НЕОКОМУНИСТИЧКА ПРОПАГАНДА
Инцидентот, со тежок дефект во лет на владиниот авион, во кој се возел премиерот, шефот на неговиот кабинет и екипажот, секаде предизвикува максимална загриженост и интерес кај домицилната, па и странската јавност. Никогаш, и никаде, во Европа во такви ситуации немало новинарски шпекулации кои одат од онаа страна на човечноста, хуманоста и јавниот интерес кој е единствен во моменти кога се загрозени државните институции. Никаде, освен кај нас и дел од новинарите, блиски на неокомунистичката СДСМ.
Најпосле, луѓето во авионот не се само државна институција, туку пред се луѓе: нечии синови, татковци, пријатели...

Имено, на денот кога се дозна информацијата, новинарка од Дневник почна да шири пропаганда меѓу колегите дека сето тоа било трик. Дека Саркози му ја откажал средбата на Груевски, и нашиов барал начин како со лажга да се спаси од срам.  Тоа не е прв пат да се применува оваа неокомунистичка пропаганда. Но, овојпат, беше морбидно употребена. И демантирана лично од Саркози.

Неокомунистите знаат да го прават тоа. Кога Борис Тадиќ во 2006, пред тогашните избори, дојде во Македонија одби да се сретне со тогашниот премиер Владо Бучковски. Според Бучковски, тој немал време за Тадиќ, иако се сретна со српскиот милионер Мишковиќ. Кога Бучковски беше во Либија, истата 2006 година, во последен момент Гадафи одби да го прими македонскиот премиер. Од кабинетот на Бучковски беше објаснето дека Гадафи не бил во земјата. Но, стаса убедлив демант: Гадафи ја примил во посета актерката Неда Украден.
Неокомунистите, мајстори на пропагандата и омразата без граници кон се што не е под нивниот идеолошки чадор, овојпат навистина - претераа.