ОТКАЖАА КОМПЈУТЕРИТЕ НА ВЛAДИНИОТ АВИОН, ПРЕМИEРОТ БЕЗБЕДНО ВРАТЕН ВО БРИСЕЛ

За време на летот на владиниот авион со кој претседателот на Владата Никола Груевски, неговиот шеф на Кабинетот Мартин Проѓуер и членовите на обезбедувањето патуваа од Брисел до Париз откажале сите копјутери во леталото, како и радарот.

Откажаа компјутерите на владиниот авион

Откажаа радарите на владиниот авион среде летање од Брисел за Париз. Авионот требаше на пладне да го одведе премиерот Груевски, неговите соработници, обезбедувањето на првата билатерална средба со претседателот на Франција, Никола Саркози.

Според непотврдени информации, во авионот се наоѓала и сопругата на Премиерот, Боркица.

Како што дознаваме од извори во белгиската контрола на летање, дефектни биле транспондерите на авионот, тие радари и овозможуваат на контролата на летање да го идентификува леталото.

Поради дефектот, авионот бил принуден веднаш да се врати назад во Брисел, бидејќи француската контрола за летање не го препознавала леталото.

Извори во белгиската контрола за летање тврдат дека инцидент не е воопшто загрижувачки и дека нема причина за паника.

Премиерот Груевски и неговите соработници заминаа со возот во 2 часот и 45 минути од Брисел за Париз, но ја испуштија закажаната средба со францускиот претседател, закажана за 3 часот и 30 минути.

Дипломатски извори информираат дека средбата е презакажана за утре во 16 часот. Се очекува Елисејската палата оваа информација да ја потврди за неколку часа.

Состанокот се најавува како исклучително важен за македонските европски аспирации и за решавањето на спорот со Грција.

Инаку, Груевски и претседателот Иванов вчера во Брисел се сретнаа со Хавиер Солана и Оли Рен во Европската унија, каде добија силни охрабрувања да се продолжи со реформските потези и да се реши спорот со името. Средби беа остварени и со белгискиот државен врв.

Владиниот авион е сега во рацете на Белгијанците, кои имаат посебна лиценца од САД за поправање на ваквите дефекти.

Во текот на денот ќе бидат извршени симулации и еден пробен лет, по што ќе се знае дали леталото може утре да ги врати Премиерот и Претседателот на Република Македонија дома.

Ова не е прв ваков инцидент со владиниот Лирџет, стар четири години. И пред две години во јуни откажа компјутерскиот систем за навигација и тогаш патник за Брисел беше Груевски. Еден месец пред тоа со министерот за одбрана како патник откажа едниот генератор по што Лирџетот принудно слета во Минхен.

Засега не е познато дали ќе се бара одговорност од службите за одржување на владиниот авион што владата го купи за 11 милиони евра. Директорот на службата за општи и заеднички работи, Васе Доневски, за А1 изјави дека авионот редовно се сервисира на секои 300 саати летање, во овластениот сервис на Лирџет бомбардиер во Нирнберг, Германија.

Според него освен редовните сервиси авионот се проверува и пред секое полетување. Во моментов владиниот Лирџет е во хангар на аеродромот во Брисел и чека да дојдат инспектори да проверат што се случило.

  Од владината флота со три авиони, еден се урна, вториот е неисправен, а третиот има чести дефекти...

“Според искусниот пилот Кире Каевски, транспондерот е електронски уред што има код и МОД на работа, односно го идентификува воздухопловот и ја одредува висината на леталото кај аеродромските радари. Во секој авион има по два вакви уреда. Во зависност од заеднички прифатената листа со минимум опрема за летање меѓу производителот и корисникот на леталото, треба да се утврди дали авионот и при полетувањето и при летот користел два вакви уреда или само еден, па и тој еден откажал.“

Прекината жица причина за откажувањето на сензорите

петок, 15 мај 2009, 17:48

АГЕНЦИЈА ЗА ЦИВИЛНО ВОЗДУХОПЛОВСТВО

A yee...kolku dosega shto gi ispitaa i drugite vakvi slichni "sluchki" tolku i za ovaa ke "razbereme".

JBG ......... puknala zicata ama pak e dobro sto nikoj ne skina konci .... zica kako zica .. kje se smeni

Za lagata na novinarkata vo Dnevnik, deka seto ova bilo samo sharada na Gruevski i kompanija, zatoa shto navodno Sarkozi im otkazhal sredba pa morale da izmislat neshto za da ne se brukaat niz svetov.