Тип на исхрана кога имате болен желудник

a ja nikogas ne sum bila na pregled a imam nekoi problemi vo zeludnikot mnogu me maci koga ke se najadam kako da se duva i primer ako ispijam mleko ako izedam eden sendvic od sendvicara od sto mi e naduvan zeludnikot kako da ima vozduh vo nego i po nekoe vreme kako da se izdisi i posle srceto pocnuva da mi cuka silno ne sum bila na lekar od strav od toa crevo sto muvat moze li da mi kaze nekoj dali imal takvi problemi i kako da go resam toa

Има видови на храна кои знаат посебно да го отежнат варењето затоа секој треба да си провери, ама најважно е како што пишаа сите други да се избегнува онаа храна што нам лично ни предизвикува проблеми.
Несомнено до пред 3 години си имав закачено некој гастрит но откако престанав да пушам и пијам турско кафе сериозно ми се смири желудникот и не добивам веќе нагони на повраќање и киселини.
Треба да се избегнува и премногу масна, зачинета храна исто така.

Многу се важни редовните оброци..........

1. не прескокнувајте оброци........
2. јадете 5 пати на ден....и јадете полека за да соџвакате храната убаво
3. Пржена храна помалку, варена и печена повеќе
4. Кажете му чао на кафето
5. Алкохол никако
6. После јадење не пијте вода или било каква течност (сок, чај, кафе)
7. Супата е благодет, пире од компири, варен морков, грашок, боранија, проја, двопек, јогурт, варено месо.....ете примери.......

Луѓето со болен желудник и црева треба да внимааат на исхраната

Заболувањата на желудникот и цревата се јавуваат кај многу луѓе. Брзото темпо на живеење, животот исполнет со психичка напнатост предизвикува стрес на организмот со реакција на зголемено лачење на желудочна киселина - основна причина за појава на заболувањата на желудникот и дванаесетпалачното црево.

Многу лекари мислат дека прекумерното лачење желудочна киселина најчесто е резултат на голема возбуда и напнатост во организмот. Доколку во желудникот нема доволно храна или ако се произведува желудочна киселина во големи количества, таа почнува да ја напаѓа желудочната слузокожа, да ја разорува, при што се јавуваат болни чирови. Од ваквите заболувања најмногу страдаат амбициозните и енергичните луѓе, луѓе што секогаш сакаат да направат и постигнат повеќе отколку што можат.

Во лекувањето на овие заболувања, од секогаш како основа служела диетотерапијата, односно се применува соодветен начин на исхрана. Освен некои општи правила за хигиената на исхраната кои сигурно имаат одредени влијанија врз развојот на болестите, потребен е и одреден специфичен пристап.

Храната што се користи во текот на денот потребно е рамномерно да се распореди на повеќе од пет оброци. Значи, треба да се јаде често, во одредено време, но во мали количества. Ако чирот е во активна состојба, треба да се јаде на секои 2-3 часа дури и преку ноќта. Обилните оброци напладне или навечер треба да се одбегнуваат зашто тие значително го оптоваруваат желудникот. На организмот му е потребна избалансирана исхрана, редовно излачување на мочта и празнење на цревата. Човекот треба да воспостави телесна и душевна отпуштеност. Потребно му е повеќе одмор. Особено критични временски периоди во текот на годината се пролетта и есента.

Потребните протеини најдобро ќе се обезбедат со консумирање благо и кисело млеко, сурутка, посно сирење, изварка, павлака, меко варени јајца, младо говедско или телешко варено месо, варена риба или печена на скара. Во исхраната не се препорачуваат стари ферментирани сирења, јајца пржени на око или пржени со сланина, како ни тврдо варени јајца, масно свинско месо, сушено или чадено месо, колбаси или месо од жилав дивеч.

Потре*ите од масти и белковини најдобро ќе се обезбедат со употреба на маслиново, сончогледово или соино масло. Може да се користи и путер. Не се препорачува сало, сланина, лој или консумирање мајонези.

Најдобро е лебот да биде бајат или да се користи двопек. Да се избегнува леб направен од грубо брашно. Не се препорачува користење на многу шеќер или кондиторски производи (бонбони, чоколада, слатки, торти).

Од зеленчукот треба да се одбегнуваат зелката, кељот, печурките, доматното пире, ренот, 'родквите, а од овошјето не се препорачува јагодестото овошје.

Силните зачини предизвикуваат посебни проблеми, и затоа не се дозволени: црн пипер, сенф, лук, рен, лути пиперки, а од напивките не се препорачува црно кафе, алкохолни пијалаци и газирана минерална вода

Диета при проблем на желудникот
Општи принципи: Исхрана богата со белковини, умерено јаглехидрати, храна сиромашна со масти.

Дозволена храна:

•Млеко: обезмастено млеко, јогурт, кисело млеко, младо сирење, урда.
•Месо: сите видови немасно месо и риба.
•Јајце: до три пати неделно, умерена конзумација на жолчка.
•Житарици: леб, ориз, компир.
•Овошје и зеленчук: сите видови.
•Напивки: овошни сокови (кои не се многу кисели), чаеви.
•Слатки: компот, овошни желеа, не многу масни кремови и слатки.
Недозволена храна:

•полномасно млеко,
•топени сирења,
•кајмак,
•мајонез,
•масни меса и риба,
•многу слатки овошја (урма, смоква, суво овошје),
•масни овошја (лешници, бадеми, ореви),
•зеленчук со груби жили и тврда лушпа (праз, кељ, зелка),
•газирани пијалоци,
•алкохол и цигари.
Препораки: После јадењето да не се легнува, малку да се прошета. Вечерата никогаш да не е пред спиење, да се спие на малку подигната перница. Да се избегнуваат обилни оброци, груба храна и храна која ја дразни слузницата (премногу зачинета и кисела храна).

Кулинарска припрема: Варена, печена храна. Да се избегнува пржена и похована храна.

Број на оброци: 4-5 помали оброка.