УЕФА Лига на Шампиони

Одбраната на Барса - најголема шанса за Челзи

Се уште се свежи сеќавањата на љубителите на фудбалот од последниот натпревар на Барселона во домашното првенство кога го "прегази" Реал Мадрид со 6:1 и му даде вистинска фудбалска лекција. Но, само четири дена подоцна каталонскиот тим мора да се сврти кон реванш-полуфиналниот натпревар од Лигата на шампионите каде го очекува Челзи и каде многумина очекуваат репетиција на она што се случуваше во саботата на Сантијаго Бернабе. Без притоа да земат предвид дека на Барселона вечерва ќе и биде многу-многу потешко отколку во Мадрид.

За тоа има неколку причини. Прво, Барселона патува во Лондон значително ослабена во оној дел каде што и е најслаба оваа сезона - во одбраната. Капитенот Карлес Пујол поради жолти картони нема право на настап вечерва, Маркез се повреди на првиот натпревар против Челзи, па последната одбранбена линија сега ќе ја сочинуваат младите и релативно неискусни кога станува збор за вакви натпревари Пике и Касерес. Првиот одлично одигра во саботата против Реал и потврди дека му претстои блескава иднина, но никогаш до минатиот вторник не играл во полуфинале од Лигата на шампионите иако лани беше во составот на Манчестер Јунајтед, но не заигра, кој ја елиминира Барселона во истата фаза. Пике и Касерес ќе мораат да го запрат Дрогба, кој има одлична историја во дуелите со Барселона бидејќи до минатата недела постигнуваше голови речиси на секој меч, но и одигра извонредно во минатото коло од Премиер-лигата против Фулам постигнувајќи еден гол и асистирајќи при уште два за Челзи. Во стартната постава на каталонскиот тим ќе биде и Ерик Абидал - убедливо најслабиот поединец од натпреварот против Реал Мадрид, кој ќе мора сега да го запре Жозе Босингва.

Втората работа поради која на Барса ќе i биде потешко е тоа што Челзи повторно не мора да се отвори бидејќи од првиот натпревар има 0:0 и повторно може да ја очекува својата шанса од контранапади. Таква затворена варијанта на противникот не i одговара на Барселона што се виде не само на првиот меч на Ноу Камп, туку и во минатите сезони имајќи предвид дека најголемиот дел од овие фудбалери на Гвардиола се староседелци.

И третата работа е што Челзи има многу поквалитетен тренер од Реал Мадрид во името на Гус Хидинк. Тој нема титула во Лигата на шампионите, но има во Купот на европските шампиони пред повеќе од две децении со ПСВ, а со истиот тим пред неколку сезони неочекувано стигна и до полуфиналето од Лигата на шампионите. Холанѓанецот покажа дека ја прочитал играта на Барселона, па и покрај критиките за исклучително дефанзивен настап, сигурно повторно ќе најде лек за најдобриот напад во Европа оваа сезона.

"Резултатот од првиот натпревар ни е одличен, а ние се претставивме во неверојатно издание. Мора да се знае дека Примера и Премиер-лигата се многу различни натпреварувања. Кај нас многу повеќе се оди на физичката сила и тоа е најголемиот плус за Челзи. Ние сме првиот тим кој на Барселона не i дозволи да постигне гол на Ноу Камп. Сега играме на домашен терен, ги имаме навивачите на наша страна и сигурен сум дека тие ќе не однесат кон Рим", вели Лампард. Во неговата екипа се враќа Ешли Кол по суспензијата и Челзи ќе биде комплетен на вечерашниот натпревар.

Навивачите на Барселона можат да здивнат затоа што францускиот репрезентативец Тиери Анри, најверојатно, ќе биде во стартниот состав. Напаѓачот беше еден од најдобрите на дуелот со Реал постигнувајќи два гола, но постоеше опасност да го пропушти овој меч поради повреда која го мачеше уште минатата недела. Сепак, докторите дале "зелено светло" и останува само Гвардиола да го потврди како член на стартниот тим. Заедно со него во нападот ќе бидат Меси и Ето и заедно ќе ја формираат "тројката" која сезонава постигна 94 гола во сите натпреварувања оваа сезона.

"Наша основна определба секогаш е нападот и само нападот. Тоа Барселона го прави најдобро, Челзи игра друг фудбал кој им носи успех, но ние нема да играме по нивните правила. Се надевам дека сега и судијата ќе биде на ниво и дека ќе успееме да дојдеме до фудбалска правда", рече еден од најдобрите фудбалери на Барселона оваа сезона Андрес Иниеста.

Ова е десетти меѓусебен натпревар на Челзи и Барселона во Лигата на шампионите и тоа во последните девет години. Досега скорот е апсолутно израмнет: по три победи за двете екипи и три нерешени резултати. Кој ќе ја оствари четвртата победа ќе обезбеди пласман во големото финале од годинешното издание на Лигата на шампионите што се игра на 27 мај во Рим.

ТИКЕР

*Италијанскиот тенор Андреа Бочели ќе настапи пред отворањето на финалниот натпревар од Лигата на шампионите што на 27 мај ќе се одигра на Олимпискиот стадион во Рим. Тој е познат како навивач на Интер, но неговиот омилен клуб доживеа елиминација уште во осминафиналето од актуелниот европски првак Манчестер Јунајтед.

"Бев сигурен дека Интер ќе игра во финалето и како домаќин ќе ја има предноста. Не успеавме да го направиме тоа, но барем на Олимпико ќе имам еден огнен навивач на Интер", изјави оперскиот пејач кој на 12 години го загубил својот вид.

*Поранешниот тренер на Барселона, Луис ван Гал, кој сезонава ја освои титулата во холандското првенство со АЗ Алкмар, изрази надеж дека неговиот поранешен клуб заедно со Манчестер Јунајтед ќе игра во големото финале од Лигата на шампионите. Тој призна дека и натаму е голем фан на Барса, но додаде дека ќе i биде тешко да го помине челичниот бедем на Челзи.

"Барселона одигра неверојатен натпревар против Реал. Тоа беше одличен приказ на егзибициите во фудбалот благодарение на силата на колективот и квалитетот на индивидуалците. Горд сум на Валдес, Чави, Пујол и Иниеста затоа што дел од нив влегуваа во првиот тим додека јас бев таму. Челзи знае како се игра против Барселона и нема да им треба многу за да постигнат гол. Добри се во контранапади, но се надевам дека Барселона со Манчестер Јунајтед ќе игра во финалето", заклучи Ван Гал.

*Сите во Барселона, почнувајќи од тренерот Гвардиола до последниот фудбалер во нападот се категорични дека и на реваншот ќе напаѓаат без оглед на резултатот од првиот меч.

"Во Лондон одиме да нападнеме и да победиме", полн е со оптимизам тренерот Гвардиола, кој уште во првата сезона на клупата на каталонскиот тим има можност да дојде до финалето.

"На Челзи му е страв да не нападне за да не му се случи истото како на Реал. Сепак, се надевам дека барем малку ќе се отворат и ќе одат да постигнат гол. Ако ние го отвориме резултатот, тогаш 90% сме ја завршиле работата затоа што Челзи ќе мора да постигне два гола и комплетно ќе се отвори, а ние ќе го имаме целиот терен на располагање", рече Меси.

*Главниот судија на вечерашниот натпревар, Том Хенинг Евребо, никогаш досега не му судел на Челзи, додека вторпат во оваа сезона ќе води натпревар во кој учествува Барселона. Првиот беше реваншот од осминафиналето на Лигата на шампионите против Лион кој Барселона го доби со 5:1 и обезбеди пласман во следната фаза.

Интересно е тоа што четири од последните шест натпревари во Лигата на шампионите кои ги водел Евребо завршиле со победа на домашниот тим, а другите два биле нерешени. Од нив само еден би и одговарал на Барселона, и тоа последниот, во четврт-финалето од ова издание на Лигата на шампионите меѓу Виљареал и Арсенал на Ел Мадригал, кој заврши 1:1.

ОВА МОЖЕБИ НЕ СТЕ ГО ЗНАЕЛЕ

*Над две третини или 66,8% од екипите кои на првите натпревари од нокаут-фазата во Лигата на шампионите како гости одиграле без голови, потоа обезбедиле пласман во следната фаза.

*Челзи нема пораз веќе 17 натпревари на домашен терен во Лигата на шампионите. Но, последен тим кој славел на Стемфорд Бриџ е Барселона на 22 февруари 2006 година со 2:1.

*Барселона вечерва може да го доживее 100. пораз во европските натпреварувања. Досега има 238 победи, 101 нерешени резултати и 99 порази.

*На Барселона i се потребни два гола за да го израмнат рекордот на Реал Мадрид од 850 погодоци во сите европски купови. Во исто време, Барса и натаму е најефикасен тим во Лигата на шампионите оваа сезона со 29 гола.

*Чави, заедно со Франк Рибери, е најдобар асистент во Лигата на шампионите оваа сезона со шест додавања за гол.

*Барселона се наоѓа во рекордна серија од 104 натпревари во Лигата на шампионите без добиен црвен картон. Последниот фудбалер на каталонскиот тим што бил исклучен е сегашниот тренер Пеп Гвардиола против Брондби на 9 декември 1998 година.

*Барселона не го победила Челзи во последните четири меѓусебни дуели и тоа е најдолга серија на непобедливост против еден тим од Лигата на шампионите заедно со Манчестер Јунајтед.

*Во последните четири сезони Барселона беше елиминирана од англиски екипи: Челзи (2004/05), Ливерпул (2006/07) и Манчестер Јунајтед (2007/08). Сепак, последната титула ја освои против англиски тим - Арсенал, а ако обезбеди пласман во финалето во Рим повторно ќе игра против екипа од Премиер-лигата.

До ново полуфинале со двајца нови играчи

Барселона оваа сезона реди успеси во сите натпреварувања во кои учествува, но многумина се чудат на тоа затоа што во однос на минатата катастрофална сезона сменети се само двајца фудбалери. На пример, во истиот период минатата година Барселона доживеа дебакл од Реал Мадрид со 4:1 на Сантијаго Бернабе и беше елиминирана од Манчестер Јунајтед, а неполн 365 дена на истиот стадион го "прегази" Реал со 6:2 и се уште е со шанси да обезбеди пласман во финалето од Лигата на шампионите, плус да дојде до трофејот од Купот на Шпанија.

Минатото лето Рајкард, кој на Барса и донесе две титули во Примера и една во ЛШ, го напушти Ноу Камп, а заедно со него продадени беа Деко и Роналдињо. Купени беа Жерард Пике и Дани Алвес, кои единствени беа нови фудбалери во тимот на мечот со Реал во однос на ланската сезона. Кеита, Хлеб и Касерес останаа на клупата иако и тие беа ангажирани во пресрет на новата сезона.

Сепак, за да биде комплетен успехот и оваа споредба да е "на место" Барселона ќе мора вечерва да го елиминира Челзи и да обезбеди учество во финалето од Лигата на шампионите, што би било трето за каталонскиот тим по 1994 и 2006.

Многу се силат во Барса пред мечов.

Еве линк до снимка од голот на Иниеста.

Да се преигра мечот?????

http://youtube.com/watch?v=VRLzOv3lxT8


visca barcaaaaaaaaaaaaaaaaaaaaaaa

Изменето од fiks - 07.Мај.2009 во 20:46

Гвардиола се надева дека ќе учи од ’господарод’
Тренерот на Барселона, Пеп Гвардиола е почестен што за противник следната недела ќе го има Сер Алекс Фергусон – натпревар кој го опиша како најважен во неговиот живот
	Гвардиола како играч на Барселона има играно во две финалиња од Лигата на Шампионите, славеше на првото на Вембли против Сампдорија во 1992 и загуби во второто од Милан во Атина две години подоцна. Поранешниот капитен на Барселона уживе извонредна прва сезона како тренер веќе освојувајќи го шампионатот на Шпанија и Купот на Шпанија. Барселона сега е само на 90 минути од историски успех и тројната круна, нешто што до сега никоја генерација на клубот не успеала да го стори. И Гвардиола се нашали дека ќе се пензионира доколку успеат во тоа. “Доколку победиме, ќе заминам дома и ќе ја завршам кариерата, ќе имам голем, голем успех.” – Пеп прокоментира со насмевка на лицето. “Фергусоно? Имам голема почит кон него, и сум горд што сум тука и ќе играм против неговиот тим.” – продолжи Пеп. “Неговата кариера е прекрасна – освојуваше трофеи, мораше повторно да гради нов тим, а потоа поведуваше повторно и повторно.” “Ќе се обидам да учам од него – ова е горд момент за мене што ќе играм против него и огромен тим како што е Манчестер Јунајтед.” За финалето во Рим, Андрес Ињеста и Тиери Анри сеуште се неизвесни и Пеп не е сигурен дали ќе може да смета на дуото. “Немам многу опции. Фактички јас немам многу опции за дуелот со Осасуна од првенството.” “Не знам дали Анри и Ињеста ќе се опорават на време – ќе видиме во понеделник или вторник.” “Тие имаат верба и желба да бидат таму но се зависи од нивните мускули.” Без разлика со кој тим ќе настапи Гвардиола останува убеден дека можат да победа. “Доколку тие не се подготвени некој друг ќе добие шанса. Не можеме ништо да направиме за тоа – Дани Алвес, Ерик Абидал и Рафа Маркез веќе се отсутни и нас ни фалат играчи.” “Би сакал да ги имам сите на располагање, но тие не се, па ќе се обидеме да победиме на натпреварот со тие што ги имаме на располагање.”

Ocekuvam otvorena igra od dvete strani....podobriot neka pobedi