КОШАРКА - новости

Литвос Ритас освојувач на кошаркарскиот Еврокуп

Кошаркарите на литванскиот Литвос Ритас го освоија Еврокупот откако во финалето во Торино со 80:74 го совладаа рускиот тим Химки.

До победата Литванците стигнаа откако во последната четвртина направија серија од 13:0 и ја добија четвртината со 27:12 што беше решавачко за освојувањето на пехарот.

Со триумфот во ова натпреварување екипата на Литвос Ритас обезбеди учество следната сезона во најквалитетното европско натпреварување Евролигата.

ЦСКА Москва и Панатинаикос во финале од Еуро-баскетот

Втората финална пресметка меѓу двајцата великани, актуелниот првак ЦСКА Москва и Панатинаикос ќе го даде победникот на 53-то издание на елитната кошаркарска лига или 22-то на популарниот Фајнл Фор.

Во богатата меѓусебна историја, грчкиот тим има три победи повеќе, 10:7, но две титули помалку од шесте на Русите. За ЦСКА ова ќе биде десетто финале, четврто по ред.

Во последното од седумте, Панатинаикос ги совлада московјани на домашен терен во атина во 2007-та година со 93:91.

Дуелот ќе го одбележат и двајцата врвни тренери, Жељко Обрадовиќ е рекордер со шест трофеи, Еторе Месина има четири.

Србинот е поуспешен од Италијанецот со ефект од 11 триумфи и осум порази. Преносот од Берлин е во 20 часот на А2.

Во овие моменти се игра завршницата од дуелот за третото место на поразените во полуфиналните натпревари, Барселона и Олимпијакос.

Panatinaikos - CSKA Moskva   73-71 kolku sreka imaat ovie grcive!23 razlika vodea i na kraj pak ke izgubea...

Шампионот со искуство до славење

Веројатно најдобрата серија од првото коло во историјата на НБА лигата заврши како што впрочем и повеќето љубители на кошарката ширум светот претпоставуваа. Актуелниот шампион и бранител на титулата, Бостон Селтикс, ја искористи предноста на домашен терен и пред своите симпатизери успеа да не се посрамоти и да обезбеди пласман во следната рунда.

Селтикси славеа со 109:99, а веќе вечерва се ја играат првата средба во рамките на второто коло против Орландо.

Младите играчи на Чикаго, состав кој има неверојатен потенцијал и квалитет во себе, мора да биде задржан во целост без исклучок и во следните неколку сезони. Екипа во која главните играчи заедно немаат толку искуство колку Реј Ален на другата страна, успеа до последниот свиреж на судијата во оваа серија да го држи во неизвесност Бостон околу неговото опстојување во годинешниот плеј-оф. Доколку тимот на Чикаго остане во овој состав многу веројатно веќе следната сезона ќе се пишува за нешто многу поголемо од ова. За првпат откако големиот Мајкл Џордан го напушти градот на ветровите, Булси имаат тим кој е способен за големи нешта и за големи достигнувања.

Така изгледаа и на овој седми натпревар од серијата против Бостон, барем во првата четвртина и на почетокот од втората. Тогаш, конечно, за првпат во годинашниот плеј-оф во целост ја оправда улогата на фаворит и одигра шампионски, со неверојатната сероја од 22:2 тимот на Бостон, и за само шест минути ја презема целата игра на натпреварот. Како и многупати во минатогодишниот плеј-оф до овој чекор нанапред домаќините ги катапултираше играчот кој отсекогаш беше карактеризиран како играч кој не знае да игра одбрана, но е роден тројкаш, и кој е способен да реши цела серија натпревари. Хаус во овој период постигна две последователни тројки, и во еден молневиот налет Селтиски направија предност од 52:39, по што се замина на одмор. Таа втора четвртина подоцна се покажа одлучувачка бидејќи Бостон подоцна не ја зголеми предноста.

Сепак, и покрај сите проблеми Чикаго успеа на три минути до крајот да ја смали предноста на домаќините на само три поени. Но уште еднаш, играчите на Бостон го искажаа својот квалитет и несомненото големо искуство во вакви одлучувачки плеј-оф средби. Во последните две минути домаќините погодија 11 слободни фрлања, за големо олеснување на армијата домашни навивачи облечени во зелено.

"Оваа серија за нас беше извонредно тешка. Екипата на Чикаго беше извонредно мотивирана како што впрочем би била и секоја која игра против актуелниот шампион. Тоа нас само не прави посилни во остварувањето на целта, а тоа секако е одбраната на титулата" - истакна тренерот на Бостон, Док Риверс, по натрпеварот.

Од друга страна кормиларот на Булси, Вини дел Негро, имаше доста проблеми со водење на екипата во својата прва сезона, се додека не се случи трејдот со кој беа доведени Џон Салмонс и Бред Милер.

"Имаме доста млади играчи на кои ова им беше прво вакво плеј-оф искуство. Гледајќи на долги патеки ова ќе биде исклучително значајно за во иднина за да не ги правиме истите грешки" - истакна Дел Негро.

Реј Ален уште еднаш во оваа неповторлива серија беше предводник на својот тим со 23 поени и седум скокови, додека Кендрик Перкинс додаде свои 15 коша. Сепак, веројатно клучни поени во целиот меч беа оние на 15-те на Еди Хаус кои беа постигнати од совршени 5-5 шут од поле. Бен Гордон беше најефикасен кај гостинската екипа со 33 поени, во можеби последниот натпревар кој го игра во дресот на Булси. Добро е познато дека минатото лето одби да потпише долгогодишен богат договор со тимот на Чикаго, а веќе во јули е слободен играч. Ова секако е одлична вест за поголемиот број екипи во лигата кои не би имале ништо против како слободен агент да го ангажираат еден од најдобрите стрелци во лигата. Дебитантот на годината Дерик Роуз се прости од сезонава со 18 поени, додека Кирк Хајнрих додаде свои 16 коша.

Кога ќе се сумираат многуте впечатоци и импресии од оваа ретко видена кошаркарска приказна со среќен крај за Бостон, може да се извлечат неколку заклучоци. Сите оние што се упатени во збиднувањата во кошаркарскиот свет се едногласни во констатацијата дека актуелниот шампион многу лесно можеше да се збогува со плеј-офот уште во првото коло. Само објективно поголемото искуство во ваквите ситуации на момците на Док Риверс ги спасија од елиминација во дуелот со Чикаго. Отсутвото на Кевин Гарнет во голема мера се почувствува во одбраната, а само супериорноста на Реј Ален не дозволи нешто слично и во нападот.

Сето ова треба во моментов да биде заборавено бидејќи Бостон уште вечерва ги продолжува борбите во годинешното разигрување против тимот на Орландо.

Денвер се пласира во финалето на западната конференција

Со победата од 124:110 против Далас во петтиот натпревар од полуфиналето на западната конференција кошаркарите на Денвер се пласираа во финалето каде последен пат играа во 1985 година.

До вкупните 4:1 во победи стигнаа предводени од Чонси Билапс кој постигна 28 поени, а за него ова ќе биде седмо конференциско финале откако претходно со Детроит имаше шест. На тимот на Далас не им помогна ниту одличната партија на Дирк Новицки 32 поена, 10 скокови и 7 асистенции.

Противник во финалето ќе им биде победникот од дуелот ЛА Лејкерс - Хјустон кои моментално се 3:2 во победи за „езерџиите“.

Фил Џексон - најтрофејниот тренер во NBA

Легендарниот тренер на Бостон Селтикс Ред Оербах, освои девет шампиноски титули. Сите до една ги прослави со пура која стана негов заштитен знак и која стана синоним за успех. Оербах обожавеше пури, и да беше жив сигурно ништо немаше да го спречи да запали и во арената. 

Тоа добро го знае и Фил Џексон кој со десеттата освоена титула викендов стана и официјално најтрофејсниот и најјуспешниот тренер во историјата на НБА лигата. "Ќе запалм една во негово име. Тоа беше голем човек" - изјави Џексон. Сепак и самиот Оербах не би можел да биде посреќен со фактот дека е симнат од тронот од една жива легенда на Американската и воопшто светската кошарка. Џексон ја освои десеттата титула во кариерата од кои шест со Чикаго Булс и неприкосновениот и единствен Мајкл Џордан, а четири со Коби и Лејкерси. Мора тука да се спомене и неизбежниот Шекил О'Нил кој беше дел од три титули освоени со Лос Анџелес. Томку овој факт го натера Коби да вложи дополнителни напори и да ја освои толку посакуваната тиула без Шек само за да докаже дека е способен тоа сам да го стори. Колку и да докажува Коби дека може без Шек толку мора да признае дека не може без Фил Џексон.

Човекот чии методи на работа влучуваат и медитација и читање книги ( во случајот на Тони Кукоч стрипови), не секогаш размислувал на кошарка и бавењето со спорт.

"Имав сопствен бизнис кои ми беше примарната дејснот во животот. Воопшто не размилував на кошарка или бавење со неа. Не одеше се како што треба, каматите на кредитите кои ги имав земено се накачуваа од 15 на 18% па морав да барам друга солуција, и во тој момемн сосема случајно излезе тренерската понуда во Албени ( нисколигашка ЦБА лига екипа). Тоа траеше околу пет месеци, и сфатив дека може добро да се живее од тоа. Ја освоивме титулата но сепак во тоа време се заработуваше не повеќе од 25.000 долари годишно не беа којзнае колку примамливи. Тогаш еден од вработените во клубот ми рече дека доколку сум среќен во тоа што го правам никогаш не треба да ја напуштам браншата. Тоа со време ќе ти се исплати. На моја голема среќа се долучив да го послушам и останав во кошарката не ни замислувајќи дека ќе станам најјуспешниот тренер во историјата на овој спорт.

 Самиот Џексон по активната кошаркарска кариера која траеше од 1967 до 1980 година и неговите две титули како играч на тимот Њу Јорк Никс не даваа никаков знак дека во него се крие најголемиот кошаркарски стратег на сите времиња. Неговиот легендарен триаголник формација во нападот остана енигма за целата лига и адут кој му ја донесе целата слава и успех. Иако судбината си поиграла со Фил Џексон и тој морал на потешкиот начин да сфати дека е едноставно роден да се бави со кошарка, тоа воопшто не го спречува да биде една од најмаркантните личности воопшто во историјата на спортот.

Мајсторите застанаа на "101"

НАШАТА НАЈДОБРА СЕЛЕКЦИЈА НА СМЕТКА НА СЛОВАЧКА ГИ ЗАПИША ПРВИТЕ ДВЕ ПОБЕДИ ВО ПОДГОТВИТЕЛНИОТ ПЕРИОД ЗА ПРЕТСТОЈНОТО ЕП


МАКЕДОНИЈА - СЛОВАЧКА 101:70

(21-12, 22-14, 27-20, 31-24)

Сала: "Билјанини Извори" во Охрид. Гледачи: Судии: 1000. Крстевски - Терзиевски - З.Митровски - сите од Скопје. Делегат: Макревски.

Играч п 3п 2п 1п ск ас Играч п 3п 2п 1п ск ас

Стефанов 7 1/3 2/8 0/0 3 4 Мајорош 13 1/5 4/6 2/4 4 1

Мираковски 0 0/2 0/0 0/0 0 3 Гавел 18 0/6 3/6 12/14 7 10

Вашингтон 14 4/4 1/3 0/0 3 4 Балдовски 0 0/1 0/0 0/0 1 0

Димитровски 6 2/4 0/1 0/0 1 2 Лосонски - - - - - - -

Соколов 7 1/4 1/3 2/2 3 3 Цервенка - - - - - - -

Блажевски 3 1/2 0/1 0/0 2 1 Новак 6 1/6 0/1 3/3 2 0

Д.Стојановски 4 0/1 2/2 0/0 2 1 Сикора 19 4/11 3/4 1/2 6 2

Николовски 8 0/0 2/2 4/4 0 0 Шалај - - - - - - -

Антиќ 17 1/4 2/6 10/11 11 2 Миклосик 0 0/0 0/3 0/2 7 1

Трајковски 7 1/2 2/2 0/0 1 1 Рерко 10 2/6 2/2 0/1 1 1

Мејси 13 1/1 3/5 4/4 8 2 Нубер 0 0/1 0/1 0/0 0 0

Самарџиски 15 0/0 7/11 1/3 12 0 Батка 4 0/0 2/2 0/0 3 0

Вкупно: 101 12/17 22/44 21/24 45 23 Вкупно: 70 8/36 14/25 18/26 31 15

Нашата најдобра селекција дојде и до втората победа на дуелот со Словачка, овој пат од 101:70.

Иако на крајот дојдовме до убедлив триумф, сепак, Јовица Арсиќ и неговите момци ќе треба уште многу да работат за да дојдат до врната форма која ја бара евробаскетот во Полска.

Можеби причина за различните одиграни периоди е постојаната ротација на играчите, односно рамномерното распределување на минутажата, што, пак, не дозволува да бидеме постојани.

Од друга страна, пак, вчера можеа да се видат насмевки на лицата кај сите. Играчите ги користеа сите моменти за атракција, а оние кои дојдоа да ги бодрат знаеја како да ги наградат, но и да ги мотивираат.

Како и да е, победничкиот ритам веќе е наметнат, а сега останува во наредниот период да се корегира сето она што во моментов не чини и не може да помине на континенталниот собир.

Првата четвртина ја почнавме во ист стил, стегнато, но се чини за разлика од првиот меч сега ни беше потребно малку време за да фатиме ритам.

Овој пат предводник на избраниците на Јовица Арсиќ беше Перо Антиќ, неговите 13 поени во овој дел од играта беа доволни за нашите момци по првата четвртина да имаат позитива од девет поени (21-12).

Практично подобро функциониравме под обрачите, освен Антиќ, тука беше и Мејси.

Расположените високи играчи на "црвено-жолтите" им донесоа високо водство, а на противникот главоболки, кој немаше решение за нашата игра.

Во шестата минута негативата од минус еден поени (11-12) со серија од 23-0 успеавме да ја претвориме во водство од плус 23 поени (35-12), додека на Словачка не & дозволивме да постигне девет минути ниту еден поен.

Во овој период почнаа да функциионираат и надворешните линии, а на изненадување на сите предводникот беше Дариус Вашингтон, кој реалираше осум поени.

Но се чини Арсиќ с$ уште ќе го мачи константноста во нашата игра. Иако судејќи според играта се очекуваше да ги "газиме" Словаците, сепак, забележавме пад, кој, за среќа, не траеше долго.

На нашето највисоко водство од 40-16 гостите ни направија серија од 10-0 и н$ спуштија на 40-26. За среќа, брзо следеше одморот, а пред него Кирил Николовски со своите први поени се избори на паузата да заминеме со 43-26. Во воведните минути по паузата не можеше да се види премногу квалитетна кошарка. На двете страни се играше неумешно, без некоја посебна реализација.

Словачка се обиде да ја намали негативата, но тоа и успеа на момент, дојде до минус 13 (45-32) и тука застана, а нашите момци предводени Џеремаја Мејси се врати на плус 20 (52-32) во 26. минута.

Желбата за висока победа пресуди, мотивот беше голем, па токму затоа ние продолживме да доминираме на теренот. Во 35. минута имавме плус 30 (82-52).

Тука и беше крајот за противникот, а почетокот за повеќе атрактивна игра.

Најефикасен во нашите редови беше токму Перо Антиќ, кој за 23:13 минути постигна 17 поени и фати 11 скока, кои беа доволни за дабл-дабл.

Предраг Самарџиски постигна два поени помалку, 15, но еден скок повеќе со кои исто така запиша дабл-дабл.

На двајцата кошаркари им се приклучија и двата натурализирани Американци, Мејси и Вашинготн, кои искомбинираа заедно 27 поени. На другата страна Даниел Новак со 19 поени беше прв стрелец.

Нашата најдобра сениорска селекција денеска продолжува со подготовките за ЕП во Охрид каде ќе остане најверојатно до сабота.

М. Ковачева

М. Постоловски

СЛИКА: ПЕРО АНТИЌ

Беше вистински лидер и нерешлива енигма - Перо Антиќ



РАМКА

Гечевски за кратко го напушти Охрид

Во таборот на нашиот тим недостасуваше Тодор Гечевски. Искусниот центар по првиот меч поради приватни проблеми морал да го напушти Охрид и замина во Кавадарци.

Но како што н$ известија од таборот на нашиот тим, тој уште денеска би требало да продолжи со подготовките.



РАМКА

Вашингтон дебитираше

Сосема очекувано вториот натурализиран Македонец дебитираше на вториот меч со Словачка. Дариус Вашингтон влезе во осмата минута, а ако се земе предвид дека само три дена е со нашите момци може слободно да се каже дека пружи одлична партија, но и добро се вклопи во тимот.

Американецот со македонски пасош во игра мина 18:22 минути за кои постигна 14 поени, имаше 100% реализација од линијата за три поени (4/4 за три, 1/3 за два поени), подели четири асистенции, фати три скока и украде исто толку.

СЛИКА: ДАРИУС ВАШИНГТОН

Одлично се вклопи - Дариус Вашингтон

РАМКА

Не бевме на ниво, но се брои победата

По поразите од Словенија и Русија, Македонија славеше против Словачка со резултат од 75-66.

Капитенот Врбица Стефанов го скрши мразот погодувајќи тројка под фаул, па по реализацијата на слободното фрлање поведовме со 4-0.

Немавме течна игра во првиот период, репрезентативците премногу солираа и мака мачевме да формираме сигурен напад. Словаците ги користеа нашите грешки и успеаја да стигнат до минимално водство, што значеше тајм аут за Јовица Арсиќ. На место нашите, по минутата одмор се разиграа гостите, кои со серија 7-0 го имаа највисокото водство 17-11. Капитенот ја презема палката, погодува повторно за три, асиситира до Тодор Гечевси и по првите десет минути на семфорот стоеше 19-19.

Не се подобри реализацијата ниту на стартот на вториот период, но затоа, пак, под конец одигра одбраната, која отвори доста простор за Мејси. Преминуваме во водство 21-19, следува серија на силното крило за предност 30-24.

Војдан Стојаноски погоди, а серијата ја заокружи Антиќ и за првпат Македонија е над плус десет 35-24. Гавел ја прекина нашата серија и го врати својот тин на полувремето на минус шест (36-30).

На стартот на третиот период Петровски ја почна својата игра. "Украинецот" нанижа пет поени во серија, а по поените на Тасовски на додавањето на Стефанов дојдовме до највисоки плус 14, (46-32) .

Но падна ритамот на игра по серијата замени, Словаците се консолидираа и со мини серии до финишот на периодот стигнуваат до подносливи 53-49 по три периоди игра.

Изедначено се играше во последниот квартал, игра "два на два" на Стефанов за Мејси, кој погодуваше без проблем. Нашиот капитен не остави ништо на случајност. Војдан Стојаноски со удари од надвор ја решеташе мрежата на гостите, по забивањето на Антиќ по асистенцијата на Трајковски беше скршен отпорот на гостите, а сето тоа охридска публика знаше да го награди и почна да ја прославува победата.

МАКЕДОНИЈА - СЛОВАЧКА 75:66

(19-19, 17-11, 17-19, 22-17)

Сала: "Билјанини Извори" во Охрид. Гледачи: 2000. Судии: Денковски - Цветановски - Павлов - сите од Скопје.

МАКЕДОНИЈА: Стефанов 22, Мираковски, Петровски 7, Димитровски, В.Стојановски 8, Блажевски, Тасовски 3, Гечевски 7, Антиќ 15, Трајковски, Мејси 11, Самарџиев 2;

СЛОВАЧКА: Мајорош 2, Гавел 22, Балдовски, Лосоноски, Червенка 8, Новак, Сикора 12, Шалај 4, Миклошик 4, Рерко, Нубер 2, Батка 12;