Птици во Македонија

Фамилија: Tetraonide
Род: Tetrao
Вид: Tetrao urogalus

Живее во шумските предели на надморска височина над 1000 метри. Мажјакот во должина може да израсне до 75 см., а во тежина до 5 кг.
Главата кај мажјакот е покриена со црни пердуви, а над очите, во облик на полумесечина, има јасно изразена црвена кожа. Клунот му е силен и малку свиткан, а под него има перчин од подолги пердуви во облик на мала брада. Градите и вратот му се црни, а на горната страна од крилата, во висина на рамото, има бели дамки во големина на пет денарки. Во опашот на мажјакот има 16-20 црни пердуви долги околу 35 см. кои се бело испрскани. Кога ја пее љубовната песна на пролет, опашката му се шири во вид на лепеза.
Женката е помала од мажјакот за околу една третина и е со 'рѓесто жолтеникава боја испрскана со црни точки, додека 'рѓестиот опаш и е долг околу 20 см.

На сликата се претставени мажјак и женка од видот Tetrao urogallus
Тетребите ноќеваат на дрво, а взори се спуштаат на земја да бараат храна (разни инсекти, пупки, шумски семиња и плодови).
Се пари рано на пролет (кон крајот на март), што зависи од временските услови. Во овој период, тетребите се собираат во помали јата, а ако кон нив се доближат повеќе тетреби, тогаш петлите меѓу себе водат борба, која повеќе личи на закана отколку на вистинска борба. Најсилниот станува господар над целото јато. Спарените женки носат 6-8 јајца во гнезда што ги прават на земја. Инкубацијата трае 26-28 дена.
Вообичаено, тетребот за време на парењето ноќева на дрво и в зори започнува да пее песна, што далеку заостанува зад песната на различните појни птици. Таа се состои од неколку делови, кои заедно претставуваат една целина. Отпрвин се слуша јасен звук што личи на звукот што се добива при удирање на два молива, 10-15 пати едноподруго. Потоа се слуша јасен краток звук, сличен на звукот што се создава при вадење на тапа од запечатено шише. На крајот следува т.н. „брусење“ кое повеќе личи на с'скање на гусак. По брусењето, тетребот молкнува, а по подолга или покуса пауза, почнува да ја пее песната по истиот редослед. Брусењето, односно с'скањето кое трае неколку секунди, е најважниот дел од песната - бидејќи тетребот тогаш, ниту слуша ниту гледа. Тој момент ловците го користат за доближување до тетребот и негово ловење.
Всушност, песната на тетребот ги повикува женките под дрвото на кое ноќевал. Кога ќе изгрее сонцето, мажјакот слетува на земјата и тука го врши парењето.
Превземено од Ловство - Проф. Д-р. Борис Трпков

Фамилија: Tetraonide
Род: Bonasa
Вид: Bonasa bonasia - Лештарка

Лештарката во тежина може да израсне до 450 грама. Мажјакот и женката се речиси еднакво обоени (во основа пепелаво-'рѓесто со попречни дамки), а меѓу себе се разликуваат единствено по бојата на подбрадокот. Кај мажјакот тој е црн.
Мажјакот на темето има подолги пердуви, кои може да ги накостреши. Нозете, се до ноктите, им се обраснати со пердуви, а меѓу прстите имаат рожести ресички.

Се храни со растителна, како и со храна од животинско потекло (разни семиња и шумски плодови, инсекти, ларви и сл.). Во зимскиот период ги јаде ресичките на леските, па веројатно од таму и дошло и името.
Живее во парови. Во зимскиот период се здружуваат во јато што е составено од родителите и подмладокот. На пролет се двојат во парови. Се пари кон крајот на април. Женката носи до 15 јајца, на кои лежи 22 дена.

Фамилија: Columbidae
Род: Columba
Вид: Columba palumbus - Гулаб гривнеж

Гулабот гривнеж е најголем од сите три вида гулаби и во тежина може деа израсне до 500 грама. Основната боја на пердувите му е пепелава (како и кај другите гулаби). Повозрасните примероци околу гушата (странично) имаат бели пердуви поредени како ѓердан, по што го добиле и името. Бела боја има и по рабовите на крилјата. Кај женките белиот ѓердан е помал и побел. Нозете и клунот им се црвени.

Гривнежот населува подрачја обраснати со шума во чија близина има земјоделски обработливи површини.
Се храни со растителна храна: тревни и житни семиња, борови семиња, јаготки, капини, пупки и др.За време на топли зими презимува во Македонија собирајќи се во големи јата.
Како моногамен вид, уште во април се одделува во парови и се повлекува во планините или во крајбрежните шуми. Во едноставни гнезда, женката носи 2 белузлави јајца, врз кои лежи 17-18 дена. По правило се гнезди 2 пати во годината ( во мај и во јули). Малите се изведуваат слепи и голи.
Превземено од Ловство - Проф. Д-р. Борис Трпков

Фамилија: Columbidae
Род: Columba
Вид: Columba livia - Див гулаб

По големина е ист како и гулабот дупкар, а во тежина може да израсне од 270-300 грама. Дел од шијата и градите
му се со сино-метален одблесок. На крилата има истакнати две темни пруги, а и самиот раб на опашот му е потемен.
Во горниот дел на коренот на опашката има бели пердуви во вид на поголема дамка.

За време на блага зима не ја напушта нашата држава.
Живее во парови и се гнезди по карпести терени.
За ноќевање ги избира пештерите, а понекогаш и гнездата ги прави во нив. Одбраните пештери ретко ги напушта,
бидејќи во нивните шуплини се чувствува безбеден.
Родителите подеднакво се грижат околу одгледувањето на подмладокот.
Превземено од Ловство - Проф. Д-р. Борис Трпков

Фамилија: Columbidae
Род: Streptopelia
Вид: Streptopelia decaocto - Гугутка

Гугутката не е преселна птица и од грлицата е нешто поголема. Во тежина може да израсне до 250 грама. Според бојата на пердувите
таа е многу поедноставно обоена отколку другите гулаби. Во основа е брашнесто-пепелава, а на задниот дел од шијата има темен околувратник,
според кој лесно се распознава од останатите гулаби.

Во Македонија гугутката е многу честа птица. Најмногу се среќава покрај населбите и внатре во нив, а особено во зимските месеци.
Превземено од Ловство - Проф. Д-р. Борис Трпков

jas imav porano papagali,kanarinci i sto uste ne ama nekoj mi kidnaa drugi crknaa treti gi dadov i toa e ama so da ti kazam koga ke stanev sabajle samo slusav kako svirkaat po cel den imav papagal4e mnogu go sakav malecko bese ama najdosadno bese od sabajle do navecer samo bal bala se heh

bond....james b напиша: slavej e sosema drug vid na  ptica! sum primetil i na drugi mesta, koj uste videl slavuj vo kafez?

zalno...me potsetuva na tekstot od Lenin