Форум & реалност

Има што да се прочита, има да се дознае што е форум (виртуелниот свет на магии), што е реалност. Некои тоа го дознаваат малку покасно, ама секој секогаш дознава.

ДАНОК НА НАИВНОСТ ПЛАЌААТ НА ИНТЕРНЕТ

Лажни шеици мамат Македонки

Збеснав кога на интернет го видов клипот со моето разголено тело и веднаш ми стана јасно дека „мојот шеик од Дубаи“ бил само лажго и измамник, раскажува младата кавадарчанка

Како к*ршум да ме погоди кога на интернет ги видов фотографиите и клипот со моето разголено тело. Се шокирав! Веднаш ми стана јасно дека мојот интернет-пријател, кој се претстави како шеик од Дубаи, бил само обичен лажго и голем измамник, вели 17-годишната кавадарчанка, која наивно влетала во љубовна измама на интернет. Таа вели дека сака да раскаже за својата болка и срам за да не им се повтори тоа на други девојки и жени.

- Кога се видов разголена, збеснав поради мојата глупавост. Тој момент најголема желба ми беше што побрзо да ме снема од таа страница и што помалку луѓе да го видат мојот срам. Се молев на Бога моите најблиски да не дознаат. Мислев дека јас ќе успеам да се справам со самата себе и ќе го надминам тој скандал - раскажува девојката.

Но, признава дека не и' било лесно.

- Со месеци не излегував од дома. Ми идеше жива да пропаднам в земја. Моите се исплашија дека сум болна. При секое телефонско јавување на моите пријатели препознавав исмејување. Можеби тие и не дознале за мојот резил, но јас се чувствував како цел свет да ми се смее - вели таа.Потребно било време за да собере храброст да излезе во градот.

- Сега премногу внимавам кога седнувам на интернет. Пребарувам информации, слушам музика, а кога се допишувам со некого, главно муабетам на обични теми, кои не може да ме компромитираат. Изгорена од млекото, сега дувам и на павлака - вели девојката.

За жал, таа е само една од повеќето што биле измамени. Не е единствената што била импресионирана од „шеик од Дубаи“. Стручњаци потврдуваат дека е голем бројот на жртви кои плаќаат данок на интернет измама. Ги има од сите возрасни групи. Сексот како тема е често присутен во интернет-комуникацијата, велат познавачите на оваа проблематика.

- Сексуалната тема е интригантна. Затоа кон сексот преку интернет приоѓаат мислејќи дека е тоа забава и уживање без последици и кризни ситуации. Вистинската љубов ја компензираат со комуникација преку интернет при што доаѓа до изолација - објаснува професор д-р Витомир Мицев, невропсихијатар. Најлошо е, предупредува тој, што се' поголем е бројот на оние што се повлекуваат во себе и комуницираат само преку интернет.

- Тие луѓе се помалку сигурни во живата комуникација. Поснаодливи се пред компјутер отколку во живо и затоа им е полесно да се дружат преку интернет, а не очи в очи. Во виртуелната љубов отсуствува чувството на непријатност и се кријат чувствата на несигурност - објаснува Мицев. Но, нагласува тој, таа навидум лесна комуникација, за жал, многу често е искористувана за педофилски цели и за други девијантни појави.

- Многу е важно секогаш да се има а ум, особено кога се комуницира со непознато лице, дека од другата страна постои опасност од крадење лични податоци, фотографирање и снимање и нивна злоупотреба - предупредува Мицев. Тој препорачува да се има на ум границата до каде е интернетот корисен и интересен, кои теми го збогатуваат човекот, а кога злоупотребата може да предизвика проблеми.Интернетот се' почесто се користи и за брзи интимни контакти.

- Во услови кога нема легални јавни куќи, секс-продажби често се одвиваат преку интернет. Наспроти ова, помал е бројот на тие што со овој вид комуникација добиваат понуди за брак - вели социологот д-р Нелко Стојановски, професор на Филозофскиот факултет во Скопје. За водењето љубов или секс преку интернет вели дека е ненормално однесување и дека вистинскиот секс е само со телесен контакт.Тој нагласува дека непромисленото општење преку интернет регрутира нови зависници, кои со денови поминуваат покрај компјутерот. Професорот вели дека го загрижува тоа што расте армијата на интернет-зависници што раскинале со традиционалните вредности.

- Треба да се обноват позитивни навики од минатото. Пример за тоа се седенките. Такви контакти ќе помогнат луѓето да не се отуѓат толку многу што ќе станат како роботи - порачува Стојановски.

Светлана Дарудова

ANITA11 напиша: forumot e tuka i e virtuelno druzenje razmena na mislenja... a realnosta e nadvor so nasite sekojdnevni obvrski i zadozenija koi morame da gi pravime i da gi dopreme.

Nemoj nikogas da zaboravite sto e realnost

Mislam deka kakov e covekot vo realnosta,takov e i tuka.

Изменето од lotus flower - 21.Април.2009 во 19:57

Во земјава има 2 000 000 луѓе.Од нив јас познавам најмалку 1000 а пријатели ми се едно 10 души.
На форумов има некоја бројка од 10.389 членови. Од нив јас секојдневно ’се слушам’ со едно 10тина. Значи како во реалноста така и на форум секој од нас си бира со кого му оди муабетот со кого не.
Разликите не се големи.

Ne znam koj kogo laze ovde......
sam sebe , okolinata....
ili se ide da se ostavi umetnicki dojam....

sekoj potajno se nadeva na nesto.......
sekoj kontaktira so cel......
i sve ova e realnost.....

prasanje e kolku licnosta e silna na "zivo".....
za razlika na PC.....
i kolku ima "GUTS" da sprovede nesto...

Licno ne mozam da go zaboravam komentarot na eden
forumgija,koga od cista mira mu se javiv so LP......

vaka bese...." kazi mi ja celta i ke bides meta " ....
me ostavi bez komentar.......

Изменето од bijonse1 - 30.Април.2009 во 16:29

Каква е оваа држава кога само преку форум можеме покажеме дека сме човечки битија ? Во  реалноста никој ништо не те прашува ниту те забележува ако нема никаква корист. Овде нема бесни коли и троспратни куќи, сите сме исти.

Omar напиша: Hmmm pocnav da cuvstvuvam kako realnosta pocnuva poleka da me brise od svetov, nekako forumov pocnav da go svakjam kako moj dom.... Od den na den se poveke sum tuka odkolku vo realnosta...

Realnosta te brise tebe, ili ti ja brises nea???