Свински грип

Можна е мутација на вирусот на свински грип

Женева, 26 април (МИА) - Вирусот на свински грип може да мутира и да стане многу опасен и можно е да еволуира, предупреди денеска вршотелот на должност заменик-генерален директор на Светската здравствена организација (СЗО), Кеџи Фукуда.

Во меѓувреме американските здравствени власти потврдија дека осумтемина ученици од гимназијата во Њујорк се заразени со вирусот на свински грип. Два случаи на свински грип вчера беа потврдени и американската сојузна држава Канзас, но едниот од ни веќе оздравел.

СЗО најави дека меѓународни експерти во вторник ќе одлучуваат дали ќе го зголеми степенот на предупредување на опасноста од избивање на пандемија на новиот вирус - свински грип, од кој во Мексико почина 81 лице.

- Потребни ни се уште епидемиолошки докази од Мексико за да можат експертите да препорачаат промена на степенот на предупредување на опасноста од појава на пандемија, изјави портпаролот на СЗО, Грегори Хартл, додавајќи дека се уште е ниско нивото на опасност од пандемија.

Министерот за здравство на Мексико, Хосе Анхел Кордова потврди дека од почетокот на месецот во земјата починале 81 лице, а над 1.300 се заразени со вирусот на свински грип.

Заразени луѓе има и во САД, каде Центарот за контрола и превенција од болести предупредни дека новиот и „невобичаен“ вирус се шири и дека е невозможно да биде запрен.

Во меѓувреме израелските власти изразија стваување дека болеста свински грип се појавила во земајта откако 26-годишен маж, кој се вратил од Мексико побарал лекарска помош поради симптомите слични на болеста.

Израелското Министерство за здравство им препорача на граѓаните да се придружуваат до хигиената и да избегнуваат места каде има голем број на луѓе, а во случај ако се сомневаат дека се заразиле со вирусот АХ1Н1 (АН1N1)веднаш да побараар лекарска помош.

Европската комисија претходно соопшти дека досега во Европа не е пријавен ниту еден случај на свински грип. 

СЗО издаде листа на поголеми епидемии на грип во 20 и 21 век. 

Грипот од типот А предизвика три големи епидемии во минатиот век. Во периодот од 1918 до 1919 година од шпанскиот грип беше заразен поголем дел од светското население, а како последица на болеста починаа најмалку 40 милиони луѓе.

Пандемијата од Азиски грип во 1957 и 1958 година однесе околу четири милиони жртви, додека од Хонгкошкиот грип во 1968 - 1969 година починаа приближно два милиона луѓе.

Од почетокот на 21 век регистрирани се неколку епидемии.

Епидемијата на атипичната пневмонија (САРС) се појави во Кина во 2003 година при што беа инфицирани 8.000 луѓе од кои повеќе од 800 починаа во целиот свет, а околу 350 во Кина.

Истата година се појавува и вирусот Х5Н1 на птичјиот грип од кој починаа повеќе од 250 лица во Југоисточна Азија.

Вируисот АХ1Н1 на свинскиот грип е комбинација на човечки, свински и птичји грип.

има ли лек за грипот ?? некаде прочитав дека некој се излечил...... не е толку страшно ако има лек...... страшно е ако нема 

Па не би рекла дека не е сериозна ситуацијата штом се алармира низ цел свет. Убаво е да се биде информиран. Поарно е да е лажна тревога отколку да се биде индиферентен.

„Гугл“ ги следи сите пријавени случаи на свински грип во светот

Биомедицинскиот институт од Питсбург преку сервисот „Мапс“ на „Гугл“ на интерактивна мапа во живо ги следи сите пријавени случаи на свински грип во светот.

Кликнете овде за пристап до сервисот.

Нови сомнителни случаи на свински грип во Австрија, Холандија, Израел и Нов Зеланд, во Мексико 152 мртви

Светските агенции јавуваат дека се зголемува бројот на земји во светот во кои има заболени, како и на случаи кај кои се евидентирани сомнителни симптоми на свински грип.
Дваесет и осумгодишна жена е примена во болница во северниот австриски град Штаер со сомнение дека е заразена со свински грип, пренесоа агенциите, повикувајќи се на австриското радио. Ова може да се покаже како првиот случај на свински грип во Австрија. Жената неодамна се вратила од Мексико. Првчните тестови не дале категоричен резултат и институтот по вирусологија на Универзитетот во Виена прави дополнителни лабораторски истражувања за да се утврди дали грипот е свински или обичен.
Неколку сомнителни случаи регистрирани во Холандија, исто така се истражуваат, соопштија здравствените власти, цитирани од Франс прес.
Нов Зеланд и Израел денеска соопштија дека во овие две држави веќе дојде до појава на заболени од свински грип.
Во САД се заразени најмалку 51 лице, во Канада-шест, во Велика Британија-две, исто како и во Шпанија, додека во Ноз Зеланд се заразени три лица, а во Израел едно.
Има сомненија за случаи на заболени и во Јужна Кореја, Бразил, Гватемала, Перу и Австралија, но за сите нив се уште се чекаат резултатите од направените тестови.
Во Мксико, каде се појави свинскиот грип, до сега умреа 152 лица, а 1.614 се под опсервација, пренесе Би Би Си.
Светската здравствена организација (СЗО) денеска соопшти дека свинскиот грип се пренесува само од човек на човек, но не препорача ограничувања на патувањата ниту затворање на границите.
- Пренесувањето на болеста досега била само од човек на човек, изјави портпаролот на СЗО, Грегри Хартл.
Тој истакна дека веќе се работи на производство на вакцина против овој тип на грип , но додаде дека вакцината може да биде достапна на пазарот дури по пет-шест месеци. Засега грипот може да се лекува со користење на лековите Тамифлу и Реленца.
Хартл додаде дека СЗО се уште не знае зошто епидемијата најмногу се проширила во Мексико
Врз основа на досегашните достапни податоци СЗО смета дека не е можно запирање на епидемијата и дека затоа земјите треба да се концентираат на умерените мерки на борба против ширењето на болеста.
Симптомите на свинскиот грип се ненадејна висока температура, болки во мускулите, воспалено грло и сува кашлица, а можна е и дијареја и повраќање. Болеста се лекува само ако навреме почнат да се земаат антивирусни лекарства.
Владите на многу земји од светот ги засилија мерките на контрола на аеродромите и во пристаништата и на граѓаните им препорачаа да го избегнуваат патувањето во Мексико.

Izvor VEST.

Кинески вирусолог Guan Ji, кој бил ангажиран во борбата против САРС и птичјиот грип, предупредува на можна пандемија на свинскиот грип.Тој смета дека ширењето на овој вирус меѓу луѓето не може да се запре за краток рок бидејки веќе има појава на случаи речиси во секој дел на светот.
Микробите,како што се вирусите, стално мутираат и можат да разменуваат ДНК со други вируси со кои ќе дојдат во контакт, при што никој не знае дали тоа ќе ги направи повеќе или помалку смртоносни дотогаш.Вирусот H1N1 е комбинација на  свинска, птичја и човечка ДНК.
Guan истакнува дека овој вирус е сосема поинаков од сезонскиот човечки вирус на грип од типот H1N1. Тој оценува дека ова е скоро нов подтип додавајќи дека светот сосема се приближува кон пандемија благодарение на фактот дека новиот вирус доста ефикасно се пренесува меѓу луѓето
СЗО моментално го класифицира овој вирус како "кризна ситуација по јавното здравје од меѓународно значење" кое може да прерасне во пандемија или глобално избивање на сериозна болест.
Guan подвлекува дека таквата класификација мошне го загрижува знаејќи дека СЗО секогаш е крајно внимателна во своите дефиниции.


(agencije/MONDO)

Hmmmm......
Pak ......po moe mislenje ......
preraboti laboratorijata koja e zadolzena za drzenje ramnoteza vo svetot.........
stom ne se uspesni vestacki stvaranje na voeni zarista ajde sega novitet od taa laboratorija....
fino spakuvano mutirano........
za da se nema lek......razbira se...

Periodicno taa "laboratorija".....
ni pusta noviteti vo svetot potresuvajki go covestvoto od edna strana....
i dobar profit od "zagrizenite " od druga strana........
finooo...... so eden udar dve muvi......

Mene........
ne moze nikoj da me ubedi .....
deka toa e dojdeno tuku taka....
znam deka sve e mozno vo prirodata ....
No i taa si ima nekoi pravila za mutiranje i inkubacija.
nitu lokacijata kade sto se pojavi ne e slucajna........

Nekoj sto mu go ima frleno"merakot".....
na Predsedatelot na USA seto toa umesno go isplanira.....

Faktot.......
Rakuvanjeto na g-dinot Obama ....
so meksikanski arheolog Felipe Soliz.....
na 16 april vo antropoloski muzej vo Ciudad de Mexico...
koj po 24h pocinal od ovaa "nenajdena virusna pojava"...
ja digna Belata kuka na noze........
muzejot kako objekt zatvoren za turisti kako preventivna merka.......
Smrtta na arheologot.....
zavedena kako pnevmonija so fatalni posledici....
i toa preku nok........
kazuva mnogu sto sekoj komentar bi bil odvisen.......

Predsedatelot po detalni analizi se custvuval dobro......

I sega ...
aj koj ke me ubedi mene...vo prikazni za deca??

Samo sto faktot......
deka nikoj ne moze da ja kontrolira prirodata.....
moze da ja skroti .......
ama nikako da ja kontrolira ......
ete izbega od kontrola mutiraniot virus.....
i sega posledicite ni se jasni......

Taa ista " laboratorija"......
po nejziniot neuspeh na dobro isplanirana strategija ...
ke go izvadi od sefot i lekot........
samo ne znam kolku vreme e potrebno........

Ili postoi "plan B" sto site ke go osetime???

Ne mi se veruva .......nie sme sitna riba.......
koja se zanimava ......
dali hiruskite maski ke gi dademe po 15 ili 25 den...
i spasot i spremnosta e tuka????
vo hiruskite maski???



Изменето од bijonse1 - 28.Април.2009 во 22:40

И ПОКРАЈ СВИНСКИОТ ГРИП ТУРИСТИЧКИТЕ АГЕНЦИИ НЕ РАЗМИСЛУВААТ ДА ЈА ПРЕКИНАТ ИЛИ ПРЕНАСОЧАТ ТУРАТА НИЗ ЕВРОПА

800 македонски апсолвенти на пат за Шпанија!

Апсолвентите преку туристичките агенции Дипломатик и Нехар турс заминаа на екск*рзија низ Европа, а на 2 мај треба да пристигнат во Шпанија, каде веќе е регистрирана болеста. За агенциите ширењето на свинскиот грип не е причина турата да се прекине или пренасочи

Околу 800 македонски апсолвенти од Универзитетот "Св. Кирил и Методиј" се наоѓаат во Рим, а во сабота треба да пристигнат во местото Лорет де Мар на 70 километри од Барселона во Шпанија, земја каде веќе се регистрирани први случаи на свински грип. Иако црвеното светло за тревога е запалено и Светската здравствена организација апелира за максимална претпазливост поради индиции свинскиот грип со неверојатна брзина да се прошири низ светот и да добие размери на пандемија, агенциите преку кои е организирано апсолвентското патување тврдат дека нема место за паника и дека не размислуваат да ја прекинат екск*рзијата.

"Апсолвентите се на редовна екск*рзија која се организира секоја година низ Европа. Сите се добро и ние сме во постојан контакт со водичите кои заминаа со нив", велат од туристичката агенција Дипломатик. Оттаму, додаваат дека дури вчера ги задолжиле водичите да ги информираат апсолвентите за свинскиот грип со цел тие да бидат повнимателни". Им дадовме инструкции сите апсолвенти кои се на оваа екск*рзија да избегнуваат контакти со странци, да внимаваат каде јадат и пијат и по можност да набават заштитни маски. Па свинскиот грип може да дојде и кај нас и тоа не е причина да ја прекинеме екск*рзијата, додаваат од Дипломатик. И од агенцијата Нехар турс велат дека ја следат ситуацијата и дека доколку оценат дека таа е алармантна ќе преземат мерки за безбедно враќање на апсолвентите. "Родителите не треба да стравуваат бидејќи ние ја следиме ситуацијата", велат од ТА Нехар.

Ниту едната ниту другата агенција не размислува да го прекине ова патување поради новонастанатата ситуација или пак да го пренасочат. Велат не било ништо страшно "За да ја прекинеме турата треба да ги прашаме апсолвентите дали сакаат или не. Ние не можеме таква одлука да донесеме", велат од агенциите.

И додека од агенциите смируваат и сметаат дека нема причина за преземање на порадикални чекори, во Шпанија, каде токму овие наши студенти од 2 мај ќе престојуваат три дена, поради настанатата ситуација се одложи познатата Формула 1, објавија вчера шпанските медиуми.
Од македонското МНР велат дека не се запознаени дека 800 македонски апсолвенти од речиси сите факулетети од Универзитетот "Св. Кирил и Методиј" се на пат низ Европа. Таква евиденција треба да има МВР, велат оттаму и додаваат дека доколку агенциите побараат помош од нив како и од МВР ќе ја добијат за да овие студенти безбедно се вратат во земјава.

(Р.В.)

ЗДРАВСТВЕНИТЕ ЕКСПЕРТИ СО ПРЕПОРАКИ
Апсолвентските екск*рзии да се одложат
Да се откажат сите апсолвентски и средношколски екск*рзии кои во овој период од годинава се актуелни, бидејќи не може да се предвиди како ќе се шири вирусот на свински грип во наредните денови, особено во земјите каде веќе се регистрирани случаи на заболени лица. Ова е превентивната препорака на македонските здравствени експерти кон оние граѓани кои се подготвуваат да патуваат. Според доктор Јованка Костовска од Министерството за здравство најкритични за патување се земјите каде што веќе се евидентирани случаи на заболени од овој тип на грип.
- Ни се јавуваат загрижени родители на кои децата веќе им се на некоја екск*рзија во земја каде што има заболени лица од свински грип и бараат совет, вели Костовска. Таа појаснува дека не мора да значи дека и тие ќе заболат бидејќи конкретно во Шпанија заболените лица биле во Мексико, но тие сега се хоспитализирани, а под контрола се и лицата со коишто тие контактирале.
Доктор Костовска им препорачува на лицата кои веќе се во странство да не се мешаат со населението, да бидат повеќе во хотелите или во автобусите со кои патуваат. Д-р Жарко Караџовски, епидемиолог од РЗЗЗ, укажува дека апсолвентите не претставуваат ризична категорија на лица само со фактот дека биле на екск*рзија во Грција, Бугарија, Турција или во некоја земја во која веќе има регистрирано заболени лица од свински грип. Проблематични се само оние кои биле во САД или во Мексико и дошле во директен контакт со заболените лица.

izvor vecer.com.mk