„Гугл“ ги следи сите пријавени случаи на свински грип во светот

Биомедицинскиот институт од Питсбург преку сервисот „Мапс“ на „Гугл“ на интерактивна мапа во живо ги следи сите пријавени случаи на свински грип во светот.

Кликнете http://maps.google.com/maps/ms?ie=UTF8&hl=en&msa=0&msid=106484775090296685271.0004681a37b713f6b5950&ll=39.548397,-104.873385&spn=33.221733,57.480469&z=4 - овде за пристап до сервисот.

Македонските власти вчера ги смируваа граѓаните дека нема место за паника, бидеќи подолго време во земјава не е увезено свежо свинско месо, туку само замрзнато кое, пак, не е опасно по здравјето на луѓето.
- Лекари, ветеринарни и санитарни инспектори ќе вршат комплетен надзор на сите гранични премини во земјава, на двата аеродрома, особено на патниците кои пристигнуваат од ризичните подрачја во светот - Северна и Јужна Америка. Засега во државава не е воведен карантин, само строг здравствен надзор бидејќи болеста се пренесува преку контакт со заболена свиња или од човек на човек - вели д-р Јованка Костовска, од Министерството за здравство.

По информацијата дека вирусот веќе почна да се шири и во други земји, македонските аеродромски власти ја подигнаа здравствено-безбедносната состојба на трето ниво. Директорот за безбедност на аеродромот, Александар Велики, Зоран Доревски, вели дека аеродромската медицинска служба е подготвена за евентуално влегување на патници со вирусни сиптоми.
-Лекарските екипи по најава од авионскиот персонал прават визуелен преглед на патниците ако им биде јавено дека некој за време на летот покажал индикации на грип. Потоа со Државниот здравствен и санитарен инспекторат се одлучува дали тој патник ќе биде префрлен на инфективната клиника - објаснува Доревски.

Според него, минимални се шансите заразен патник да дојде во земјава преку авиопревоз бидејќи немаме директни линии со потенцијалните жаришта, а истовремено ако патува транзит, таквото лице претходно веќе ги поминало ригорозните контроли што ги почнаа властите на европските аеродроми. Слични здравствено-безбедносни мерки се преземени на патните и железничките гранични премини.

И ПОКРАЈ СВИНСКИОТ ГРИП ТУРИСТИЧКИТЕ АГЕНЦИИ НЕ РАЗМИСЛУВААТ ДА ЈА ПРЕКИНАТ ИЛИ ПРЕНАСОЧАТ ТУРАТА НИЗ ЕВРОПА

800 македонски апсолвенти на пат за Шпанија!

Апсолвентите преку туристичките агенции Дипломатик и Нехар турс заминаа на екск*рзија низ Европа, а на 2 мај треба да пристигнат во Шпанија, каде веќе е регистрирана болеста. За агенциите ширењето на свинскиот грип не е причина турата да се прекине или пренасочи

Околу 800 македонски апсолвенти од Универзитетот "Св. Кирил и Методиј" се наоѓаат во Рим, а во сабота треба да пристигнат во местото Лорет де Мар на 70 километри од Барселона во Шпанија, земја каде веќе се регистрирани први случаи на свински грип. Иако црвеното светло за тревога е запалено и Светската здравствена организација апелира за максимална претпазливост поради индиции свинскиот грип со неверојатна брзина да се прошири низ светот и да добие размери на пандемија, агенциите преку кои е организирано апсолвентското патување тврдат дека нема место за паника и дека не размислуваат да ја прекинат екск*рзијата.

"Апсолвентите се на редовна екск*рзија која се организира секоја година низ Европа. Сите се добро и ние сме во постојан контакт со водичите кои заминаа со нив", велат од туристичката агенција Дипломатик. Оттаму, додаваат дека дури вчера ги задолжиле водичите да ги информираат апсолвентите за свинскиот грип со цел тие да бидат повнимателни". Им дадовме инструкции сите апсолвенти кои се на оваа екск*рзија да избегнуваат контакти со странци, да внимаваат каде јадат и пијат и по можност да набават заштитни маски. Па свинскиот грип може да дојде и кај нас и тоа не е причина да ја прекинеме екск*рзијата, додаваат од Дипломатик. И од агенцијата Нехар турс велат дека ја следат ситуацијата и дека доколку оценат дека таа е алармантна ќе преземат мерки за безбедно враќање на апсолвентите. "Родителите не треба да стравуваат бидејќи ние ја следиме ситуацијата", велат од ТА Нехар.

Ниту едната ниту другата агенција не размислува да го прекине ова патување поради новонастанатата ситуација или пак да го пренасочат. Велат не било ништо страшно "За да ја прекинеме турата треба да ги прашаме апсолвентите дали сакаат или не. Ние не можеме таква одлука да донесеме", велат од агенциите.

И додека од агенциите смируваат и сметаат дека нема причина за преземање на порадикални чекори, во Шпанија, каде токму овие наши студенти од 2 мај ќе престојуваат три дена, поради настанатата ситуација се одложи познатата Формула 1, објавија вчера шпанските медиуми.
Од македонското МНР велат дека не се запознаени дека 800 македонски апсолвенти од речиси сите факулетети од Универзитетот "Св. Кирил и Методиј" се на пат низ Европа. Таква евиденција треба да има МВР, велат оттаму и додаваат дека доколку агенциите побараат помош од нив како и од МВР ќе ја добијат за да овие студенти безбедно се вратат во земјава.

(Р.В.)

ЗДРАВСТВЕНИТЕ ЕКСПЕРТИ СО ПРЕПОРАКИ
Апсолвентските екск*рзии да се одложат
Да се откажат сите апсолвентски и средношколски екск*рзии кои во овој период од годинава се актуелни, бидејќи не може да се предвиди како ќе се шири вирусот на свински грип во наредните денови, особено во земјите каде веќе се регистрирани случаи на заболени лица. Ова е превентивната препорака на македонските здравствени експерти кон оние граѓани кои се подготвуваат да патуваат. Според доктор Јованка Костовска од Министерството за здравство најкритични за патување се земјите каде што веќе се евидентирани случаи на заболени од овој тип на грип.
- Ни се јавуваат загрижени родители на кои децата веќе им се на некоја екск*рзија во земја каде што има заболени лица од свински грип и бараат совет, вели Костовска. Таа појаснува дека не мора да значи дека и тие ќе заболат бидејќи конкретно во Шпанија заболените лица биле во Мексико, но тие сега се хоспитализирани, а под контрола се и лицата со коишто тие контактирале.
Доктор Костовска им препорачува на лицата кои веќе се во странство да не се мешаат со населението, да бидат повеќе во хотелите или во автобусите со кои патуваат. Д-р Жарко Караџовски, епидемиолог од РЗЗЗ, укажува дека апсолвентите не претставуваат ризична категорија на лица само со фактот дека биле на екск*рзија во Грција, Бугарија, Турција или во некоја земја во која веќе има регистрирано заболени лица од свински грип. Проблематични се само оние кои биле во САД или во Мексико и дошле во директен контакт со заболените лица.

Прв случај на новиот грип од типот А е регистриран во Србија.

Станува збор за пациент стар 29 години што со грипот се заразил на пат во Аргентина, потврди српскиот министер за здравство Томица Милосављевиќ.

И првиот случај на заразен од свински грип од Црна Гора, 19-годишниот студент од Њу Џерси придонесе за паниката - се врати дома преку Белград, каде што престојувал кај роднини и се вдижел на јавни места.

Во моментов 14 луѓе во Србија се во карантин под претпоставка дека можеби се заразени од свински грип при контакт со луѓе заразени од вирусот.

„Дванаесетмина од нив се под надзор бидејќи биле во директен контакт со заразениот студент“, вели д-р Бранислав Тодоровиќ, епидемиолог.

Исто така, и еден брачен пар од Белград е во карантин бидејќи биле на прослава заедно со заразен човек во Словенија, пишуваат српските медиуми.

Главно се работи за помлади луѓе ок коишто најголемиот дел живее и работи во Белград.

„За сега се дома бидејќи немаат видливи знаци на болеста. На оние што работат тешка физичка работа им советувавме да паузираат некое време. Не се ставени во изолација, туку се само под здравствен надзор“, објасни д-р Тодоровиќ.

Тој најави дека нивната состојба ќе се следи наредните седум дена, колку што трае периодот на инкубација.

Во меѓувреме, заразениот студент од Црна Гора се опоравува на Клиниката за инфективни болести во Подгорица.

( prevzemeno od A1)

Како што пандемијата на новиот грип шири паника низ целиот свет, а државите влегуваат во трка по нови лекови и вакцини, еден човек станува се побогат: 55-годишниот доктор Норберт Бишофбергер, пронаоѓачот на лекот против грипот - „тамифлу“, единствениот што, засега, може да се најде на пазарот. Доктор Бишофбергер сега е директор на истражувачката дејност и потпретседател на компанијата „Гилијад сајансиз“, која минатата деценија го разви лекот. Тие ја задржаа интелектуалната сопственост над лекот, но правото на производство и дистрибуција му го продадоа на швајцарскиот фармацевтски концерн „Рош“. Тој за својата функција добива плата од 600.000 евра годишно, а бонусите и заработката од акциите на компанијата му носат дополнителни десетици милиони евра. Исто така, тој добива добар процент од милионските профити што се остваруваат од продажбата на „тамифлу“. На 27-годишна возраст, Бишофбергер, по студиите завршени во Инсбрук, Цирих и на „Харвард“, заминал за Бостон, САД, со само една илјада швајцарски франци во џебот. Кон почетокот на 1990 години, тој станува шеф на истражувачкиот тим на компанијата „Гилијад сајансиз“ и го развива лекот „тамифлу“. Компанијата, која тогаш имала само две простории и дваесетина вработени, денес има пазарна вредност од 30 милијарди долари и 1.800 вработени.
Доктор Бишофбергер инсистира на тоа дека е само научник и дека тоа за него претставува „благослов од бога“ и многу се лути кога ќе чуе дека се богати на сметка на стравот кој вирусот го сее насекаде низ светот. - На смртната постела никој никогаш не рекол дека требало да заработи повеќе пари. На крајот, човек сака да се сврти зад себе и да почувствува дека бил важен во животите на другите луѓе и дека ги променил на позитивен начин “ вели докторот-милионер, кој сега е и сопственик на луксузен хотел на местото на некогашната семејна куќа во малото место Мелау во Австрија, каде што е роден. Токму во поткровјето на таа куќа тој како дете направил малечка лабораторија, која му го одредила животниот пат. Но, и покрај неговите и напорите на неговите колеги, Бишофбергер дава мрачни прогнози и смета дека на нашата планета и претстојат мрачни времиња. Тој уште во 2006 година предупредувал дека на светот му се заканува пандемија на грип, со аргумент дека последната била во 1968 година, кога не постоел никаков лек. Сега смета дека има изгледи состојбата да стане уште полоша и дека постои потенцијал за избивање на нови пандемии, најмногу поради преголемата употреба на лекови, од што вирусите полесно и побргу мутираат. - Сметам дека заканата од нови бактериски, односно вирусни агенси е поголема од потенцијалната закана од нуклеарна војна “ вели Бишофбергер и признава дека и самиот дома во фрижидерот секогаш чува „тамифлу“ за него, неговата сопруга и за децата.

Вирусот стигна до најоддалечените места


Вирусот на новиот грип, според најновите податоци на Светската здравствена организација (СЗО), се прошири и на најоддалечените места на планетата, вклучувајќи острови оддалечени од цивилизацијата и изгледа дека нема сигурно место на кое може да се заштити од него.
СЗО соопшти дека првите случаи се потврдени и на Сејшелите, Сент Китс и Невис, Холандските Антили, во Белизе, на Тонга и Самоа во Пацификот и на Соломонските Острови во Индискиот Океан. Вирусот пристигна и до Бутан, високо на Хималаите, во Андора меѓу Шпанија и Франција, како и до оружените конфликти во Авганистан и во Судан.

http://www.netpress.com.mk/vestiimages/61063/ministerstvo%20za%20zdravstvo.jpg -

Со почетокот на учебната година, се зголемува и ризикот од ширење на грипот А/ Х1Н1. Поради тоа Министерството за здравство ќе воведе строги мерки за превенција од ширење на грипот, како и строга контрола дали тие мерки се почитуваат, најави денеска министерот Бујар Османи.

„Од први септември Државниот санитарен и здравствен инспекторат ќе наложи спроведување на противпандемски контроли и зачестени контроли на училиштата и градинките и низ социјалните установи. Институтот за јавно здравје ќе врши едукација на наставниот кадар за новиот грип кој што потоа првиот училиштен час ќе им одржат предавање за новиот грип како и за потребата од одржување на личната хигиена“, изјави министерот Османи.

Тој најави дека во секое училиште ќе се постават апарати со дезинфекциони средства, а ќе бидат поделени и брошури за заштита од заразување од грипот А/ Х1Н1. Министерот изјави дека оваа акција нема за цел да предизвика паника кај граѓаните, туку само да ги намали ризиците за ширење на болеста.  Тој уште една ја отфрли можноста за затворање на образовните институции како начин да се спречи ширењето на новиот грип. Нагласи дека наставниците ќе бидат задолжени да водат строга контрола за отсуствата на учениците и причината за тоа. Т

“Тоа не е официјална препорака од официјалните здравствени. Засега само децата со симптоми да не се пуштаат на училиште. Само во изолирани случаи кога поради зголемен број на заразени ќе се попречи наставниот процес може едно училиште да биде затворено“, рече министерот.

Во моментов има 42 потврдени случаи заразени со новиот грип, од кој само еден пациент е хоспитализиран. Министерот додаде дека Македонија е една од ретките земји каде нема внатрешно ширење на болеста, туку сите случаи се импортирани, однос заболените се заразиле додека престојувале во друга земја.

Училиштата под засилен мониторинг поради новиот грип

„Два нови случаја со симптоми на грипот Х1Н1 се регистрирани во текот на викендов, но се прават дополнителни испитувања да се утврди дали навистина станува збор за новиот грип“. Ова го изјави вчера министерот за здравство Бујар Османи по одржувањето на состанок со Комисијата за пандемски грип на која се разговараше за последните препораки на Светската здравствена организација(СЗО) во врска со вакцинирањето против грипот.

Тој рече дека Македонија досега успешно се справува со предизвикот да се бори со последиците од новиот грип. „Вакцинирањето ќе биде еднодозно за лицата над десетгодишна возраст, а за децата ќе оставиме и резервни дози во случај да има потреба. СЗО, исто така, потврди дека вакцината е безбедна за бремените жени и покрај шпекулациите дека може да и' наштети на бременоста“, истакна министерот Османи.

На Комисијата била донесена и одлука за засилена контрола на училиштата од страна на Државниот санитарен и здравствен инспекторат како средина која е критична за ширење на грипот Х1Н1. (Макфакс)

Уште еден случај со новиот тип на вирус А Х1Н1 потврден во последни 24 часа. Се работи за 22-годишна студентка која студира во Бугарија и со вирусот се заразила таму.

Со тоа бројот на заболени од овој тип на вирус се зголеми на 37 случаи. Сите вирусот го имаат донесено од странство. Ниту еден не се заразил во државата. Но, надлежните предупредуваат на вирозите кои владеат, бидејќи меѓу нив може да има заболени и од новиот вирус.

„Можно е меѓу нив да се крие, дури се претпоставува дека и во западните земји, ако официјалната бројка е на пример 5.000 на Х1Н1 позитивни, дека четири пати е поголема таа бројка, затоа што многу повеќе од нив поминуваат асимптоматски, без симптоми, или во многу блага форма, па не бараат и помош од лекар“, вели Јованка Костовска, министерство за здравство.

Државата се подготвува за можниот бран од грип кој веќе владее во соседните земји. На матичните лекари им се препорачува задолжително да носат маски, да внимаваат на сомнителните случаи, а хроничните болни бремените жени да ги препраќаат на инфективната клиника како ризични групи.

Комисијата за пандемски грип ги подготви листите на ризични пациенти кои ке им бидат препратени на матичните лекари. Санитарните инспектори денеска ги чешлаа училиштата. Поради немање на средства за дезинфекција и нехигиена затворени се тоалети, спортски сали, поедини објекти.

За овие училиштата се подготвуваат прекршочни пријави.

http://vesti.alfatv.com.mk/default.aspx?mId=-1&egId=5&eventId=14648 -

Кај 12 ученици од скопското Среднот угостителско училиште “Лазар Таневски“ кои вчера се вратиле од екск*рзија од Турција докажани се позитивни резултати од вирусот А Х1Н1, соопштува Министерството за здравство.

Подолу во истото се наведува дека децата се наоѓаат на  домашно лекување, се чуствуваат добро и се на терапија со лекот “тамифлу“.

Во моментот, на Инфективна клиника има девет хоспитализирани, со лесна и средно тешка клиничка слика.

Според надлежните вирусот веќе не доаѓа само однадвор, тој се шири внатре во државата. Во дебатата на А2 се постави прашање дали државата направи доволно за спречување на ширењето на грипот.

„Тука треба сите институции коишто на било кој начин се вклучени, а се во согласност законот за спречување на ширење на заразни болести, тоа се министерствата, инспекторати, општини, разните клиники, матични лекари, дури и рурални амбуланти, секој има свои надлежности во тој дел “, изјави Бујар Османи, министер за здравство.

Од Министерството за здравство размислуваат дали ќе го затворат средното угостителско училиште, одлуката ќе ја донесат до понеделник. Надлежните се уште не планираат да ги затворат другите училишта и градинки. Пациентите со симптоми на грип прво ги посетуваат амбулантите и матичните лекари.

„Ако има некои симптоми, кога ќе дојде, висока температура, перзистира, тогаш и поради самиот грип, го праќаме на Инфективната клиника“, вели Јасна Трајковска, општ лекар.

Вакцината против грипот се очекува да стигне кон крајот на месецот. Македонија се надева дека ќе ги добие порачаните количини, бидејќи производителот неможе да ги испорача планираните 2 милијарди вакцини за цел свет и ке произведе само една милијарда.

Разлики помеѓу настинка и  H1N1 Грип

Да не повторувам и ја по другите, Епидемија на грип има секоја година ова време по цел свет а никогаш не се изнесува вкупната бројка на смртни случаеви кај кои вирусот предизвикал компликации. Надуена работа е свинскиот грип, повеќе е состојба на јавната свет. Секој вирус е опасен за луѓе со повеќекратни здравствени проблеми.

Прва жртва од свински грип во Македонија