Вести

„Полудениот“ Пепе казнет со десет меча

Дефанзивецот на Реал Мадрид, Пепе е казнет со забрана за играње од десет натпревари, одлучи Шпанската фудбалска федерација.      Португалскиот репрезентативец од кралскиот клуб беше исклучен во вторникот на натпреварот против Хетафе по невидениот неспортски потез. Го турна Франциско Каскер, потоа два пати го шутираше додека тој лежеше на земја, а потоа го удри и Хуан Албино.      И додека траеја свирежите на Сантијаго Бернабеу, Пепе кога го напушти теренот испрати и по некоја пцовка. Ден подоцна им се извини на сите, но Федерацијата беше безмилосна.      До крајот на тековната сезона во Примера останаа уште шест кола кои Пепе ќе ги прескокне, вклучувајќи го и „Ел Класико“ со Барселона.      Менаџерот на Реал Мадрид, Хуанде Рамос проба да ја поправи сликата која ја создаде за себе стоперот на Пепе во изминатите неколку дена. „Збесна и згреши, но сигурно никого не сакаше да го повреди, тој ни мравка не би згазил.“ - изјави Рамос, кој во наредниот период не ќе може да смета на повредните Холанѓани, Арјен Робен и Весли Снајдер.      „Пепе е свесен за сериозностна на својата грешка. Уверен сум дека тоа нема да му се повтори. Едноставно изгуби контрола и во моментот на лудило креираше тежок инцидент. Но, ви кажувам, Пепе е добар човек. Тој ни на мравка не би згазил. Дури не замоли да го соочиме со новинарите за да се извини.“ - изјави Рамос за новинарите.      Пепе на гостувањето кај Севиља во дуелот од 33-то коло ќе го заменат Метцелдер, Рамос или Хајнце ако дотогаш се опорави.

Изменето од fiks - 25.Април.2009 во 03:52

ФК Вардар - Работнички, во дербито од 27-то коло

Едните административно спречени да сонуваат за Европа, другите решени да го одржат четиригодишниот меѓународен тренд, но товарени од сопствената непостојаност во формата. Вардар и Работнички ќе бидат центар на 27-то коло од првата фудбалска лига.

И од двата табора веруваат во своите шанси за успех и се едногласни дека утре на „Градски“ ќе се одигра убаво фудбалско дерби.

„Како секогаш и на секој натпревар одиме на победа и пред се би сакал да прикажеме една добра игра, со која ќе можеме и ние да бидеме задоволни и оние кои што ќе не гледаат“, изјави менаџерот на ФК Работнички, Бобан Бабунски.

„Мислам дека и двете екипи влегуваат во една иста состојба, се надевам дека нема да има многу тактизирање и дека љубителите на фудбалот ќе видат едно убаво дерби“, додава Бабунски.

„Ќе одлучи квалитетот на екипата, но мислам дека сме поквалитетни од Вардар. Оваа сезона пруживме доста слаби резултати, но мислам дека пресвртот ќе биде со победата над Вардар и со тоа Работнички ќе се врати на победнички патеки“, вели Ѓорѓи Мојсов, фудбалерот на Работнички.

„Не не залажува нивната моментална форма и мислам дека квалитетна екипа, имаат 20-на играчи со ист квалитет, на сите позиции. Ќе биде еден убав дерби натпревар, со борбени, дисциплинирана игра. Моменталната инспирација и една од грешките на двете екипи ќе го решат противникот“, изјави Жикица Таневски, тренерот на ФК Вардар.

„Сега имаме одлична атмосфера, сите играчи едвај чекаат да се соединат на тренинг, пред се поради големото другарство, се надевам дека тоа ќе не краси и на неделниот натпревар. И одиме на поволен резултат“, додава Томче Пачовски, голманот на ФК Вардар.
Жикица Таневски, тренерот на ФК Вардар


Натпреварот започнува во 16:00 часот, термин во кој се играат и останатите средби, а во кои се среќаваат:

    * Силекс - Победа
    * Металург - Напредок
    * Македонија Ѓорче Петров - Пелистер
    * Милано - Турново

Слободна во ова коло е екипата на Ренова.

Клинсман доби отказ од Баерн Минхен

Јирген Клинсман повеќе не е тренер на Баерн Минхен. Откако на клупата на гигантот не мина ниту цела сезона, чашата ја прели саботниот пораз против Шалке на “Алианц Арена”.

Иако сеуште не е потврдено, најверојатно тимот до крајот на сезоната е го води Хејнкес.

Баерн пет кола пред крај на сезоната во Бундеслигата е трет на табелата со три бода заостанување зад водечкиот Волфсбург. Во 1/4-финалето од Лигата на Шампионите пред неколку дена беа декалсирани од Барселона.

Олимпиакос АЕК 19:18

 

Ако Рибери замине, тогаш Баерн потпишува со Диего

Баерн Минхен од следната сезона би можел да остане без својот најдобар фудбалер, Френк Рибери. Меѓутоа, ако Французинот си замине тогаш гигантот од Минхен ќе го донесе Бразилецот Диего, истакна директорот на "баварците", Ули Хенес.

Веќе подолго време се најавува дека Барселона и Реал Мадрид се главните фаворити за неговиот потпис и дека уште на лето ќе почнат офанзива за неговите услуги.

"Ако Рибери си замине, тогаш Диего ќе биде неговата замена", рече Хенес.

Французинот најави дека посакува да остане на Алианц арената, но ако баварскиот клуб не избори пласман во Лигата на шампионите тогаш многу лесно може да се случи да ја смени средината. Реал Мадрид веќе го има пикирано како трансфер аквизиција за новиот претседател Флорентино Перез, кој нема да жали пари за квалитетни имиња.

За Диего подолго време се шпекулира дека ќе премине во Јувентус и дека преговорите се во завршна фаза, но Баварците можат да им ги расипат сите планови. Бразилецот е исто така посакуван од многу клубови, но последниот збор го има Вердер, клуб со кој има договор до 2011 година.