ДУИ партнер во владата на ВМРО-ДПМНЕ

<SPAN id=_ctl0_lblArticleContent ="ArticleTekst">Три места во Владата, резервирани за ДУИ, сè уште не се пополнети затоа што премиерот Никола Груевски одбива да го потпише именувањето на кадрите предложени од коалицискиот партнер. Станува збор за заменичките места во Царинска управа, во Агроберза и во казнено-поправниот дом Идризово. Назим Буши е предложен за заменик - директор на Царината, Исмет Гури за заменик - директор во затворот во Идризово, а Ибуш Емини за истото место во Агроберза. Тие се предложени од ДУИ пред пет месеци, но Груевски одбива да ги именува затоа што во 2001 година биле припадници на поранешната ОНА. Неименувањето на овие кадри е една од причините за внатрепартиските поделби во ДУИ, како и за конфликтот што веќе подолго време тлее во владината коалиција.Од ВМРО - ДПМНЕ велат дека од почетокот на коалицијата имаат проблеми со кадрите на ДУИ, но не само поради тоа што голем дел од нив биле припадници на поранешната ОНА. “Се соочуваме со сериозен проблем бидејќи најголем дел немаат соодветно образование за функциите. Речиси сите дипломирале експресно откако ДУИ дојде на власт во 2002 година, и тоа или на тетовскиот универзитет или на Педагошката академија, со кои раководат Албанци. Тоа е сериозен проблем ако се земе предвид дека многу ресорни места бараат стручна и соодветна опременост“. Шефик Дураки, портпарол на Владата, вели дека испразнетите места во трите институции ќе бидат пополнети најдоцна за десетина дена. Според него, сè уште не се знае дали Владата ќе ги прифати предложените кадри на ДУИ. “Владата навистина бара стручност од кадрите, односно професијата на функционерот да биде сродна со обврските на институцијата. Но, некогаш се прават и отстапки од политички причини“ - вели Дураки.Во наредните десетина дена останува да се види дали премиерот Груевски ќе ги именува предложените кадри на ДУИ, или пак, лидерот на оваа партија, Али Ахмети, ќе биде принуден да предложи нови кадри. Ако Груевски остане на својот став, тоа во јавноста ќе се протолкува како уште една шлаканица за коалицискиот партнер ДУИ. И покрај изјавите во јавноста дека владејачката коалиција функционира во најдобар ред, ДУИ веќе подолго време му се лути на Груевски. Пошироките партиските структури не се задоволни од коалицискиот партнер ВМРО - ДПМНЕ и веќе побараа од раководството сериозно да размисли за прекин на партнерството. Освен за кадровските решенија, во ДУИ не се задоволни и поради отворањето на хашките случаи каде што се обвинети пратеници од оваа партија.