Опозиција во нок-даун - каква опозиција ни треба?

 

 

Критики и предлози од поранешниот сопартиец и другар на Бранко, Есад Рахиќ, кој беше избркан од партијата:

За себе вели дека е социјалдемократ по убедување, но нагласува дека сегашниот концепт на СДСМ бил целосно извитоперен и тоа само заради заштита на интересите на одделни партиски моќници. Македонија без силна СДСМ нема да биде демократска држава, но за да се реорганизира партијата мора целосно да се „излуфтираат“ сегашните партиски структури и да се заменат со нови. СДСМ е смачкана, но тоа е бренд што никогаш нема да умре и кој повторно ќе застане на нозе затоа што тоа го бара демократијата во македонското општество, смета Рахиќ. Тој жестоко го критикува претседателот Бранко Црвенковски и го посочува како еден од најголемите виновници за падот на партијата, но напоменува дека никој не смее да го потцени неговиот политички потенцијал.

...Ме избркаа оние структури поради кои СДСМ се наоѓа на ова дереџе. Тоа се Шеќеринска, Макрадули, Игор Ивановски-Шема и да не набројувам. Тоа се луѓе-лузери што убедливо губеа во три изборни циклуси и наместо да си заминат од партијата, тие сè уште ја раководат. Таква кородирана СДСМ не може да биде силна партија со здрав цврст социјалдемократски концепт.

Од друга страна, се најавуваат големи чистки во партијата и во ИО, но со неколку сигурни места: за Зоран Заев, Игор Ивановски и Владо Бучковски, но и за градоначалниците на Куманово и Охрид, Зоран Дамјановски и Александар Петрески.

“Во оваа партија велат дека на кратки патеки Црвенковски ќе ја сплоти партијата, но, на долги патеки, не може да се очекува да понуди креативна политика со која СДСМ ќе излезе од калта.“

Јас пак ќе ја повторам онаа народната: “рибата смрди од главата, не од опашката.“
Можеби Бранко е единствениот човек кој може да ја консолидира и врати на нозе СДСМ, но за изведување на прав пат со нова политика, стратегија и програма... на СДСМ му треба нов човек.

Реформите почнуваат од лидерот
СДСМ сега има доволен период од три години за реформи, но прашање е дали Бранко Црвенковски е вистинскиот човек за промените што му се потребни, проценува Владо Божиновски, аналитичар од Институт за демократија.

Тој смета дека Црвенковски изминатиов период додека бил претседател, иако не формално, суштински ја водел партијата.

- Според мене, Црвенковски не треба да се врати во СДСМ. Реформите треба да почнат од главата, односно од лидерот, а тој е на оваа функција целиот овој период. Главен проблем за партијата е што тој буквално ги избрка сите интелектуалци кои мислат поинаку од него - смета Божиновски.

Ќе има интересна политичка пролет. Како ли тоа ќе се одрази врз животот на народецов наш осиромашен. Ако се насочат на кавги едни со други ќе дојдеме ли во ситуација циркузијада?!

Црвенковски го чека засукување на ракавите

Дали старо-новиот лидер на СДСМ ќе продолжи да раководи во стариот стил?

Билјана Јовановска

На Социјалдемократскиот сојуз му претстојат големи промени што ќе се случат на партискиот конгрес кој ќе се одржи во втората половина на мај. Поточно, главните поместувања одат по предлог на шефот на партијата, што значи по конгресот и најверојатно тогаш ќе ги видиме и главните промени. Кои ќе бидат потпретседателите, генералниот секретар, како и тоа кој ќе седи во Централниот и во Извршниот одбор – знае само старо-новиот лидер Бранко Црвенковски, а тој засега молчи. Ги одработува последните дваесетина дена од претседателскиот мандат, кој и официјално му завршува на 12 мај.

Сега за сега, опозиционерите се во големо исчекување на враќањето на претседателот Бранко Црвенковски на лидерската позиција. Од него се очекува да ја смисли волшебната формула за застанување на СДСМ на здрави нозе, а со тоа, по низата изборни порази, и одново враќање на власт. Дали е реално да се очекува тоа на предвремени парламентарни избори или дури по три години, кога завршува мандатот на владејачката ВМРО-ДПМНЕ на Груевски, рано е да се говори.

Најнапред треба да се промовира новиот лик на СДСМ, кој ќе мора да ја потисне установената перцепција дека тоа е партија на арогантни, самобендисани интелектуалци кои и немаат допир со реалните проблеми на граѓаните. Во овој период, оваа негативна претстава за сдсмовците доста успешно ја менува в.д. претседателот Зоран Заев, за кого и самите во позитивен контекст говорат како за свој атипичен претставник. За изминатите шест-седум месеци, колку што раководи со СДСМ, иако партијата освои најмал број градоначалнички места и ги изгуби претседателските избори, факт е дека Заев го вложи максимумот. Конечно, на неговата блескава победа во Струмица без забелешки остана дури и владејачката ВМРО-ДПМНЕ.

Ќе има ли поместувања во првиот ешалон, па некои познати лица ќе ротираат во третиот - отворено не се говори. Црвенковски е тој што го сложува партискиот мозаик. Велат дека во последниот период многумина оделе на видување кај главниот, зачестиле и телефонските повици и на оние кои со години не се видени на „Бихаќска“. Одеднаш сите сакаат да го потсетат на своето постоење и да му ги понудат услугите за „доброто на партијата“. Во партиските кулоари, пак, се спомнува и фракционерство, ама кога ќе им посочите конкретни имиња, ниту одрекуваат ниту потврдуваат.

Стилот на владеење на Црвенковски е познат: опонентите не ги отфрла, туку ги држи во своја близина, да ги има на око. Ако се тргне од тоа, со сигурност не може да се тврди дека во седиштето на партијата одново нема да ги видиме и, условно речено, старите кадри како, на пример, Никола Поповски или Ѓорѓи Спасов и многу други. Многумина во СДСМ, ама и надвор од партијата, сметаат дека со своите колумни тие не само што не го поддржаа претседателскиот кандидат зад кого застана лично Црвенковски, туку ставаа и клипови во тркалата на партијата во апсолутно невреме.

Идниот лидер ќе треба добро да ги засука ракавите и да пресмета дали на СДСМ му е неопходно итно враќање на „теренците“, односно на кадрите кои проверено добро работат на терен. Сега првпат партијата практикуваше кампања од врата на врата, иста како и нивните противници, ама и тоа не беше доволно за победа во десетина општини каде што загубија со многу мала разлика.

Во враќањето на Црвенковски на кормилото на опозициската партија се вперени и надежите на меѓународната заедница, која токму од искусниот лисец очекува СДСМ да го врати на старите позиции и така да стане вистинска алтернатива за владејачката ВМРО-ДПМНЕ, која државата, според нивни неофицијални изјави, ја носи во погрешна насока.

Сето тоа нема да оди ни лесно ни брзо, бидејќи се' уште актуелниот шеф на државата не ја наследува партијата во розова ситуација. Напротив. И покрај евидентното раздвижување во СДСМ, во која сега веќе можат да се сретнат и некои локални авторитети, јавна тајна е дека во изминативе години на опозициско дејствување голем дел од финансиерите и' го свртеа грбот и партијата има баеги големи долгови. Како и секое просечно македонско семејство, и тие маки мачат со плаќањето на сметките за струја, вода, греење...

Во последниве две-три години, како што и самите признаваат, 90 отсто од времето го трошеа на себе, на внатрепартиските односи, а само 10 отсто на пресметка со својот жесток противник ВМРО-ДПМНЕ и нејзиниот лидер Груевски, кој со испробаниот популизам и негативните работи успева да ги сврти во своја полза. Враќањето на Бранко Црвенковски воопшто не ја радува владејачката гарнитура и сам по себе овој факт би требало да биде оној добредојден ветер во едрата на идниот лидер. За еден нов почеток, барем засега, и тоа е доволно.

tesko...ucen e ovoj narod da trpi...i trpi...i trpi...ponekogas se prasuvam ima li nekoj narod vo svetot kako nas?

Еве им една добра идеја на опозиционерите како да преминат во улога на активна и конструктивна опозиција, која ќе учествува со критики и предлози во проектите на власта, наместо пазарџиските препукувања од партиските штабови:

Ни треба влада во сенка, немаме подготвеност да ја создадеме