od koja pesna na gvujo e tvojot citat?

Народните поговорки можат да заштедат многу зборови ама треба да се погоди моментот...само

Во нокдаун се брои до десет, па може паднатиот и да стане. Ако не стане, тоа е нокаут - и готово е. Колку избори треба да се изгубат за да се сметаат за мртви?

Значи на оваа опозиција ќе и бројат до десет...Ок

Неуспехот на овие избори треба да дејствува освестувачки за опозицијата затоа што, во состојба на апсолутна власт, каква што сега добива ВМРО- ДПМНЕ, за државата е неопходна противтежа од силна опозиција, оценуваат политичките аналитичари. На СДСМ како водечка опозициска партија и се неопходни внатрешни реформи и нови кадри, а враќањето на Бранко Црвенковски може да придонесе да се врати довербата кај гласачите во партијата, сметаат стручњаците.
СДСМ на локалните избори освои шест градоначалнички места, од вкупно 84 општини, а уште на неколку места победија кандидати што беа поддржани од таа партија. На претседателските избори опозицискиот кандидат Љубомир Фрчкоски освои околу 260.000, а кандидатот на владината коалиција Ѓорге Иванов речиси двојно повеќе - 453.000.
Политичкиот аналитичар Ибрахим Мехмети вели дека една од причините за неуспехот на СДСМ на изборите е што таа партија беше прилично неорганизирана и анемична и не најде начин да се приближи до народот.
- Гласањето покажа дека ВМРО-ДПМНЕ ужива најголема доверба кај гласачите. Меѓутоа, поради мнозинскиот модел при изборот на градоначалници, резултатите не даваат јасна слика за реалниот однос на силите меѓу партиите. Во некои општини разликата беше многу мала, а опозицијата освои многу помалку, гледано според бројот на градоначалниците. Треба да се види дали враќањето на Црвенковски ќе внесе нов елан во партијата и дали тој ќе може да ја обедини опозицијата - смета Мехмети. Владо Бучковски од СДСМ смета дека неговата партија на локално ниво остварила подобар резултат отколку што тоа може да се види според бројот на градоначалнички места. Според него, очекувана била победата во Струмица, Куманово и во Карпош, а победа уште во првиот круг испуштиле во Велес, Крушево, Берово и во Демир Хисар. - Освоените 220.000 гласови на советничките листи, каде што настапувавме сами, го дава реалниот однос на силите, кој веќе не е 3:1 туку 3:2 во однос на владејачката партија. Следната цел ќе ни биде формирање широк опозициски блок, во кој точно ќе се знае распоредот на силите. За победа на Фрчкоски, сепак, беа потребни и гласовите од Албанците, иако тој успеа да привлече голем дел од неопределените гласачи, посебно од помладата популација - оценува Бучковски.
Жидас Даскаловски од Центарот за истражување и создавање политика смета дека граѓаните не препознале конкретна програма кај кандидатите на СДСМ за градоначалници и за претседател, па затоа и не гласале за нив. - Бранко Црвенковски може да ја консолидира партијата, со оглед на неговата популарност и политичко искуство. Граѓаните видоа дека кандидатите на СДСМ не можат да го решат проблемот со името и влезот во НАТО, а згора на тоа партијата ја водеше в.д претседател, за кој се знае дека си заминува од функцијата - вели Даскаловски.

slaba ili skoro nikakva opozicija znaci nesto loso ........ arogantna i totalitaristicka pozicija ........... pozicija koja poradi silinata na svojata gravitacija ( privilegii vo vid na fotelji ) , gi privlekuva i onie koi do vcera bile tesno zbieni vo redovite na segasnata opozicija ....... toa e uste poloso ...... koga covekot kje sfati deka ne e ZID  ......... pa pocnuva da izigruva soncogled ......... za zal , dosegasnata demokratija na Republika Makedonija pokaza deka takvi ima premnogu ......... i deka tokmu poradi tie soncogledi vo Republika Makedonija NIKOGAŠ nema da ima kvalitetna opozicija ......... od prosta pricina ........ sto i na najmaliot miris na eventualna promena na odnosot pozicija - opzocija , kje gi napustat redovite na denesnata pozicija koja mozebi na narednite izbori kje postane opozicija ......... i poftorno kje imame slaba OPOZICIJA ....... ednostavno , tie ludje se kako Štakori . imaat njuh za POZICIJATA

Тој смета дека Црвенковски изминатиов период додека бил претседател, иако не формално, суштински ја водел партијата.

- Според мене, Црвенковски не треба да се врати во СДСМ. Реформите треба да почнат од главата, односно од лидерот, а тој е на оваа функција целиот овој период. Главен проблем за партијата е што тој буквално ги избрка сите интелектуалци кои мислат поинаку од него - смета Божиновски.

Црвенковски го чека засукување на ракавите

Дали старо-новиот лидер на СДСМ ќе продолжи да раководи во стариот стил?

Билјана Јовановска

На Социјалдемократскиот сојуз му претстојат големи промени што ќе се случат на партискиот конгрес кој ќе се одржи во втората половина на мај. Поточно, главните поместувања одат по предлог на шефот на партијата, што значи по конгресот и најверојатно тогаш ќе ги видиме и главните промени. Кои ќе бидат потпретседателите, генералниот секретар, како и тоа кој ќе седи во Централниот и во Извршниот одбор – знае само старо-новиот лидер Бранко Црвенковски, а тој засега молчи. Ги одработува последните дваесетина дена од претседателскиот мандат, кој и официјално му завршува на 12 мај.

Сега за сега, опозиционерите се во големо исчекување на враќањето на претседателот Бранко Црвенковски на лидерската позиција. Од него се очекува да ја смисли волшебната формула за застанување на СДСМ на здрави нозе, а со тоа, по низата изборни порази, и одново враќање на власт. Дали е реално да се очекува тоа на предвремени парламентарни избори или дури по три години, кога завршува мандатот на владејачката ВМРО-ДПМНЕ на Груевски, рано е да се говори.

Најнапред треба да се промовира новиот лик на СДСМ, кој ќе мора да ја потисне установената перцепција дека тоа е партија на арогантни, самобендисани интелектуалци кои и немаат допир со реалните проблеми на граѓаните. Во овој период, оваа негативна претстава за сдсмовците доста успешно ја менува в.д. претседателот Зоран Заев, за кого и самите во позитивен контекст говорат како за свој атипичен претставник. За изминатите шест-седум месеци, колку што раководи со СДСМ, иако партијата освои најмал број градоначалнички места и ги изгуби претседателските избори, факт е дека Заев го вложи максимумот. Конечно, на неговата блескава победа во Струмица без забелешки остана дури и владејачката ВМРО-ДПМНЕ.

Ќе има ли поместувања во првиот ешалон, па некои познати лица ќе ротираат во третиот - отворено не се говори. Црвенковски е тој што го сложува партискиот мозаик. Велат дека во последниот период многумина оделе на видување кај главниот, зачестиле и телефонските повици и на оние кои со години не се видени на „Бихаќска“. Одеднаш сите сакаат да го потсетат на своето постоење и да му ги понудат услугите за „доброто на партијата“. Во партиските кулоари, пак, се спомнува и фракционерство, ама кога ќе им посочите конкретни имиња, ниту одрекуваат ниту потврдуваат.

Стилот на владеење на Црвенковски е познат: опонентите не ги отфрла, туку ги држи во своја близина, да ги има на око. Ако се тргне од тоа, со сигурност не може да се тврди дека во седиштето на партијата одново нема да ги видиме и, условно речено, старите кадри како, на пример, Никола Поповски или Ѓорѓи Спасов и многу други. Многумина во СДСМ, ама и надвор од партијата, сметаат дека со своите колумни тие не само што не го поддржаа претседателскиот кандидат зад кого застана лично Црвенковски, туку ставаа и клипови во тркалата на партијата во апсолутно невреме.

Идниот лидер ќе треба добро да ги засука ракавите и да пресмета дали на СДСМ му е неопходно итно враќање на „теренците“, односно на кадрите кои проверено добро работат на терен. Сега првпат партијата практикуваше кампања од врата на врата, иста како и нивните противници, ама и тоа не беше доволно за победа во десетина општини каде што загубија со многу мала разлика.

Во враќањето на Црвенковски на кормилото на опозициската партија се вперени и надежите на меѓународната заедница, која токму од искусниот лисец очекува СДСМ да го врати на старите позиции и така да стане вистинска алтернатива за владејачката ВМРО-ДПМНЕ, која државата, според нивни неофицијални изјави, ја носи во погрешна насока.

Сето тоа нема да оди ни лесно ни брзо, бидејќи се' уште актуелниот шеф на државата не ја наследува партијата во розова ситуација. Напротив. И покрај евидентното раздвижување во СДСМ, во која сега веќе можат да се сретнат и некои локални авторитети, јавна тајна е дека во изминативе години на опозициско дејствување голем дел од финансиерите и' го свртеа грбот и партијата има баеги големи долгови. Како и секое просечно македонско семејство, и тие маки мачат со плаќањето на сметките за струја, вода, греење...

Во последниве две-три години, како што и самите признаваат, 90 отсто од времето го трошеа на себе, на внатрепартиските односи, а само 10 отсто на пресметка со својот жесток противник ВМРО-ДПМНЕ и нејзиниот лидер Груевски, кој со испробаниот популизам и негативните работи успева да ги сврти во своја полза. Враќањето на Бранко Црвенковски воопшто не ја радува владејачката гарнитура и сам по себе овој факт би требало да биде оној добредојден ветер во едрата на идниот лидер. За еден нов почеток, барем засега, и тоа е доволно.