Ми треба ...

AlDra напиша: Не ми се верува која тема сте ја ставиле на врвот.ц ц ц ц ц ц Овде единствено самонаречените ,,православни’’ се чувствуваат добредојдени!

Алдра, мислам дека е доста вулгарен овој твој однос и обраќање, и се разбира - сосема непотребно.
Темата е поставена со јасна идеја, која е искажана во првиот пост, и е отворена за сите учесници на форумот без разлика на нивната верска определба. Потребата да се критикува нешто или некого само затоа што "не се од нашите", каде и да е, оправдано или не, е едноставно пројава на нетолерантност.
Само да те потсетам, ова е првиот пост и идејата на темава:

Miki_P напиша: Почитувани, Разгледувајќи низ Форумов, не сретнав нешто слично на ова што сега го воведувам како нова тема. Живееме во време на компјутеризација и секојдневно се појавуваат разни програми за разни области. Тие, во дадени моменти, можат да ни бидат од голема полза и затоа е добро да си помагаме. Размислував дека би било добро да имаме една тема во која, по барање на наши членови, би ги поститале програмите. Или: ми треба - молитвеник, икона, крст, книга, проповед и сл. Ако не е соодветна темата, или а ако не е за овде, во потфорумот Вероисповед, молам модераторите да ми кажат. Јас имам потреба од речник македонско-германски (германско-македонски)во електронска верзија за превод на богословски трудови за германското јазично подрачје. Ви благодарам за разбирањето. Поздрав.

Ова ми личи на купи-продај, дај ми она ќе ти дадам ова... Па и на чело сте ја ставиле темава. Ова треба да се премести на некој друг дел од форумов.

Почитувани,
     
     Дали некој ги има Статиите на Голем Петок на македонски јазик во електронска верзија?

     Поздрав.

Статија Трета на Велики Петок

 

Сите народи твоето погребение Христе, со песни го пеат. Денес Ариматеец од дрво те симна и во нов гроб те положи. Жени мироносци миро ти донесоа од се срце, Христе мој. Сите созданија дојдете, на Бог да принесеме песни жални погребални. Како мртов животот, со мироносиците со миро да го помажеме. Јосифе преблажен, погреби го телото на твојот Животодавец. Со мана Тој ги храни, тие неблагодарни, со зло се отплатија. На својот Благодател што им даде мана, оцет и жолчка му даваат. О безумство страшно на пророкоубиците, што тие Христа ни го убија. О, безумен Јуда, ти на Христа предавник - од мудроста се откажа. Јуда лицемерен, Бога го остави и пленик гревовен стана. Според Соломон, устите лажливи се бездна на безумство. Патиштата нивни, криви и безакони, опасни се и трнливи. Јосиф го погребува чесно со Никодима телото на Творецот. Животодавче Спасе, Слава на твојата власт, адот ти го разурна. Твојата пречиста Мајка, гледајќи те мртов Христе, жално те плачеше. Слатка моја пролет, о премило чедо, каде е твојата убавина. Твојата пречиста Мајка мртов штом те виде, мајчински те оплакуваше. Жени мироносици дојдоа при Христа со миро да го помажат. Христе мој, со смртта смртта ја уништуваш со божествена сила. Се измами измамникот, луѓето се спасени со мудроста твоја Боже мој. Предавникот Јуда во бездната на адот гние и се измачува. Патиштата на Јуда очајникот безумен, полни се со трња и примки. Тие што те распнаа сите ќе загинат, Сине Божји Спасе мој. Во бездната на смртта гинат во страшни маки сите твој злосторници. Слове, Сине Божји, Боже мој и творче, зошто си примил да страдаш. Дева жално плаче гледајќи те Христе тебе распнат на крстот. Телото живоносно Јосиф со Никодима денес го погребуваат. Дева жално ридаше, со болките на мајка топли солзи ронеше. Слатко мое чедо, Светлино на сонцето, како лежиш во мрачен гроб ? Мајко не ридај, страдам да ги ослободам Адама и Ева од адот. Твојата голема милост денес ја Славам, заради која страдаш. Оцет и жолчка денес Христе вкуси, да не ослободиш од зло. Ти на крст си распнат што со столб од облак народот твој го водеше. Жени мироносици на гробот ти дојдоа Спасе, да те миросаат. Стани, Животодавче од пеколна бездна, воскресни не нас мртвите. Тажна, твојата мајка солзи рони, плаче: воскресни Животодавче. Брзај да воскреснеш, радост да и донесеш на твојата родителка. Силите небесни многу се исплашија кога мртов те видоа. Со страв ги почитуваме твоите страданија, прости ни ги гревовите. О пречудна гледка, Слово Божјо, Сине мој, земјата да те покрива. Некогаш со Јосиф во Египет појде, друг Јосиф те погребува. Твојата чиста Мајка те жали и оплакува тебе мртов, Спасителе. Разумот е во ужас Боже наш Створителе, кога го гледа твојот гроб. Жени миросици рано в зори со миро гробот твој го поливаат. Мир на твојата Црква, нам дај ни спасение, дај со твоето Воскресение. Троица Света Славна, Отец, Син, Дух, сиот Свет помилувај го. Дева, удостој не ние да го видиме од гроб воскреснат твојот Син. Сите народи твоето погребение Христе, со песни го пеат.

AlDra напиша: Ми треба форум кој нема да биде пренатрупан со текстови од само една верска заедница.

Наместо со кукање, да придобиваме со љубов...

Ми требаат што повеќе луѓе со отворени умови и со омекнати срца кои ќе Го примат Исус за свој Господ и Спасител!

AlDra напиша: Ми треба форум кој нема да биде пренатрупан со текстови од само една верска заедница.

Патем, туку што погледнав... во последниве 6 месеци, си отворил само 4 теми, а си учествувал во повеќе од 60. Доколку сметаш дека има теми кои не се застапени и кои треба да се дискутираат - те молам, отвори нова тема, ќе ни биде задоволство на сите да дискутираме.