1-ви Април

1 април - Постојат повеќе теории од кои ниту една веродостојно не го објаснува потеклото на овој ден. Меѓутоа факт е дека многу народи и култури на почетокот на април го славеле денот или деновите на несериозност, што можеби било поврзано и со заминувањето на зимата и доаѓањето на пролетта, а со тоа настапувало и повеселото расположение.

Според една теорија Римјаните и Хиндусите ја славеле пролетната еквиноција со почетокот на 25 март, како и завршувањето на Новата година на 1 април. Кога папата Грегор Тринаесетти во 1582 година Јулијанскиот календар го заменил со нов, Грегоријанскиот календар, според кој Новата година се славела на 1 јануари, многумина не сакаа да ги прифатат новиот датум или не знаеле за него, па славеле по старото сметање на времето.

Други за тоа ги исмејувале и измислувале разни шеги на нивна сметка. Подоцна тој обичај се проширил и во Европа. Со оглед на тоа што Англичаните Грегоријанскиот календар го вовеле во 1752 година, а веќе уште тогаш биле познати првоаприлските шеги, оваа теорија е доведена под знак прашање.

Според теоријата на професорот Џозеф Боскин од Бостонскиот универзитет римскиот император Константин му дозволил на својот дворски шут Кугели да биде „крал на еден ден“, бидејќи дворците забавувачи се насмеале со изјавата оти подобро би владееле со империјата од него. 

Кугел издаде наредба, со која за тој ден барал апсурдни работи, при што се смета дека на овој начин настанал овој обичај. Меѓутоа на крај се испоставило дека самиот професор целата приказна која ја објавиле и познатите весници, ја измислил како првоаприлска шега.

Според третата теорија непозната 16-годишна девојка му закажала на тој ден на францускиот крал Хенрик Четврти, познат по тоа дека сакал млади девојки, „дискретен состанок“ во просториите на дворецот, на кој наместо неа се појавила неговата жена и така се пошегувала со него.

Независно од потеклото и веродостојноста на понудените објаснувања, вистина е дека смеењето го чува здравјето - кога се смееме стануваме поопуштени, поздрави и поубави. 1 април, Светскиот ден на шегата е ден кога користиме безопасни шеги и слатко се смееме на своја и на туѓа сметка.