Поуки од Светите Отци

Старец Паисиј Светогорец

Егоизмот во повеќето случаи ни ги прави најголемите духовни штети, бидејќи е најживото и најопакото дете на гордоста. Природно, ако не постоеше тоа “јас” и доколку луѓето би го употребувале само она “ти”, “тој”, “оној”, ќе постоеше смирение, љубов и благослов Божји во светот, така што луѓето ќе живееја рајски уште на земјата. Милостивиот Бог нека го даде овој благослов на своите созданија. Амин.

Го прашаа авва Агатон: „Што е поголемо: телесниот труд или внатрешното воздржување?“ Старецот одговори: „Човекот е сличен на дрво. Значи, телесниот труд се лисјата, а внатрешното воздржание плодот. Зашто, напишано е: „секое дрво што не раѓа добар род се сече и во оган се фрла“, па јасно е дека треба да се грижиме за плодот, односно за воздржанието на умот. А потребна е и покривката и украсот на лисјата, што е телесниот труд.“

Старец Паисиј

За време на молитвата, особено пред молитвата, во своето послушание, чувај се од непотребни разговори, за да можеш подоцна да се молиш нерасеан и неповреден, бидејќи многуте зборови предизвикуваат и многу недоразбирања. Ако сакаш да зборуваш, Христос со радост сака да Му се обраќаат Неговите деца низ молитвата.

Старец Паисиј

  Веќе кажав дека, за да го очисти умот и срцето, човекот не треба да прима лоши помисли кои му ги наметнува ѓаволот, ниту тој самиот треба да помислува зло. Треба да настојува секогаш да има добра помисла, лесно да не се соблазнува и со благост и љубов да гледа на гревовите на другите. Кога ќе се умножат добрите помисли, човекот во душата се осветува, се однесува побожно, станува помирен и животот му станува рај. Во спротивно, на сѐ гледа со недоверба и неговиот живот се претвора во пекол. Така човекот самиот свој живот го претвора во пекол.

Потребно е да се помачиме околу очистувањето. Можеме и да бидеме свесни за она што е лошо во нас, но тоа не е доволно. Ако не само што не прифаќаме лоши помисли и сами не помислуваме лошо, туку уште и за сѐ што ни кажуваат и што гледаме имаме добри помисли, ќе ни се очистат и умот и срцето. Искушувачот, се разбира, нема да престане да ни праќа лоша телеграфска порака. Бидејќи, дури и откако ќе се ослободиме од сите лоши помисли, и понатаму ќе има ѓаволски напади, но тие немаат влијание, ако е срцето чисто.

Митрополит Стумички Наум

Телесниот пост е неразделно поврзан со духовниот пост. Нема вистински пост без покајание и плач, без смирение, без молитва, без трпение, без љубов и милост кон ближните и без другите Свети Добродетели. Од телесниот пост духовниот отец, како што видовме, може да не разреши, но од духовниот пост – никој, па дури ни ангел од небото.

Zosto Makarios nekade velis: ,, православната Црква не учи дека страстите (страдањата), се последица на нашиот грев и нашата падната природа, и дека за тоа не ни е крив ниту Господ, ниту некој друг (како што обично знаеме да кажеме)". Ova e Biblisko, Hristijansko ucenje a ne e pravoslavno, i ne e vo red da mu ja zalepis etiketata.

belichka напиша: pravoslavnata crkva uci poucuva!site ostanati te ostavaat sam da si mislis i razmisluvash! Ona sto pogore go spomna opiten. te ostavaat na tvoeto "jas" egoizmot. A sto ragja egoizmot i koi se negovoite plodovi...???

хм....

тепање? насилство? омраза? гнев?

погодив?