Кој ќе ни биде претседател?

Ѓорге Иванов, ќе влезе како голем фаворит во вториот круг на претседателските избори во кој соперник ќе му биде Љубомир Д. Фрчкоски, но адутот на власта може да има сериозни проблеми со потребниот цензус од 40% излезени гласачи за да успеат изборите, покажуваат првичните анализи на „Дневник“. Одзивот од најмалку 716.833 гласа за да добиеме нов шеф на државата многу ќе зависи од ставовите на големите изненадувања на завчерашните претседателски избори, Имер Селмани и Љубе Бошкоски, кои заедно добија нешто помалку од 300.000 гласови. Тоа значи дека ако тие двајца решат да ги повикаат своите гласачи да не излегуваат на изборите или ако нивните гласачи самите се демотивираат да излезат на 5 април, цензусот ќе виси на тенок конец. Се разбира, клучно ќе биде и однесувањето на СДСМ и второпласираниот Љубомир Д. Фрчкоски, но ако се суди според вчерашната прес-конференција на опозицијата, тие ќе одат на победа во вториот круг.

ВЕСЕЛА МАТЕМАТИКА ЗА ЦЕНЗУСОТ
Пресметката покажува дека на завчерашните претседателски избори вкупно гласале 1.000.846 граѓани, односно 58% од граѓаните со право на глас. Ако од оваа бројка се одземат гласовите на ДПА, која веќе најавува целосна индиферентност кон вториот претседателски круг, како и гласовите на Селмани и на Бошкоски, во случај тие да не се договорат за соработка со некој од кандидатите, тогаш се добива разлика помала од 700.000 гласови. Се разбира, добиените гласови не се спакувани во торба, па да можат кандидатите да му ги подарат на некој друг кандидат. Но дури и под претпоставка дека еден дел од гласовите на Бошкоски по „вмровска“ линија ќе отидат на контото на Иванов, а друг дел симпатизери на Брат Љубе, револтирани од политиката на ВМРО-ДПМНЕ - ќе гласаат за Фрчкоски, тешко е да се претпостави дека сите 150.000 гласачи што го поддржаа независниот кандидат ќе излезат и на 5 април. Напротив, логично е трет дел од неговите гласачи да останат дома.

Со Нова демократија на Селмани ситуацијата е уште поексплицитна: или партијата ќе се договори да влезе во власта, па ќе повика да се гласа за Иванов (што се смета за помалку веројатна варијанта), или ќе се концентрира само на општините во кои има битка во вториот круг за градоначалник, а претседателските избори ќе ги прогласи за завршена приказна (поверојатна варијанта). Во вториов случај, од гласачките кутии ќе одлетаат околу 100.000 гласа, околу 6% од вкупното гласачко тело, што би било сериозен проблем за исполнување на цензусот.Ниту Селмани, ниту Бошкоски вчера не одговорија како ќе постапат во пресрет на гласањето закажано за 5 април.

Опозициската СДСМ вчера соопшти дека тие воопшто не планираат некаков бојкот на изборите, туку одат на победа во вториот изборен круг. Ставот беше соопштен откако нивниот пратеник Владо Бучковски прексиноќа во една дебатна телевизиска емисија најави дека е можно да се случи и бојкот „заради слабиот квалитет на претседателскиот кандидат на ВМРО-ДПМНЕ“. Кандидатот на СДСМ, Љубомир Фрчкоски, изјави дека тие ќе се обидат да ги „реорганизираат гласовите на сите останати кандидати што имаат програма за брз влез во НАТО“.

- Тие граѓани сакаме да ги собереме во еден единствен блок, наспроти владиниот кандидат, кој останува сам на анти-НАТО позиција - изјави вчера Фрчкоски.

Според тоа, за да избереме претседател на 5 април мора да се исполнат три клучни услова: 1. Никоја од големите партии да не повика на бојкот; 2. ДУИ да мотивира барем осумдесетина илјади свои симпатизери да гласаат за Иванов; 3. Најмалку две третини од гласовите на Бошкоски да се распоредат кај кој било од двајцата кандидати. Со овие три услови исполнети, Иванов би станал претседател со околу 470.000 гласови (со пресметана една третина од гласовите на Брат Љубе), а противкандидатот би освоил нешто над 300.000.

ИВАНОВ КАСКА ЗАД ВМРО-ДПМНЕ
Политичкиот аналитичар Ѓорѓи Кимов, директор на агенцијата „Брима-Галуп“, не очекува бојкотот на изборите.
- Тоа би било само израз на една емотивна реакција кај учесниците и чија заднина брзо би се прочитала кај граѓаните. Со тоа премногу би и' се наштетило на земјава во овој период. Инаку, сите комбинаторики за вториот круг се нормални - вели тој.Кимов укажува дека бројот на освоените гласови на Бошкоски и на Селмани претставува големо изненадување на изборите. Тој смета дека гласовите што тие ги добиле, всушност, претставуваат директни пораки на граѓаните до владејачките ВМРО-ДПМНЕ и ДУИ.

Инаку, со освоените 343.374 гласови во првиот круг, претседателскиот кандидат на ВМРО-ДПМНЕ и нивната коалиција, Иванов, се наоѓа во средината меѓу Бранко Црвенковски и Сашко Кедев, кои влегоа во вториот круг на претходните избори во 2004 година. Тогаш претседателот Црвенковски освои 385.341 глас, а Кедев 309.132. Односно, сега Иванов има освоено малку над 40.000 гласови помалку од Црвенковски, а речиси 35.000 повеќе од Кедев. На минатогодишните предвремени парламентарни избори, пак, владејачката ВМРО-ДПМНЕ освои 481.501 глас, односно околу 96.160 гласови повеќе отколку што се освоени завчера.Според аналитичарите, сепак, не може да се направи механичка споредба на резултатите меѓу парламентарните и претседателските избори. За двата типа избори се водат различни кампањи. Истото важи и за каква било паралела со локалните избори.

Гледано низ бројки, владејачката ВМРО-ДПМНЕ и Коалицијата „За подобра Македонија“ на изборите за градоначалници завчера освоија над 490.000 гласови. На изборите, пак, за советничките листи, таа бројка изнесува над 385.000 гласови. Евидентно е дека „потфрлање“ има кај претседателскиот кандидат, кој „заостанува“ 40-ина илјади гласови зад „советничките“ и 150.000 кај градоначалничките. Владимир Божиновски од Институтот за демократија смета дека во резултатите на владејачката партија нема ништо изненадувачко.

Особено е значаен резултатот на претседателските избори. Резултатот во првиот круг потврди дека анализите на ВМРО-ДПМНЕ за 3 спрема 1 се тотално погрешни. Значи ВМРО-ДПМНЕ и нивниот кандидат изгубија 150.000 гласа. Уверени сме дека овој резултат во останатите 15 дена од кампањата може да го подобриме. Со тоа граѓаните пратија кристално јасна порака дека се против изолационизмот на власта и ја поддржуваат опцијата за брза интеграција во ЕУ и НАТО - изјави Заев.За аналитичарите, резултатот што го постигна СДСМ, како партија која веќе подолго време е во криза, е максимумот што можеше да се постигне во овој момент. СДСМ имаше проблем што нивните гласови не беа сконцентрирани, туку беа во различни региони. Доколку имаше концентрација на гласовите, ќе освоеја и повеќе градоначалнички места - вели Ѓорѓи Кимов.Аналитичарот Суад Мисини, меѓутоа, укажува дека фактот што за СДСМ гласале нивни верни гласачи не може да води кон заклучокот дека довербата во нив се разбудила.

ПАЃА ПОДДРШКАТА ЗА ДУИ
Според Јетон Шасивари, значајно е да се истакне дека изборите покажале дека почнала да опаѓа поддршката за ДУИ во споредба со предвремените парламентарни избори. Тој наведува дека ДУИ, првпат по 2005 година, кога ги добила сите општини со мнозинство Албанци, сега ги губи поголемите градови како Гостивар, а неизвесен е исходот во Струга и во Тетово.

sakas ili mislis?

Добро, како може од 2 000 000 луѓе 1 800 000 да имаат право на глас Значи страшни дубари се прават, само да ја одржат вештачки „големата“ поддршка од народот

мене ми е срам Хорхе да ни биде претседател

На латино американски е тоа....нагалено

Мислам дека ќе биде тесно многу математики се во игра...
Ќе биде катастрофално ако Фрчко победи...
Неможам да ја замислам комуникацијата ВЛДАТА-ПРЕТСЕДАТЕЛ ќе биде полошо дури и од досега...

zenmaster напиша: Аха...ако победи ЏорЏе мед и млеко ќе биде или како што вмровците викаат дека било време на едноумие .

Подобро едноумие одколку три чекори напред , два назад...
Шо и фали на Русија...???