Заштитете ја Србија од САД ???

     
Дома > Балкан      
Шефот на српската тајна полиција агент на ЦИА
     Коментари (0)   
02.03.2009 09:15
Станишиќ бил агент на ЦИА осум години    


Поранешниот шеф на српската тајна полиција Јовица Станишиќ во време на распадот на Југославија бил главен агент на ЦИА во Белград.

Доверливите документи со доказите за соработката, ЦИА ги доставила до Хашкиот трибунал за воени злосторства пред кој се води процес против Станишиќ, објави весникот Лос Анџелес Тајмс.

Според весникот, Станишиќ бил агент на ЦИА осум години.

„Една ноќ во 1992 година во паркот Топчидер во Белград, Станишиќ се сретнал со офицерот на ЦИА Вилијам Лофгрен и тогаш двајцата склучиле договор за кој никој не дознал“, пишува ЛА Тајмс.

Во статијата се наведува дека Станишиќ имал лоша репутација , бидејќи бил шеф на разузнавањето на српскиот претседател Слободан Милошевиќ и многумина го сметале за „мозок“ на режимот, „благодарение на кој светот добил застрашувачки нов термин - етничко чистење„.

„Станишиќ и Лофгрен на тајните состаноци на бродови и безбедни куќи долж реката Сава разменувале детали за функционирањето на режимот на Милошевиќ. Станишиќ обезбедувал информации за местата на кои се наоѓале заложниците на НАТО; им помагал на оперативците на ЦИА во пронаоѓањето масовни гробници и формирањето мрежи на тајни бази во Босна“, пишува ЛА Тајмс.

Според Лофгрен, кој сега е во пензија, тајниот документ за Станишиќ бил составен со цел да се покаже дека тој направил „многу добри дела“. „Доколку хашкото обвинение се остави настрана, тој човек направи работи кои помогнаа да се завршат судирите и да се воспостави мирот во Босна“, изјави Лофгрен.

Судскиот совет во Хаг ќе го разгледа документот на затворена седница, бидејќи содржината е од доверлив карактер.

Copyright 2009 makfax. Сите права се задржани. Текстов не смее да се печати или емитува, во целина или во делови, без договор со makfax.