Карате

КАРАТЕ - МЛАДАТА КАРАТИСТКА СИМОНА ЗАБОРСКА, ИМЕ КОЕ СЕ НАМЕТНУВА

Бисер кој треба да се негува

Еден од спортовите каде младата популација пројавува значаен интерес секако е каратето, спорт во кој најмладите се постојано присутни. Токму оваа категорија спортисти се најбројните и најверни членови во клубовите. Таквата масовност по дефиниција дава и квалитет, квалитет кој во догледно време задолжително дава резултати.

Секако за сето ова потребни се и соодветни услови, кои, за жал, кај нас ги немаат сите клубови, односно имаат само неколку меѓу кои се Макпетрол и Металург.

Токму во Макпетрол, чија школа брои преку 100 - тина деца, со најголем стаж, тренира талентираната четиринаесетгодишната Симона Заборска, која со карате спортот се занимава уште од својата 6. година. Дека станува збор за талентиран натпреварувач говорат бројните успеси, а првпат се наметна пред три години кога во својата категорија стана државен шампион, титула која ја потврди и следната година, и тоа во дисциплината борби, екипно. Таквиот тренд продолжи и оваа година. Таа е најмладата каратистка која пред петнаесетина дена, на државниот шампионат, во конк*ренција на преку 1000 учесници од 56 клуба се закити со златен медал во борби екипно и сребрен во кати. Симона исто така годинава има освоено злато во карате лигата за жени меѓу кадетките.

Покрај успесите на домашен план Заборска има голем број медали и од меѓународните турнири во Трбовље (Словенија), Тузла (БиХ), Чачак (Србија), Белград (Србија)... Дека Симона е успешна каратистка и сестран спортист говори фактот дека се занимава и со пливање, таа е член на ПК "Младост" - Скопје.

"Со оглед дека следува нужна смена на возрасната категорија Симона Заборска ќе мора да има чести настапи на интернационалната сцена со цел стекнување на потребно искуство. Само така Македонија ќе го избруси новиот бисер во карате спортот во нашата земја. Токму од тие причини таа веќе во февруари ќе учествува на ЕП за кадет(к)и во Франција каде очекуваме успешно деби", вели нејзинот тренер воедно и татко Бошко Заборски.

А, пак, Симона лично ни откри и една друга тајна, дека за нејзините резултати покрај тренерот голема заслуга има и нејзината другарка Сара Радичевска, со која секојдневно тренираат карате и пливање.

"Јас и Сара на секој турнир или натпревар во последните три години секогаш стасуваме до финалните борби и веќе имаме освоено голем број медали", вели Симона Заборска.

Но семејството Заборски има и трет каратист. Тоа е братот Петар Заборски, кој е три години помлад од Симона, а оваа година имаше девет едноподруго победи кои му ја донесоа титулата првак во пионерска конк*ренција, поединечно и екипно во борби.

Инаку, КК "Макпетрол", кој е расадник на млади талентирани каратисти, во Симона Заборска гледа голем бисер на македонското карате, бисер кој во периодот што доаѓа треба да донесе бројни радости на спортската јавност во Македонија.

КАРАТЕ - ВО ПРЕСРЕТ НА УНИВЕРЗИЈАДАТА ВО ПОЛСКА

Илиевска спречена, Гудеска се враќа

Од вчера па до 6 јули нашата сениорска репрезентација во карате ќе престојува во Буљарица, во Црна Гора, каде ќе бидат реализирани десетдневни подготовки, а се во функција за претстојната Универзијата во Полска (10 - 13 јули) во градот Вроцлав.

На завршните подготовки ќе учествуваат сите повикани спортисти освен искусната Наташа Илиевска, која штотуку има засновано работен однос, ивршува приправнички стаж. Затоа, пак , во ката тимот се враќа Марија Гудеска од Прилеп, која е носител на неколку медали од големите натпревари и тоа исклучиво во кати. Освен Гудеска во женскиот ката тим се најдоа и стандардните Сања Николиќ и Тамара Рибарска, која ќе настапи и во поединечна конк*ренција.

За селекцијата на Македонија во борби, за Универзијадата, селекторот Заборски смета на следните спортисти: Б. Мицов (60 кг), С. Патраклиев 970 кг), В. Гонев (75 кг), О. Груевски (80 кг), Ж. Арсовски (+80 кг) и С. Арсовски во апсолутна, кој е неизвесен. Во екипно во борби ќе учествуваат Г. Петров, С. Ѓеорѓиевски, Ф. к*рблиќи и М. Несторовски.

Кај девојките во борби повикани се Н. Илиевска (53 кг), Н. Стефановска (60 кг), Е. Илиевска 9+60 кг) и М. Ефремова - екипно.

 

КАРАТЕ - СЕНИОРИТЕ ПАТУВААТ НА СП ВО ТОКИО
Исени е нашата најголема надеж

Ардита Исени е нашиот најголем адут за медал на претстојното Светско првенство во карате за сениори, кое ќе се одржи во Токио (13-16 ноември). По преселбата во Канада во август, бронзената од ЕП во Талин се подготвуваше независно од репрезентацијата, но селекторот Бошко Заборски смета дека таа ќе настапи на турнирот во Токио со мотив повеќе, со цел да го одбрани реномето што го ужива во меѓународни рамки.
- Немаме некој увид во формата во која се наоѓа Исени бидејќи веќе неколку месеци е во Канада, но таа и натаму е меѓу десетте најдобри каратистки во својата категорија и мислам дека ќе направи се за да не претстави во најдобро светло. Секој пласман во најдобрите седум на кој било натпреварувач би го сметал за успех - изјави Заборски.
Најголем хендикап за нашата селекција ќе биде отсуството на Иво Цветковски поради повреда, но, и покрај тоа, имаме солиден состав кој во секој момент би можел да изненади некого од фаворитите.
Во борби ќе се натпреваруваат Богдан Мицов, Ване Гонев, Ферат Корбулиќи, Гоце Петров, Жарко Арсовски, Огнен Груевски, Наташа Илиевска и Ардита Исени, а во конк*ренција на кати ќе не претставуваат Тамата Рибарска, Марија Гудевска, Сања Николиќ.
На првенството во Токио ќе настапат каратисти од стотина држави, а, освен на натпреварувачко ниво, нашата држава ќе ја претставува и Златко Димовски во улога на судија за кати.

criminal-F напиша: jas sum karatistka i ja sakam sportot mnogu kolku sto nikoj ne sakat i sum mnogu uspesna i iiiiii i tolku i nemat zbor za karate da se znajt samo nesto vo istorjata na karate-do nemat borenje fizicki tuku imat duhovno i umstveno relaksiranje i pametno mislenje karateto e vazno za toj sto znajt sve za taa vestina a toa e vestina za mir a ne za vojna ke ve molam mislite po pametno i nemojte da vezbate karate ako ne ja sfakate vistinskata sustina karateto ne e natprevaruvanje so protivnik i dobivanje medal tuku samo zloupotrebate sportot.....

I jas sum karatistka i potpolno se soglasuvam so tebe..karateto ne e vestina za vojna tuku za mir...Prvo i najvazno e duhovnata stabilnost,koncentracijata,a potoa doagja fizickata sila..

mnogu go sakav ovoj sport kako mala ..trenirav 5godini,samo ne izdrzav sepak go obozavam

Љупчо напиша: Карате-до (карате),сфатено како спорт и како вештина,како и сите др.бор.вештини,служи за изразување на личноста како практикант на самата вештина.За жал повеќе се афирмира во светот спортската форма на карате - спортска карате борба. Па споредбено се има натпреварувачи (победници и поразени)по принципот Шо-Бу во т.н.борби ,кати ..... Додека традиционалниот став на Шу-ха-ри и понатаму се запоставува,а без тоа...личноста која вежба не станува целосна.

si vo pravo ama do negde ubo e karateto da se koristi kako vestina za svojata gradba no sho-bu se deli na kumite i kata a kumite po japonski znacit psihicka borba a ne fizicka...nie kumiteto koristime po negativen pat sum bidena i na natprevati ito mnogu ama ne poddrzavam mnogu natprevarite od karate

pa milo mi e zs i ti kako mene mislis
cista zloupotreba