ДНЕВНО-ПОЛИТИЧКИ настани, вести и актуелности

Ako nekoj po sabajlevo se oseka so nizok pritisok, neka ja prochita izjavata na Georgievski za normalizacija na pritisokot bez kafe.  (Opomena; ova ne vazhi za onie so visok pritisok)

„Престанете непотребно да ја дразните Грција!“

Поддршка за влез во ЕУ и НАТО и за решавањето на спорот за името со Грција како услов за тоа, Македонија доби од сите актуелни политичари и поранешни претседатели и премиери од регионов, учесници на 11-та конференција на Балканскиот политички клуб во Охрид.

Екс премиерот Георгиевски смета дека без разлика како тоа ќе се одрази врз политичкиот рејтинг и изборите, оваа влада мора итно да го реши проблемот со името, за што според него политичката левица порационално размислува од десницата.

„Значи оваа влада има пред неа два избори, или да го закопа проблемот уште подлабоко и да ја оддалечи Македонија од евроинтеграцијата на десетици години, а најмногу ќе го закопа ако продолжи со оваа антиквизација на Македонија, затоа што пораките од сите пријатели и од светот и на оваа конференција беа јасни - престанете непотребно да ја дразните Грција со античката историја, тоа е едниот правец во кој треба да се движи, и вториот правец е да ја презеде одговорноста на свој грб и да го реши проблемот“, изјави Георгиевски.

Одредницата Северна Македонија за Георгиевски и други политичари е добар старт за продолжување на преговорите за името, но не и за поранешниот дипломат Димитар Димитров.

„Нашата позиција уште повеќе се расипува, затоа што област од друга држава се нанесува над самостојна држава, меѓународен субјект, тоа е катастрофа“, изјави Димитров.

Од влегувањето на балканските земји и Македонија во НАТО и ЕУ, многу зависи стабилноста на целиот регион - е заеднички став од Охридскиот форум, на кој некои од искусните политичари ја посочија како опција и референцата ФИРОМ за деблокирање на евроатланското интегрирање на земјава.

   

 

 

Новиот газда на шведската млекарница бизнисменот Моше Баум, отворил нова лична сметка во НЛБ - Тутунска банка, преку која почна да профитира.

Сите пари од продажбата на јогуртот и млекото од кога е сопственик, се слеваат на оваа негова сметка. Веќе инкасирал 250.000 евра, од кои 150.000 евра чист ќар за него. 100.000 евра платил само на тетрапак за амбалажата.

Ниту денар на сточарите кои попусто чекаат да почне да го отплаќа долгот.

„Цели фамилии пропаѓаат. Стадата пропаѓаат од глад. Немаат пари да ги подмират основните потреби. Државата мора да најде одговор каде се тие пари. Зошто самите производители да не си ги добијат. Нема причина. Ако некој направил криминал, има институции што ќе го решат тој криминал, и тука нема никаква двојба во тоа“, изјави Ефтим Шаклев, претседател на асоцијација на земјоделци.

Останува нејасно зошто Моше Баум отворил нова сметка, зошто не работи преку сметката на шведската млекарница, и зошто не започнува со отплата на долгот за кој на сточарите им вети дека до крајот на февруари ќе ги исплати целосно 4 те милиони евра.

Владата му овозможи влез во шведската млекарница само под услов да го врати долгот и да продолжи да работи. Сточарите се вчудоневидени од пасивниот однос на Владата и инспекциите.

„Криминал огромен, многу голем, како да гледаме. Не е да сме свесни каде отидоа толку многу пари за само една година постоење. Млекото се уште се презема, пари нема, не знаеме што понатака“, вели Оливер Јакимов, млекопроизводител с. Ерџелија.

Со секој ден, со секое ново литро млеко предадено од сточарите криминалот во шведската млекарница продолжува. Феникс енерџи ја плаќа само амбалажата за јогуртот и за трајното млеко која чини 9 денари за опаковка, а разликата до продажната цена на овие два производи му е чист ќар.

Парите од продажбата наместо на сметката на „Сведмилк“ одат во неговиот џеб. Ова сето се случува пред очите на владата и на јавноста.

-------------------------------------------------------------------------------------------

Дали од еден се влезе во друг криминал?!

Демек ја продадоа фирмата, ама на уште поголем криминалец. Човекот си отворил лична сметка, што да не е луд да дава и на другите, кога му се може сам да си го крка медот.

И ова ако помине неказнето од владата (кога веќе им гарантира на млекарите), навистина не знам што “гледаат“ слепците!