Вести

НЕОЧЕКУВАН ПРЕСВРТ ВО ПРЕГОВОРИТЕ МЕЃУ МИЛАН И МАНЧЕСТЕР СИТИ

Кака останува на Сан Сиро!

На задоволство на сите искрени љубители на фудбалот, а особено на навивачите на Милан, бразилскиот "волшебник" Кака останува на Сан Сиро. Управата на "росонерите" во понеделникот доцна навечер потврди дека нема да го продаде својот најдобар играч на Манчестер Сити и со тоа ги прекина сите шпекулации во врска со иднината на еден од најдобрите фудбалери на денешницата.
Скај Италија во понеделникот околу 22:30 часот објави дека преговорите меѓу европскиот гигант и англискиот премиерлигаш официјално се запрени во доцните вечерни часови и дека од најголемиот трансфер во историјата на фудбалот нема да има ништо. Во преговорите кои се одвиваа во Милано учествуваа таткото и менаџер на Кака, Боско Леите, директорот на Манчестер Сити, Гери Кук, и службениците на Милан. Неофицијално, Сити за фудбалерот на Милан пред крајот на преговорите понудил неверојатни 130 милиони евра и плата од 19 милиони по сезона во следните пет години, што значи дека Кака одбил вкупно 95 милиони. На договорот на двата клуба недостасувал само потписот на Кака, но поранешниот најдобар светски фудбалер уште еднаш & порачал на управата на Милан дека не сака да оди во Сити, па Берлускони немаше друг избор освен на навивачите на својот клуб да им каже: "Кака останува".
"Кака е непроценлив, едноставно не може да се продаде. Тој не е само феноменален фудбалер, туку и чесен човек на кого парите не му се с$ на светот. Беше поласкан од сето она што го слушна од навивачите во последните денови, никогаш не сакаше да го злоупотреби интересот од Сити за да н$ уценува за зголемување на платата. С$ што се случуваше последните денови по понудата на Манчестер Сити покажува дека парите не се с$ во фудбалот. Наша должност беше да го известиме Кака за понудата, како што направивме со Шевченко кога тој си замина во Челзи. Единствената разлика беше што оваа понуда беше значително повисока, но Кака одлучи да остане во Милан и јас поради сум енормно среќен", изјави Берлускони, кој во текот на викендот категорично тврдеше дека ќе го продаде Кака.
Во понеделникот вечерта пред домот на Кака во Милано се собраа околу 500 навивачи на Милан кои на тој начин само го продолжија притисокот врз фудбалерот и клубот да ја продолжат заедничката соработка. Кака излезе пред навивачите со својот дрес и со тоа сакаше да им порача дека нема шанси да се пресели во Англија.
"Ни на 30 секунди не помислував за заминување. Никогаш не ме интересираа парите, се чувствувам одлично во Милано, овде луѓето ме сакаат и среќен сум што сум овде. Многу работи беа напишани последниве денови, меѓу другото и за моите барања. Сакам да потврдам дека никогаш не сум го условувал своето останување со поголема плата. Да ја прифатеше Милан понудата од Сити ќе бев многу разочаран. Сакам уште еднаш да им заблагодарам на сите кои ми ја дадоа поддршката во последно време и се радувам на нашето дружење во иднина", им се обрати Кака на насобраните навивачи.
Од Манчестер Сити ги негираа информациите дека Милан се откажал од преговорите и додадоа дека англискиот клуб се повлекол поради несериозноста на претставниците на "росонерите".
"Поминавме неколку фази од преговорите, но луѓето од Милан воопшто не беа сериозни. Ние немавме ниту можност да преговараме со Кака иако од Милан излезе таква информација. Ние бевме мошне конкретни и навистина не разбирам од каде такво однесување од Милан", изјави Кук.
Со ова конечно е ставен крај на сагата што го забавуваше фудбалскиот свет во последните две недели. По она што се случуваше летоска со Роналдо и ова сега со Кака ништо чудно ако во јуни почне нешто слично со сосема трет фудбалер.

Робињо исчезна

Најверојатно исфрустриран од неуспехот при преговорите со Кака, Робиењо во понеделникот навечер исчезнал од тренинг-кампот на Сити на Тенерифе и никој од клубот с$ уште не може да го најде. Некои англиски медиуми шпекулираат дека отишол да го прослави својот 25. роденден, а други дека се вратил во Бразил, но дека претходно побарал дозвола од раководството на клубот.
"Јасно најавив дека морам да се вратам дома поради семејни причини. Сепак, ќе се вратам навреме за следниот натпревар од Премиер-лигата против Њукасл идната среда. Точно дека ме погоди неуспехот со Кака, но тоа нема врска со ова", наводно изјавил Робињо за Дејли меил.
Дирекоторот Кук негира дека Робињо побарал дозвола и додаде дека тоа е класично кршење на клупската дисциплина. Бразилецот е најдобар фудбалер на Сити оваа сезона и на 16 натпревари постигна 11 гола.

Циркусот се сели во Мадрид

Тукушто заврши сапуницата околу трансферот на Кака од Милан во Манчестер Сити кој на крај не беше реализиран, шпанскиот спортски дневник АС почна нова приказна која може да продолжи налето. Весникот објави изјава на Дејвид Бекам, кој наводно дал објаснување за неуспехот на Сити со тоа што Кака летово ќе се пресели во Реал Мадрид.
"Кака сака да се пресели во Реал, а не во Манчестер Сити. Мислам дека во јуни ќе стане играч на Реал, така тој ми рече", изјави Бекам.
АС додава дека Бекам веќе има добро искуство со предвидувањето трансфери затоа што пред повеќе од три години, додека беше фудбалер на Реал, најави дека неговиот тогашен соиграч Роналдо ќе стане нов член на Милан.

КАРЛО АНЧЕЛОТИ

Пресреќен сум што останува

Цело време откако почнаа преговорите за трансферот на Кака, тренерот на Милан, Карло Анчелоти, беше воздржан. Сега, кога ништо од тоа не излезе, тој е можеби најсреќниот човек во Милан.
"Конечно можам да здивнам, навистина сум пресреќен што на крајот пресуди срцето. Би сакал да му се заблагодарам на клубот, на претседателот Берлускони и се разбира на Кака. Не беше тоа едноставна одлука затоа што во игра беа големи пари. Веста за останувањето на Кака ќе ни биде дополнителен мотив да го стигнеме Интер и да ја освоиме титулата", изјави Анчелоти, чија екипа по првата полусезона има заостанување од шест бода во однос на Интер.