Универзален Живот - Прахристијани

Мајкл до сега беше доста коректен и објави десетина пати линкови кон разни текстови врзани со учењето на Универзален Живот.
Секој човек верува во она што самиот тој го распознава како вистина.

Благодарам Мајкл. Видов сега на првата страна дека си го објаснил ова.
Но кажи ми, што е за тебе она што те навело да поверуваш дека Исус би зборувал преку Габриеле? Овие остварени пророштва за катастрофите во природата или?

maria_magdalena напиша: Благодарам Мајкл. Видов сега на првата страна дека си го објаснил ова.Но кажи ми, што е за тебе она што те навело да поверуваш дека Исус би зборувал преку Габриеле? Овие остварени пророштва за катастрофите во природата или?

Не, не пророштвата за катастрофите. Такви предвидувања имало и преку други и порано. Бог само обопштено повторно опомена во, ако можам така да се изразам, 5 до 12. Ние сега живееме во времето кое е опишано во Јовановата Апокалипса - времето на крајот.

Првиот дел од прашањето го одговорив веќе на претходната страна. Одговорот знам дека е субјективен, но јас само таков умеам да ти дадам. Бог врз никого не врши присила, ниту пак Габриеле кој Тој ја нарекува своја пророчица и вестојавителка. Доколку сакаш, ти можеш самата да се информираш подетално и соодветно на тоа да си оформиш самата став, кој во основа треба да биде твој личен, слободен избор.

Majkl напиша: ... Драго ми е ако не гледаш на тоа зајадливо. ...

Да, не гледам зајадливо на тоа што го имаш изнесено. Работите, на коишто што гледам, како што велиш - зајадливо, ги редам во наводници.

Majkl напиша: Ќе сакаш ли да ни објасниш, во што е разликата помеѓу „пророчиците„ и „пророштвата“ и, може ли да им се верува!?

Мислев на двете спомнати пророчици (Габриеле и Вајт) и на нивните пророштва. Еве сега не ги редам во наводници. Поздрав.





Изменето од Miki_P - 11.Февруари.2009 во 14:58

Majkl напиша: ...Pa razliki ima mnogu... Na pr. Elen Vajt za vrven avtoritet ja smeta Biblijata - dodeka vo Univerzalen zivot ne e taka. Ponataka, Elen Vajt veli na pr. deka dush*te na ludjeto posle smrtta spijat(se vo nesvesna sostojba) do sudniot den. Nepravednicite ce voskresnale i so angelite na Satanata ce ja zaposednale planetata Zemja no Bog ce gi unistel so ognena topka. A posle ce voskresnale pravednicite i so Hrista ce bidat vo Carstvoto na Mirot. Spored objavite primeni preku Gabrielle dusite ne spijat do sudniot den. Posle smrtta na fizickoto telo, dokolku e dusha vrzana za Zemjata, ostanuva na Zemjata ili vo nejzina blizina. Inaku, dushata mozhe da zamine vo astralnite ramnishta(sostaveni od brojni planeti i dzvezdi) kade mozhe da otplaca grevovi, duhovno da sozreva, ili da stagnira. Od tamu, vece spored duhovniot razvoj i procistenost, taa ili prodolzuva vo tnr. podgotvitelni podracja za vlez vo Apsolutnosta(Nebo) ili se reinkarnira na Zemjata koga ce se sozdadat soodvetni uslovi za toa. Site dushi eden den ce se vratat vo Vechnata Tatkovina - tnr. Cisto Nebo. Satanata, prviot sozdaden zenski angel kapitulirase pod Isusoviot krst na golgota. Taa povece ne deluva protiv Boga, tuku pomaga vo vracanjeto na dusite doma. Demonite, nejzinite poranesni sledbenici, medjutoa svoevolno ostanuvaat bozji protivnici i cvrsto se drzat za svoite suludi ideji deka eden den ce go dosegnat i unistat Boga, a tie ce se pretvorat vo bogovi i nanovo ce go zapocnat sozdavanjeto. Hristos medjutoa trajno go onevozmozi toa so svojata zrtva na krstot. Ne postoi telesno voskresnuvanje od mrtvite. Voskresnuvanjeto e termin koj oznacuva asimilacija na materijata vo etericna svetlosna supstancija. Duhovnite bozestveni sili niz duhovnite atomi gi apsorbiraat materijalnite, i za telesnite oci stanuvaat nevidlivi. Ne znam dali ti go odgovoriv prasanjeto? Na prethodnata strana navedov vo sto prahristijanite veruvaat i vo sto neveruvaat - preku toa mozat da se napravat natamosni sporedbi.

Ти благодарам, пријателу, на исцрпниот одговор - задоволен сум од него.

spiros напиша: Мене лично ме интересира дали вашата пророчица габриеле е духовно свестна за тоа колку многу во текот на своето постоење таа се хранела (јадела) од живи битија (животни и растенија) и колку многу се хранеле (истите)од неа?

Габриеле пред продорот на Божјата Реч во нејзиниот живот не знаела ништо за духовните меѓузависности. Таа и како голем број други Германци од тоа време била просечен верник во Католичката црква и освен часовите по веронаука од училуште, читањето Библија, црковниот хор - немала некаков друг духовен живот и познавања, ниту пак имала прилика да чита езотерична литература или литература од други релииги.

Така, таа била и месојадец како голем број други луѓе. Кога Христос ја ословил преку внатрешната Реч таа тогаш, и уште некое време после тоа била месојадец. Но како таа се` повеќе и повеќе го живеела во пракса законот и поуките кои и биле објавени, така нејзината духовна свест созревала и се ширела и тоа автоматски влијаело на нејзиниот режим на исхрана, кој постепено и сосема спонтано се променил.

Христос во врска со тоа и објаснил:
„Оној кој моли за законито водство и поуки, нему ќе му биде одговорено. Немој да запаѓаш во фанатизам веднаш откажувајќи се од месо, колбаси и риба. Додека сеуште чувствуваш апетит за таква храна, држи се кон златната средина. Сепак не земај прекумерни количества. Ќе дојде време кога овој закон ќе започне поинтензивно да дејствува. Тогаш нема да имаш апетит за месо, колбаси и риба. Таа храна автоматски ќе биде редуцирана без твоето учество.„ - цитат од книгата„Некогаш духовно неукиот човек на патот кон Бога„(распродадена).

Кога ги спомна растенијата треба да се додаде дека лично Габриеле не е вегетаријанец, туку теранец(Теера=Земја). Таа нејзина лична исхрана не само што не содржи риба, месо, јајца, и без млеко и млечни прозиводи(тнр. веганска исхрана) туку вклучува само плодови кои природата доброволно ги дарува(на пр. она што самото ќе падне од дрвото на земјата). Тоа воедно ќе биде спонтаната исхрана кога човештвото длабоко ќе навлезе во Христовото Царство на мирот. Но многумина денешни прахристијани сеуште не се хранат така, туку се лакто-ово-вегетаријанци(јајца и млеко), лактовегетаријанци(без јајца ама со млеко), вегани(само растителна храна) но има и такви кои сеуште јадат повремено месо.

Никој не добива од Духот Божји наметнати инструкции за исхрана, кој како сака си се храни. Бог само дава добри совети и ги објаснува своите закони - ништо повеќе од тоа.

spiros напиша: - Исто така ме интересира која мака ве натерала да неверувате на Најсветото од сите свети писма?

Како кого... некого внимателното читање на самата Библија. Некого фактите на науката и критичкиот осврт на некои христијански теолози и филолози.

Да нема забуна! Во прахристијанската заедница не се вели дека целата Библија не чини. Туку дека од различни причини во некои книги се внесени за жал и човечки претстави, кои Бог не ги кажал. Тоа е една од причините зошто Бог реагирал и реагира денес преку пророкот за денешно време.

Кога станува збор за прифаќањето на Библијата како апсолутно чиста реч Божја, Габриеле во повеќе наврати отворено постави прашање:

„Што ни донесе речта на Библијата? Дали се луѓето среќни и задоволни, дали со помош на библијската реч стаана блиски до Бога? Дали со помош на Библијата станаа навистина браќа и сестри? Дали сите ние представуваме едно свесно единство со Бога, нашиот небесен Отец, или сеуште постојат граници помеѓу земјите? Зарем не се многу земји во меѓусебно непријателство? Дали сме во спокојство бидејќи го пронајдовме во себе Бога? Што сме ние всушност? Повторно го поставувам прашањето: што ни донесе речта на Библијата?„

spiros напиша: Најсветото од сите свети писма

Љубезно молам, без лутење но,: Тоа е според тебе најсвето(тоа си е твое право)! Според други, не е(а тоа е нивно право).

spiros напиша: - Дали е можно еден ден пророчицата така да влијае на своите членови, како тие во иднина и пракса не би ги квалифицирале другите христијани како грешни само заради нивната невегетерјанска прехрана и вера на Најсветото од сите писма - Библијата!

Габиреле не сака на никого да влијае, таа го почитува божјиот закон за слободна волја. Секој сам одлучува дали ќе верува дека навистина Христос и Бог се објавуваат преку нејзе или не. Исто така, секој кој што ќе прифати, може ако сака повторно да напушти и промени став без никаква обврска.

Верувањето во Библијата т.е. Светото писмо или начинот на исхрана не прават некого само по себе да е грешен ниту авотматски духовно напреден. Одлучувачко е што тој прави со духовното знаење кое го има, т.е. дали се труди постепено, чекор по чекор да го остварува.

Поинаку кажано, некој може да верува безрезервно во откровенијата кои стигаат од Небесниот свет преку Габриеле ама ако живее спротивно на истите, бадијала верува - таквиот прави лоша сеидба, и соодветно на тоа ќе може само лоши плодови да вкуси. Додека друг можеби не верува така, туку ја зема Библијата како реч Божја - но при тоа, морално-етичките начела(на пр. Десетте заповеди, Исусовото златно правило и сл.) што се изнесени таму ги живее во пракса, тогаш таквиот е далеку поблиску до Бога отколку првиот.

spiros напиша: п.с. Ние се сложуваме со фактот дека луѓето кои БОГА и Христа не го ставаат на прво место во животот, со својот начин на живот нанесуваат болка на сё што живее и затоа е неопходно таквиот живот (без надворешна присила и терор) да се промени!

Одлично! Ако го почитуваме навистина животот тогаш ќе престанеме да ги повредуваме не само луѓето, туку и животните, растенијата и минералните царства.

Кога во Универзален живот се зборува за вегетаријанство, не е целта другите кои јадат месо и риба да се осудат и омаловажат, туку да се освести и појасни информацијата дека животните кои се Божји створови, поради прехрамбените навики на луѓето мораат бескрајно да патат и умираат. Освен тоа таквата исхрана долгорочно земено, допринесува до оштетување на човековото тело од здравствен поглед и натамошни еколошки штети(загадување и исцрпуавње на води, шуми, полиња кои даруваат храна, воздух, течност и живот). Човекот би можел да се храни со плодовите на шумите и полињата што драстично би ја сменило сликата на овој хаотичен свет во кој живееме, и во и би го насочил кон подобро.

Мајки, германците до ден денешен неможат да се помират дека Спасителот (по мајка) е евреин (според пророчансвата на Писмото).

Истото тоа Писмо според верата на вистинските прахристијани е пишувано од БОГА преку (скоро сите) Еврејски пророци и Апостоли.

Баш тоа Писмо содржи и пророчанста за времето во кое живееме, ... времето на глобалните војни, глобални збиднувања и најразлични учења што забрануваат ...!

Воопшто не ме чуди што денес сеповеќе германци се откажуваат од верата и Писмото на кое безрезервно му веруваа луѓе како Дитрих Бонхофер и илјадници други анонимни германски браќа и сестри - кои како јагниња ги дадоја своите животи - и за со кои несум достоен да се наречам брат.

Воопшто не ме изненадува појавата на пророци и пророчици кои не ги разбираат нити еврејските, нити прахристијанските списи и затоа ги прогласуваат како неважни а информациите на своите христоси ги ставаат над сведоштвото на Апостолите и воедно вистинските прахристијани(претежно евреи)!

Денот доаѓа кога никој веќе нема да се сомнева на вистинитоста на очевидците Христови и секој ќе увиди дека пророчанствата кои Господ ними им ги предаде а се запишани во она Писмо кое секој од антихристијанската коалиција го негира,се потполно вистинити! .