Има ли Бранко граници?!

Светнаа рефлекторите во кино Милениум. Но не - не беше крај на филмска премиера, туку почеток на шоуто на претседателот. Откако ги најави темите на денешната, седма по ред, трибина, по острата критика кон власта го претстави концептот.

„Во следните час, час и половина, ќе се обидеме заедно со вас да расчистиме што е можно повеќе дилеми и да дојдеме до одговорот на одредени прашања кои заради својата важност со право ја преокупираат целокупната македонска јавност“, изјави Бранко Црвенковски.

Но, претседателот не критикува на празно. Кани гости, ги интервјуира, ги испитува нивните ставови, проценува дали се согласуваат со неговите.

„Ова се моите ставови, моите оценки коишто денес ќе ги ставам на една јавна проверка, на еден тест, на едно соочување со моите четири гости кои ја прифатија поканата да бидат учесници во денешната дебата“, изјави Црвенковски.

Но, улогата на домаќин на дебатен клуб, одлично му прилега на Црвенковски. Внимателно следи, внимателно прашува. Вистински новинарски дух.

„Господине Исмаил, би го почнал овој разговор токму со вас, барајќи ваше мислење на овие констатации што пред малку ги изреков и доколку го делите тоа мислење, каде ги гледате причините за тоа“, праша Црвенковски.

„Благодарам прво за љубезната покана да се придружам на овој настан. Иако вие го знаете моето мислење, парадоксално е во оваа земја дебатата за многу важни прашања да се случува на покана на претседател на република, којшто настан, се разбира, не излегува од неговите уставни надлежности, но е сепак парадоксално“, рече Исмаил.

Размислува ли можеби претседателот да премине во друга професија? Можеби и не случајно кани новинари на неговите трибини. Којзнае. Има предиспозиции: камера го сака, добар оратор е, се покажал низ времињата и како убедлив. Публика, пак, има од сите генерации. Ќе мора само да се потруди околу темите. Да не му заспијат гледачиве уморни од политика.

------------------------------------------------------------------------------------

Се исплашија новинарите дека Бранко ќе им го земе лебчето.

Текстот добро ме насмеа.

Си го замислив Бране како новинар на платен список на А1 како со микрофон во рака го чека Фрчко во заседа да му земе изјава и го прашува: “Господине Фрчковски, како претседателски кандидат,ем поранешен министер за внатрешни работи,  што имате да изјавите за атентатот врз Киро Глигоров?“