Вести

КОСТОВСКИ И КАМЧЕВ СО УЛТИМАТУМ ДО НАВИВАЧИТЕ

"Комитите" мора да заминат од Вардар!

По маратонските вчерашни состаноци меѓу Коста Костовски, Орце Камчев и Иницијативниот одбор за спас на клубот претставен во суштина преку "Комитите", последната информација од ФК Вардар е дека од страна на Орце Камчев, кој има 7 делегати во Собранието на клубот, и фамилијата Костовски, која располага со 15 делегати (преку групацијата "Гофи") е даден краен ултиматум до "Комитите" до недела, 15 часот, и дефинитивно да се повлечат од сите раководни структури во клубот и да ги отстапат своите седум делегатски места во Собранието на ФК Вардар.
Во спротивно доколку не се случи тоа, од понеделник (12 јануари) фамилијата Костовски преку групацијата "Гофи" како и Орце Камчев преку фирмата "Мода М" ќе се повлечат од ФК Вардар и ќе ги отстапат своите делегатски места на спорското друштво "Вардар" кое понатаму со "Комитите" ќе треба да го води клубот.
Тоа ќе значи дека "Комитите", според генералниот буџет на клубот, за пролетната сезона ќе мора да издвојат вкупно 350.000 евра за нормален тек на натпреварувачката активност.
Доколку, пак, "Комитите" не се повлечат од актуелното раководство истакнуваат дека сите обврски кон фудбалерите и клубот до 1. 1. 2009 ќе бидат комплетно подмирени, и на нив ќе им го препуштат натамошното раководење. Според Статутот во тој случај ќе мора одржување на Собрание во рок од 45 дена, што ќе значи пролонгирање на стартот на подготовките, неизвесен старт на шампионатот и нова генереална неизвесност за текот на целата година...

ИАКО ВО ТЕКОТ НА ВЧЕРАШНИОТ ДЕН СЕ ОЧЕКУВАШЕ СРЕДБА НА КОСТОВСКИ И КАМЧЕВ СО ФУДБАЛЕРИТЕ...

В понеделник се одлучува "судбината" на Вардар!

Нема крај на неизвесноста низ која моментално живее најтрофејниот македонски клуб, и покрај неколкуте варијанти кои реално деновиве опстојуваат како начин за негово идно функционирање.
И покрај тоа што во текот на вчерашниот ден беше најавена официјалната средба на инволвираните страни во раководството на Вардар, с$ уште актуелниот финансиер во оставка, потпретседателот Коста Костовски и бизнисменот Орце Камчев со фудбалерите на тимот од "Градски", сепак, како што дознавме истата е одложена за почетокот од следната недела.
Побарано е трпение од фудбалерите до понеделник кога и дефинитивно ќе се знае натамошниот раководствен изглед на клубот.
"Иако претходно бевме повикани, во последен момент ни беше кажано дека состанокот е одложен за понеделник кога прецизно ќе бидеме информирани за тоа што ќе следи понатаму", ни изјавија дел од вардаровите фудбалерите кои вчера го очекуваа состанокот со раководството, кое пак ја одложи средбата со нив поради интерните состаноци меѓу Костовски, Камчев и Иницијативниот одбор за спас, односно "Комитите".
На состанокот со фудбалерите, според нашите информации, уште вчера требаше да биде презентиран начинот на идно функционирање на "црвено-црните", но со оглед на фактот дека с$ уште нема дефинитивен договор средбата со фудбалерите е одложена. С$ уште актуелните финансиери, фамилијата Костовски, опстојуваат на својот став за повлекување од клубот, поради нападот од страна на навивачите во финишот од есенскиот дел.
"Не може да има соработка со т.н навивачи кои од една страна се дел од раководството, а од друга страна физички ги напаѓаат сопствените фудбалери", велат од с$ уште актуелното раководство на Вардар кои притоа дополнуваат дека деновиве се докомплетира документацијата за целосно подмирување на сите финансиски досегашни обврски кон играчите.
В.Булатовиќ

Нема старт пред 15 јануари
Нема старт на подготовките на "црвено-црните" пред 15 јануари. С$ уште е неизвесно кога и под чие водство ќе стартуваат зимските подготовки, меѓутоа јасно е дека тешко дека ќе почнат пред крајот на следната недела.
Најверојатниот старт се предвидува за 17 јануари, со цел до тогаш комплетно да биде разрешена дилемата околу новиот организациско-финансиски изглед.

Komiti sekogas so Vardar A za igraci i Uprava: Neka odat kaj sakaat!

Da, ama kako i da e sekogas i sekade odat kaj sto odi Vardar da go bodrat.

Koj go pravat ili koj go sramat klubot? Kako i da e site se usramija godinava!

Eden e Vardar Edni se Komiti

К. Роналдо со заштитен знак Р9


Тој откри дека е подготвен да ги пласира своите реквизити под логото со бројот на дресот што ќе го носи од лето во Реал (М)


Нема крај на шпекулациите за иднината на најдобриот фудбалер на денешницата и најголема ѕвезда на актуелниот европски и светски клупски шампион, Манчестер Јунајтед, Кристијано Роналдо. Колку и да изјавува дека сака по секоја цена да остане на Олд Трафорд, најтиражните спортски весници се убедени дека Португалецот на лето ќе се пресели во редовите на најтрофејниот шпански клуб, Реал (М).

Дека каде што има чад има и оган, покажува последната информација на Сан поврзана со новиот бренд на Кристијано Роналдо.
Презадоволен од продажбата на сите реквизити кои го имаат неговиот заштитен знак, Р7, репрезентативецот на Португалија, откри дека е подготвен да го лансира новиот негов заштитен знак Р9.

Ваквата информација беше доволна за најтиражниот спортски весник во Шпанија, Марка, кој е убеден дека таквиот потег е само најава дека Роналдо ќе се пресели на Сантијаго Бернабеу за време на претстојниот летен преоден рок и дека ќе носи дресот со број 9.
Освен што се подготвени да го урнат рекордот за најскапо платен трансфер, челниците на "кралскиот клуб" потврдија дека се подготвени на крилниот напаѓач да му понудат неделна плата од 220 илјади фунти.

Вандаир се враќа на "Градски", ама во Работнички!!!

*Можно е Бразилецот со македонски пасош да се врати на "Градски" и да го засили нападот на шампионот

Лесно би можело да се случи Дос Сантош Вандаир (28) во пролетниот дел да го предводи нападот на Работнички. Имено, на повидок е враќање на Бразилецот со македонски пасош на "Градски", но не во Вардар туку кај соседот, во Работнички. Оваа по малку неочекувана и сензационална вест проструи вчера низ клупските кулоари кај нашиот шампион, а дека има нешто ни беше потврдено и од највисоко ниво од клубот. Сепак, ни беше предочено дека с$ уште треба да се "работи" ако се сака да се реализира овој трансфер. Но ако се знае какви се релациите (тука се мисли на сите екс фудбалери на Вардар кои моментално играат меѓу "романтичарите") во Работнички тогаш не би требало да има проблеми. Само треба веројатно да се реализираат желбите на Вандаир.

Инаку, Дос Сантош Вандар во Македонија дојде во летото 2002 година, а Цементарница 55 му беше неговиот прв клуб. Тука се задржа само една година, а на "цементарците" во мај 2003 им ја донесе Куп титулата. Се пресели во Вардар каде освои титула, со успех играше во квалификациите во ЛШ, а потоа направи трансфер во Офенбах (Германија). Се врати меѓу "црвено - црните", освои Куп со Вардар за потоа повторно да замине во странство.
Прво во Навал (Португалија), потоа Пандурии (Романија) и на крај Варзин (Португалија).
Во случај да се реализира овој трансфер тогаш тим - менаџерот на Работнички Бобан Бабунски веројатно ќе го има можеби најдобриот напад во Лигата. Христијан Кировски, Душан Савиќ (са разбира ако останат), Сашко Пандев, Вандаир, Зе Карлос и др. се имињата од кои се очекуваат и тоа како многу голови.