Владо Бучковски

 

По донесувањето на пресудата, случајот ќе се најде пред Апелацискиот суд во Скопје, кој има неколку опции: да ја потврди првостепената пресуда, да ја преиначи (да ја зголеми или да ја намали казната), да ја врати на повторно судење или пак да одлучи мериторно. Последново се случило само два до три пати во историјата на македонското судство, така што речиси е невозможно Апелацискиот суд да отвори претрес и да донесе конечна одлука за случајот. Предвидувањата се дека Апелацискиот суд ќе ја потврди првостепената пресуда и дека со тоа предметот ќе се најде пред Врховниот суд на Македонија. Сепак, со оглед на тоа што и највисоката судска инстанца во земјава ретко одлучува мериторно, единствено што може да направи е да ја потврди или пак да ја укине пресудата и да ја врати на повторно одлучување.

Додека случајот да помине низ сите судски инстанци во Македонија, ќе помине најмалку половина година додека да се знае конечниот епилог. 

Надвор од судските институции, правна можност за вмешување во случајот има и претседателот Бранко Црвенковски, кој во секое време може да го аболицира од одговорност поранешниот премиер и министер за одбрана. Црвенковски има можност и да го помилува Бучковски, но ова може да се случи дури откако тој евентуално би почнал да ја издржува затворската казна во случај второстепениот суд да ја потврди пресудата. Партиски извори тврдат дека мала е веројатноста Црвенковски да се дрзне на било кој од овие два чекори со оглед на тоа што пред само неколку месеци од кривична одговорност го амнестираше Зоран Заев.

Бранко и се е можно!...

Би се дрзнал он уште еднаш...

Зависи како ќе пресмета...

Ќе му треба ли Бучко за следниот период...

Или може да го фрли како ислужена крпа...

Т.е. ќе си седи мадро... и ќе си гледа сеир...