ВИЗЕН РЕЖИМ - либерализација и укинување

ДИЛЕМА НЕМА – 2009- ТА МАКЕДОНЦИТЕ ВО ЕВРОПА БЕЗ ВИЗИ !

Дилемата кога Европската Унија ќе ги укине визите за македонските граѓани, е надмината. 2009 та дефинитивно е година кога Македонија ќе добие визна либерализација.

Ова за Сител го потврдија дипломатски извори од Брисел, по вчерашниот состанок на Директоратот за правда и внатрешни работи кој директно е задолжен за визната политика на Унијата.

СИТЕЛ дојде до заклучоците на работна група за Западен Балкан.

Во нив се вели: "Не постои задоцнување поради политички причини.

Извештајот за Македонија во голема мера е позитивен!

Тој ќе ја содржи истата референца како и стратешкиот документ,   а тоа е дека 2009 -та е година кога се очекува визна либерализација".

Првите луѓе на Унијата задолжени за оваа проблематика констатирале дека Македонија е најнапредна на Балканот, и дека сите крупни реформи за добивање на визна либерализација, земјава ги има исполнето.

Овие заклучоци ќе бидат дел од финалниот извештај на Европската Комисија кој официјално ќе биде објавен за два дена.

Извештајот прво ќе се најде пред европарламентарците, кои ако го одобрат, истиот ќе го гласа Советот на Европската Унија со двотретинско мнозинство.

Пред Унијата да ја донесе конечната одлука, во Македонија уште два пати ќе бидат испратени мониторинг групи, пред и по нова година, со цел да утврдат дали целосно се спроведени реформите, за Македонците без визи да се движат во Шенген зоната.

Поддршка за визна либерализација Македонија денеска доби и од Франција.

- Добивме уверување дека оваа рампа ќе се дигне и дека по Берлинскиот ѕид за македонските граѓани ќе падне и последниот ѕид во Европа, тоа е шенгенскиот ѕид – рече вицепремиерот Ивица Боцевски.

- Франција ја поддржува Македонија во процесот на визна либерализација и во наредниот период ќе вложиме напори за забрзување на овој процес и за донесување на одлука за ова прашање во следните 6 месеци – рече Жан Пјер Жуије – државен секретар за европски прашања на Франција.

Со денешната средба со Жуије, Боцевски ја заврши тридневната посета на Париз.

Vesta e od SITEL, taka da nisto ne e sigurno, nitu oficijalno.

Сме немале имиџ за шенген-визите

Македонија е на чело според реформите потребни за да ни се укинат визите, но Брисел би сакал тоа да важи за сите балкански земји



Македонија ќе биде под европски визен мониторинг во 2009 година и се чини дека ќе треба да ги чека своите соседи или барем некои од нив за да биде ослободена од визниот режим. Според комесарот за правда и внатрешни работи Жак Баро, нема причина за загриженост. Ги следиме патоказите и е утврден напредок во Македонија. Се оценуваат извештаите за сите земји и ќе видиме дали во 2009 година неколку земји ќе може да го користат олеснувањето, кое го постигнавме, но ќе видиме и дали можеме да одиме кон либерализација. Факт е дека ќе има мониторинг во 2009 година и можеби тој ќе ни дозволи да одиме кон слободен визен режим. Работите одат според предвиденото преку отворен дијалог со Македонија - изјави комесарот Баро по редовната средба на министрите за внатрешни работи на ЕУ, на чиј дневен ред не беше визното ослободување.

ЛИДЕР ВО РЕФОРМИТЕ

Чешкиот министер за внатрешни работи Иван Лангер, иден претседавач на ЕУ, по средбата истакна дека приоритет на чешкото претседателство ќе биде Балканот и дека ЕУ би сакала сите балкански земји да добијат либерализација на визниот режим.

- Македонија е на чело според реформите во оваа област, но ние би сакале сите балкански земји да пристигнат заедно - рече Лангер по редовната средба на министрите за внатрешни работи на ЕУ на која балканскиот визен режим не беше на дневен ред.

На прашањето дали тоа значи дека сите балкански земји треба истовремено да бидат ослободени од визен режим, а оние најнапредните да ги чекаат другите, Лангер вели дека секоја од нив има свој патоказ на реформи според кој работи, но дека би било добро да се дефинира временски период во кој секоја од државите би добила датум за старт на либерализацијата кој би опфатил рок од неколку месеци. Тоа би значело дека месец или два по Македонија визна либерализација би добила Србија, па по неа Црна Гора, потоа нешто подоцна Албанија и на крајот Босна и Херцеговина каде што реформите најтешко напредуваат.

Според Лангер, ЕУ се обидува да направи рамнотежа и комбинација помеѓу интересот и приоритетите на министерствата за внатрешни работи и министерствата за надворешни работи. Додека вторите политички веќе се согласуваат оти балканските земји треба да бидат ослободени од визен режим, нивните колеги од ресорите за внатрешни работи се далеку повнимателни затоа што токму тие се задолжени за безбедноста на своите земји и на шенген-зоната.

Според дипломатите, изјавата на Иван Лангер потсетува на процесот на олеснување на визниот режим. Сите балкански земји речиси во исто време почнаа преговори за олеснување, спогодбите за олеснување се потпишуваа според индивидуалниот напредок на секоја земја, но на крајот олеснувањето почна на 1 јануари 2008 година за сите балкански држави.

БАЛКАН БЕЗ ВИЗИ НЕ Е ОПАСНОСТ ЗА ЕУ

Високи европски функционери, меѓу кои и поранешниот координатор на Пактот за стабилност Ерхард Бусек, повеќепати им советуваа на министрите за внатрешни работи на балканските земји да воспостават тесни контакти меѓу себе, а потоа и со своите колеги од ЕУ бидејќи таквиот контакт е најефикасниот начин да им се пренесе вистинската слика за ситуацијата во регионот и да се даде гаранција дека Балканот без визи не е опасност за шенген-зоната.

Бриселски дипломат потсетува на постојната параноична атмосфера во ЕУ во однос на тероризмот и невработеноста истакната со економската криза и се' уште лошиот балкански имиџ во Европа. Тој смета дека Македонија и нејзините соседи премногу се потпираат врз ЕК, која е само една алка во синџирот на безвизниот режим.

- ЕК е вистински балкански сојузник во визната либерализација, престолнините на ЕУ и' веруваат и ја слушаат, но таа нема пресудно влијание врз министрите за внатрешни работи на ЕУ. Немам впечаток дека балканските земји доволно работеле на својот имиџ, ниту да ги уверат земјите-членки дека не само што не се опасност за ЕУ туку и дека се способни да придонесат за заедничката безбедност - вели дипломат.




Секогаш сме на чело и секогаш последни стигаме.

Безвизен режим за Македонија е остварлив и можен до крајот на 2009 година, но треба да се завршат уште неколку активности, меѓу кои се и  завршување на демаркацијата на границата со Косово и во чипот на пасошите да се вметне отпечаток од прстите...хехехехе...ова е најновата препорака од еврокомитетот...и кога ке ги исполниме овие услови што ќе биде следниот услов...отпечаток од што...?...може да претпоставиме...

Изменето од moira - 29.Ноември.2008 во 20:48

Укинувањето на визите приоритет за граѓаните

Укинувањето на визите, а не влезот во НАТО, се искачи на листата приоритети на македонските граѓани. Ова го покажа најновото истражување на јавното мислење на Институтот за демократија спроведено на крајот на минатиот месец кај над илјада испитаници.

За лично најважна работа македонските граѓани го сметаат симнувањето на шенгенскиот ѕид за што се изјасниле 45 проценти од испитаниците, потоа следи добивањето на датум за преговори со Европската унија со над 30 проценти од граѓаните, а само 18 проценти рекле дека приоритет им е влезот во НАТО.

Над 62 проценти од граѓаните гo поддржуваат потегот на Владата за поднесувањето тужба против Грција пред Меѓународниот суд на правдата.

На прашањето - доколку утре се одржат парламентарни избори за која партија би гласале - 27,8 проценти од граѓаните се изјасниле дека ќе ја поддржат владејачката ВМРО-ДПМНЕ, над 25 проценти се без одговор, а 21 процент не би гласал за ниту една партија.

СДСМ би добиле 10,2 проценти поддршка, а по нив се ДУИ со над 8-процентна поддршка, а потоа следува ДПА со 2,5 проценти.

http://www.a1.com.mk/vesti/default.aspx?VestID=101120

"Босањерос" нашол да збори за држава

vo 2010 minimum
so abdali ne se odi vo eu
pobrzo vo turcija ke ne odnesat