BREAKING NEWS......!!!

Повеќето од Грците сметаат дека се неубедливи во кревет, покажуваат резултатите од социолошкото проучување објавено во атинскиот весник „Катимерини“. Осумдесет и два отсто од Грците велат дека не сметаат оти се справуваат како што треба во кревет.

Најчестиот проблем кај Гркинките, пак, според резултатите од проучувањето, било намалената желба за секс. Таков проблем кај себе откриваат 30% од жените. За 68% од нив тие проблеми предизвикуваат загриженост, додека останатите Гркинки ги прифаќале како нормален дел од животот.

Симеон Серафимовски


Слики на загинати припадници на поранешната Ослободителна војска на Косово и фотографии од искасапени човечки тела, како и луѓе во униформи кои стојат над нив, беа поставени деновиве на популарниот македонски интернет-портал „Идивиди“. Фотографиите, проследени со шовинистички пораки, стоеја на форумот на интернет-страницата, дел од провајдерот „МТ нет“ на Македонски телекомуникации, неколку дена, а беа отстранети откако весниците „Време“ и „Коха“ се заинтересираа за нив. На страницата не беше објавено никакво објаснување или извинување за ставањето на содржините, а официјалните претставници на медиумот одбија да дадат официјален одговор. Анонимен корисник под корисничкото име ставил традиционални српски обележја. Покрај сликите со мртви тела стоеја пораки од типот „Нека се множат вакви“ (најверојатно мислејќи на загинатите), „Само мртвиот Шиптар е добар Шиптар“ или „Поздрав до мајсторите“, „Така им треба“. Голем дел од пораките беа поставени од самите читатели, иако форумот, според правилата, требало да биде модериран, а спорните содржини отстранети. Во „Идивиди“ неофицијално објаснуваат дека станува збор за грешка на модераторите кои се задолжени за контрола на содржините кои се објавуваат на форумот, но не можеа да објаснат како е можно таква грешка да се провлече толку долг период. Тие додаваат дека таквите инциденти е невозможно целосно да се спречат затоа што блокираниот корисник може да се пријави под друго корисничко име. Сепак, тие не тврдат дека им е извршен упад, туку дека повеќе станува збор за невнимание. Проблемот на злоупотреба на јавните простори на Интернетот е секојдневен за провајдерите, велат од еснафот. Сашо Мацановски од „Он.нет“ вели дека токму од тие причини нивниот веб-сајт нема свој форум, туку отстапува простор за блогови. - Ние ниту можеме, ниту, пак, сакаме да поставуваме кербери кои ќе контролираат кој што поставува на блогот. Сепак, имаме еден генерален „куќен ред“ и доколку содржината на одреден блог излегува од рамките на тој куќен ред, ние им го одземаме правото да постираат на нашата страница - вели Мацановски. Од Министерството за внатрешни работи, пак, велат дека за таквите случаи е задолжено нивното Одделение за компјутерски криминал, кое постапува по пријава на засегнат граѓанин или по добиен глас. Сепак, вели портпаролот на МВР, Иво Котевски, Министерството нема ингеренции да дејствува директно, туку предметите, заедно со кривичната пријава, ги доставува до Обвинителството, кое одлучува за натамошниот процес.

Тепачка на стогодишнината од албанска азбука