Молитва кон Пресвета Богородица

Колку е само тажно да се види до каде отишло величањето на Марија меѓу православните. Жал ми е што морам да констатирам дека во молитва која ја наведе Tetratka, Марија се велича повеќе од Христос. Би сакал да реплицирам на некои работи што миги проширија зениците на моите очи додека ја читав молитвата.

Tetratka напиша: Радувај се, преку Тебе им се проштаваат гревовите на мнозина!

Аман бре луѓе. Па дури и муслиманите, иако не го веруваат тоа, сепак знаат дека темелот на нашата вера е дека преку Христос се проштеваат гревовите на мнозина, а не преку Марија.

Tetratka напиша: Радувај се, преку Тебе се прости престапот; радувај се, преку Тебе се создаде рајот!

Преку Христос се прости престапот, а не преку Марија.
Рајот си постои уште пред Адам и Ева, далеку пред Марија да се роди на земјава.

Tetratka напиша: радувај се, Ти ги исполнуваш мрежите на рибарите!

Христос е Тој што ги исполнува мрежите на рибарите, а не Марија.
"Фрлете ја мрежата оддесно на коработ и ќе најдете.” И така, ја фрлија, и веќе не можеа да ја извлечат од мноштво риби" (Јован 21:6)

Tetratka напиша: Радувај се, Ти си кораб за оние што сакаат да се спасат; радувај се, Ти си пристаниште за оние што пловат во животот!

Христос е коработ за оние што сакаат да се спасат, а не Марија. Христос е пристаништето, а не Марија.

Tetratka напиша: радувај се, Ти си неисцрпна ризница на животот!

Бог е ризницата на животот, а не Марија.

Tetratka напиша: Радувај се, Ти си цврст столб на Црквата; радувај се, Ти си неразрушлив бедем на државата!

За Јаков, Кифа (Петар) и Јован во Светото Писмо е јасно кажано дека биле сметани за столбови, но вакво нешто не е кажано за Марија.
"Јаков, Кифа и Јован, кои беа сметани за столбови" (Галатјаните 2:9)

Tetratka напиша: Радувај се, огнен столбу, Ти ги водиш оние што  се во темнина;

Бог е огнениот столб кој ги води оние што се во темнина, а не Марија.

"Господ одеше пред нив, дење во столб од облак, за да им го покажува патот, а ноќе во столб од оган, за да им свети." (Излез 13:21)

Tetratka напиша: Радувај се, Ти си храна што ја замени манната;

Христос е храната (Лебот) што ја замени маната!

"Ова е лебот што слезе од небото. Не како што вашите татковци јадеа мана и изумреа, туку кој јаде од овој леб, ќе живее довека.”" (Исус Христос во Јован 6:58)
"Јас Сум живиот леб што слезе од небото." (Исус Христос во Јован 6:51)

Маната што Бог им ја даде на Израелците да ја јадат додека патуваа низ пустината беше Старозаветна претслика на Христос. Затоа и Христос го вели погоре, тоа што го вели.

Tetratka напиша: Радувај се, ветена земјо,

Во Стариот Завет ветената земја беше Израел, а во Новиот тоа е Небесното Царство. Значи Марија, ни тогаш, а ни сега не може да биде "ветена земја".

Tetratka напиша: Радувај се немолчешка уста на апостолите;

Што ли ви значи пак сега ова? Зарем апостолите зборувале постојано за Марија или за Христос? Ако Марија им била "немолчешка уста" на апостолите, тогаш зошто никој од нив не ја ни спомнал во своите посланија? Замислете, во ниту едно од посланијата на апостолтие не се спомнува ниту името на Марија, а овде некој ја велича како "немолешка уста" на апостолите. Немам зборови.

Tetratka напиша: радувај се, чистителко на целиот свет!

Христос, Христос, Христос, а не Марија не очистува од гревовите.

"Кој се даде самиот Себе за нас, за да не избави од секакво безаконие и да не очисти, та да Му бидеме народ избран, ревностен кон добри дела. " (Тит 2:14)

Аман бре луѓе. Па дури и муслиманите, иако не го веруваат тоа, сепак знаат дека темелот на нашата вера е дека преку Христос се проштеваат гревовите на мнозина, а не преку Марија.