Молитва кон Пресвета Богородица

Ете јас го испутувам духот со помош на Светото Писмо и заклучувам дека душата на блажената Марија нема таква функција да шета меѓу Велес и Скопје и да спасува луѓе што се клизнуваат од карпи. Светото Писмо ме учи дека таква функција имаат ангелите, но не и душите на починатите верници. Затоа те замолив да ми дадеш некаква информација каде можам да го најдам тоа дете, бидејќи и самиот кажа дека тоа е современ настан, а и многу блиску до местото каде што јас живем. Па затоа мислам дека не е на одмет да се стапи во контакт (ако е можно) со тоа дете и се дознае повеќе информации за чудото.
Значи, ако не си прочитал никаде за тоа нешто, можеш ли да ни кажеш од каде си слушнал или од каде би можеле ние да дознаеме повеќе информации за тоа чудо. Сепак станува збор за чудо од комшии нели?

Во еден град близу до Рим живеел некој судија, кој материјално бил многу богат, а со душевни добрини многу беден, бидејќи правел секакви гревови и блудства. Меѓутоа, имал голема почит кон света Богородица и помагал на сиромаси. Освен тоа, имал и добар обичај: кога требало да оди на пат, прво застанувал пред иконата на Мајката Божја и Ја молел да го чува од секое зло, поради што ѓаволот многу му завидувал.
Еден ден, откако се помолил по обичајот, излегол со коњ да се прошета надвор од градот, заедно со други богати луѓе. Кога преминале една длабока река, ѓаволот го уплашил коњот на судијата. Скокнал коњот и го фрлил судијата во водата, па потонал и се изгубил. Неговите другари кога го виделе тоа, многу се натажиле и плачеле, мислејќи дека се удавил, па се вратиле во градот да ги известат неговите роднини за станатото и да се подготват за погреб. Но брзата помошница на христијаните го избавила од душевна и телесна смрт. Тој, кога паднал во реката, извикал: „Помогни ми, Мајко Божја!" и потонал на дното. А Мајката Божја тој час се нашла таму, го фатила за косата, го извадила од водата и го однесла во неговиот дом, велејќи: „Ете, остана жив и здрав и отсега натаму немој повеќе да правиш гревови, но благодари Му на Бога и прави добри дела за да си ја спасиш душата". Домашните кога го виделе така воден и полумртов, се зачудиле. А тој се уште не можел да дојде на себе и да разбере каде се наоѓа.
По некое време, дошле другарите, кои се вратиле за да известат за него и кога го виделе дома жив, се исплашиле и многу се зачудиле. Тој им кажал се што се случило со него и сите Го прославиле Бога и света Богородица. Тогаш владиката ги собрал сите христијани во градот и отслужиле во црквата благодарствен молебен во чест на света Богородица. Судијата се откажал од службата, го напуштил домот и жена му, се покајал, отишол во еден манастир и се замонашил. Таму и служел на света Богородица и наследил Царство небесно, за кое сите треба да се труднме, да го добиеме. Амин.

п.с. Книгата од дедо Гаврил со чудата на Пресвета Богородица ги има на интернет, не знам колку е во согласност со правилата на форумот да се линкува сајтот? Модератори?

A kade e toj link, Makarios?

Da, osven toa ne bi go zloupotrebile so pastiranje citati, chisto za licna upotreba...

A be ova se religiozni casopisi koj za da go zgolemat tirazot pisuvaat i po nesto ekskluzivno.

Св. Силуан Светогорец (1866-1938) за БОГОРОДИЦА

Мајката Божја никогаш не погрешила, ниту со една своја мисла и никогаш не ја губела благодатта, но и таа поднела големи маки овде на земјата. Нејзината болка додека седела под крстот била безмерна како океан, а нејзините душевни страдања биле неспоредливо поголеми од оние на Адама, после протерувањето од рајот, затоа што и љубовта на Мјаката Божја била неспоредливо поголема од Адамовата љубов во рајот. Таа можела да ги издржи сите тие страшни страдања само затоа што ја крепела силата Господова. Господ сакал таа да го види и Неговото воскресение, та по вознесението да остане како утеха и радост на апостолите и штотуку родените христијани.

Ние не можеме да го достигнеме совршенството на љубовта на Мајката Божја и затоа не можеме да ја сфатиме нејзината болка. Љубовта на мајката Божја била совршена. Таа бескрајно го љубела Својот Син и Бог, а исто така ги сакала и луѓето. Што се она преживеала кога луѓето, кои толку многу ги љубела и на кои им сакала се надјдобро, Го распнале нејзиниот драг Син? Ние ова не можеме да го разбереме, затоа што малку го љубиме Бога и ближните.

Многу чуда и дела на мислоста сум видел од Господ и Божјата Мајка. Еднаш, како млад послушник, се молев пред иконата на Мајката Божја и Исусовата молитва се всели во моето срце и почна сама од себе да се врши. Еднаш, пак, во црква за време на читањето од светиот пророк Исаија кај зборовите: Измијте се и очистете се (Ис. 1,16) помислив: „Можеби и Мајката Божја некогаш згрешила, макар само и со мисла“. И гледај, во срцето заедно со молитвата почуствував јасен одговор:„Мајката Божја никогаш не згрешила, дури ниту со помисла“. Така Светиот Дух во моето срце посведочи за нејзината чистота.

Љубовта на Богородица била посилна и попламена од љубовта на серафимите и херувимите, и на неа и се восхитуваат сите небески сили, ангели и архангели. О, кога би знаеле колку Пресветата ги љуби оние кои ги исполнуваат заповедите Христови и како жали и тагува за оние кои не се поправаат. Ова лично го имам почуствувано. Таа благоизволи да ме посети и да ме вразуми веќе да не грешам, велејќи: „Тешко ми е кога гледам што правиш“. Поминаа повеќе од 40 години, но не можам да ги заборавам тие зборови и не знам што јас, грешниот, би и дал за таа нејзина љубов спрема мене, нечистиот, и како би се заблагодарил на благата и молостива Мајка Господова.

Мајката Божја живее на небото и непрестајно ја глада славата Божја, но не не заборава ниту нас, бедните, и со своето милосрдие ја штити сета земја и сите народи. Таква Пречиста Мајка Своја ни дарува Господ. Таа е наша радост и потпора. Таа е наша Мајка по дух и блиска ни е како човек по својата природа.