Христијанска Убавина

Епа кога православните, муслиманите и протестантите си отворија свои теми за убавината на својата вера, дозволете и ние христијаните да си отвориме тема за нашата христијанска убавина

Една од убавините на христијаните е Божјиот Збор и Неговите прекрасни, преубави ветувања кои што се содржани во него. Јас посебно би ги истакнал Псалмите, таа прекрасна библиска поезија со која Бог се славел уште од времето на Давид, пред него, па и до ден денес. Јас би започнал со Давидовиот Псалм "Господ е мојот Пастир"

 

ГОСПОД е мојот Пастир

  ГОСПОД е мојот Пастир,
  ништо не ќе ми недостига!

  На зелени ливади ме успокојува,
  крај тивки води ме поведува,
  душата ми ја заживува.

  По патеките на праведноста ме води,
  заради Името Свое.

  Па и низ долината на смртната темнина да одам
  - од злото нема да се плашам,
  зашто Ти си со мене.
  Твојата палка и Твојата тојага
  се спокојство мое.

  Приготвуваш пред мене трпеза да стои,
  пред очите на душманите мои!
  Миро ми излеваш врз главата,
  а мојата чаша се прелева!

  Да, добрина и љубов ќе ме следат
  низ сите дни на мојот живот;
  и јас ќе живеам во Домот ГОСПОДОВ
  во век и веков!

Една од христијанските убавини исто така е и Божјото делување во животите на христијаните. Нема христијанин кој не ужива да слуша некое искрено сведоштво за тоа како Бог трансформирал нечиј живот, се разбира на подобро. Христијанството е вистинска ризница на вакви животни приказни. Меѓу нив ќе најдете некои кои порано биле непоправливи крадци, лажливци, манипулатори со луѓе, а сега не им ни текнува да посегнат по нешто туѓо, се трудат да говорат само вистина и да живеат чесно. Меѓу нив ќе најдете и некои што боледувале од тешки болести и оздравеле со помош на силни (свои или застапнички) молитви. Некои пак биле зависни од пороци (пр. дрога), па откако поверувале, Христос им дал сила да се ослободат од канџите на тој порок. Некои од нив биле проститутки, хомосексуалци и сл., но сега се во брак и ја негуваат светоста на бракот. Не, никој од овие не станал безгрешен човек, но сите овие сега го мразат гревот, се срамат од своите постапки, а се фалат со Бог Кој ги променил и Кој континуирано ги менува и усовршува да живеат подобар, поморален и посвет живот.

Изменето од EvAngelos - 26.Јуни.2009 во 17:03

Еве нешто што мене многу ми се допаѓа и кое сметам дека треба да биде основа на нашиот христијански духовен живот.

ПОКАЈНА МОЛИТВА - Псалм 50

Помилуј ме, Боже, поради големата Твоја милост, и заради големата Твоја добрина избриши ги безаконијата мои.

Измиј ме од моето беззаконие и очисти ме од мојот грев, зашто беззаконето мое го знам и мојот грев е секогаш пред мене.

Пред Тебе Единствениот згрешив и пред Тебе зло извршив, за да бидеш праведен кога ќе пресудуваш и да победиш кога ќе судиш.

Ете, во беззаконие сум зачнат и во грев ме роди мајката моја.

Но Ти ја засака вистината во срцето, и внатре во мене ми ја објави непознатата и тајната премудрост Твоја.

Пороси ме со исоп, и ќе бидам чист измиј ме и ќе бидам побел од снег.

Дај ми да чујам радост и веселба, и ќе се зарадуваат коските мои ослабнати.

Сврти го лицето Свое од гревовите мои и избриши ги сите мои беззаконија.

Создај чисто срце во мене, Боже, и дух вистински обнови во мене.

Не отфрлај ме од лицето Свое и Светиот Дух Твој не одземај Го од мене.

Врати ми ја радоста, спасувајќи ме и со Својот моќен Дух зацврсти ме.

Беззакониците ќе ги научам да одат по Твоите патишта, и безбожниците кон Тебе ќе се обрнуваат.

Избави ме од крвта, Боже, на моето спасение, и јазикот мој ќе се зарадува на Твојата правда.

Господи, отвори ја устата моја, и устата моја ќе ја објави похвалата Твоја;

оти, да сакаше жртва, јас ќе Ти ја принесев; но сепалениците не ги сакаш.

Жртвата пред Бога е смирен дух; срце понизно и смирено Ти, Боже, не отфрлуваш.

Господи, направи му добро на Сион, според благоволението Свое, воздигни ги ѕидовите ерусалимски.

Тогаш ќе ти бидат угодни жртвите на правдата, вознесувањата и жртвите сепаленици; тогаш на Твојот олтар ќе принесуваат телци.

Еве уште едно убаво ветување од Бог:

EvAngelos напиша: Епа кога православните, муслиманите и протестантите си отворија свои теми за убавината на својата вера, дозволете и ние христијаните да си отвориме тема за нашата христијанска убавина ...

Евангелосе, немам коментар по однос на темава, само имам една (процедурална) забелешка во твоето изразување!
И православните и протестантите (како и повеќе други кои не си ги набројал) се христијани. Затоа не го присвојувај терминот „христијани“ само за себе и за твоите истомисленици. Мислам дека не е фер, нели? Би било подобро да кажеш на кои од христијаните мислиш.

старец Софрониј

Кога сме собрани сите заедно, должни сме да бидеме како eден човек,
според образот на Троичниот Бог, Кој е само Еден Бог!
Ова не можеме да го постигнеме, освен преку примањето на Светиот Дух во себе.
Доколку имаме внатрешно безредие на нашите лоши помисли,
напорите ќе ни бидат безуспешни.

Како да се здобиеме со оваа благодат?
Како да живееме, та Бог и Неговиот Свет Дух да се вселат во нас?
Треба да бидеме послушни!

Само ако постојано внимаваме на нашиот брат, успеваме да создадеме во нас еден вид радар,
за да го почувствуваме она што другите го мислат, нивната волја и нивната духовна состојба.
Наспроти тоа, без послушание, особено ако прво го бараме нашиот спокој,
ќе бидеме одделени од другите и ќе бидеме несложни.

Изменето од Maran Ata - 01.Ноември.2008 во 05:32

1 Давидов псалм. Благословувај Го Господа, душо моја, и си што е во Мене: Неговото свето име!

2 Благословувај Го Господа, душо моја, и не заборави ги Неговите добротворства:

3 Тој ги проштава сите твои гревови, Тој ги исцелува сите твои болести;

4 Тој ти го спасува животот од распадливост, те овенчува со добрина и љубов;

5 Ти го исполнува животот со добрини, твојата младост се обновува како на орелот.

6 Господ прави праведни дела, и на угнетуваните им ја враќа правдата,

7 на Мојсеј му ги објави Своите патишта, на Израелевите синови Своите дела.

8 Жалостив и милостив е Господ, долготрпелив и многу милостив.

9 Не е јаросен за вечни времиња, ниту Неговиот гнев пламнува довека.

10 Не постапува со нас според нашите гревови, ниту ни плаќа според нашите беззаконија.

11 Зашто колку е небото високо над земјата, толку е голема Неговата милост кон оние што се бојат од Него.

12 Колку е исток далеку од запад, толку ги оддалечува од нас нашите беззаконија.

13 Како што таткото ги милува синовите, така Господ ги милува оние, кои се бојат од Него.

14 Зашто знае добро како сме создадени, си спомнува дека сме прав.

15 Човековите денови се како трева, цветаат како полски цвет;

16 штом ветерот ќе го допре, и веќе го нема, ни неговото место не го помни.

17 Но Господовата љубов е вечна над оние кои се бојат од Него, и Неговата правда над синовите на синовите,

18 над оние што го чуваат Неговиот завет, и ги помнат Неговите заповеди, за да ги исполнат.

19 Господ го постави Својот престол на небо, и Неговото Царство владее над си.

20 Благословувајте Го Господа, сите Негови ангели, вие моќни во силата, кои го исполнувате Неговиот збор, послушни на гласот од Неговото слово!

21 Благословувајте Го Господа, сите Негови воинства, Негови слуги, што ја исполнувате Неговата волја!

22 Благословувајте Го Господа, сите Негови дела, во секое место на Неговото владеење! Благословувај Го Господа, душо моја!


Псалм 103


Изменето од AlDra - 05.Ноември.2008 во 16:06