Молитва кон Пресвета Богородица

МОЛИТВА КОН ПРЕСВЕТА БОГОРОДИЦА




МОЛИТВА КОН ПРЕСВЕТА БОГОРОДИЦА
РАДУВАЈ СЕ БЛАГОДАТНА, ГОСПОД Е СО ТЕБЕ!

О семилостива Мајко и помошничке на
Христијаните! Тебе ти се радуваат
ангелите и ти служат архангелите!
Радувај се утехо на нажалените и палко
на слепите, помошничке и застапничке на
твоите слуги!
Радувај се, свет престолу, седиште на
Севишниот!
Радувај се, красна палато на Царот на сето
создание!
Радувај се, златна кадилнице на твојот
Творец!
Радувај се, владичице Марие, златен
Столбу!
Радувај се, солнечен престолу на
небесниот Цар, Дево света и непорочна!
Зачувај ме под твоја закрила мене што ја
носам и читам оваа молитва. Во твои раце ја
предавам мојава душа. Удостој ме изобилно да се
умножи мојата правда, та да влезам во
Царството Небесно, по зборовите на нашиот Бог
и Спасител Исус Христос.
О Пресвета Дево Марие и непорочна
Владичице, столбу и тврдино на верата! Радувај
се Невесто неневесна!
Радувај се, непорочна Мајко безмажна,
која во својата пречиста и безгрешна утроба го
носеше Носителот на небото и земјата и на се`
што е на нив!
Биди ми помошничка и застапничка на
мене – твојот слуга, зачувај ме во животните
грижи на овој свет и сите противни околности.
Подари ми долг век и продолжи ми го животот
како некогаш на Езекија, исполни го со земни
добра, во слава и чест на твоето пресвето име, да
ти пеам и да те славам секогаш.
О Владетелке на ангелите и Господарке на
мирот со својата утроба поширока од небесата.
Радувај се благодатна, Господ е со тебе!
Госпоѓо на госпоѓите, Светињо на
светињите, почесна од херувимите и серафи-
мите, покриј и зачувај ме!
Радувај се, саду златен што манна носиш!
Радувај се, Дево Марие, помошничке на
Грешниците и горо цврста!
Радувај се, пресвета палато на највисокиот Цар-
Христос!
Радувај се, цвету на мачениците и патријарсите!
О Марие, Пресвета Дево што небото го
покриваш со облаците на раѓањето од својата
утроба на еден од Света Троица; Христос нашиот
Бог, помогни ми мене – твојот слуга, и закрепни ме
со чесниот и животворен крст на твојот Син,
упатувајќи ме на правиот пат на спасението.
О свети ангели и архангели Михаиле и
Гавриле и свет ангелу чувару на мојата душа,
помогнете ми мене грешниот.
Чиста и Пресвета Дево и Владичице
Богородице, надеж на сите безнадежни, славна
како сонцето и преблага, повисока од небесата и
почиста од сончевите зраци, почесна од херуви-
мите и неспоредливо пославна од серафимите,
очекување на сите праотци, славо на пророците,
пофалбо на апостолите и радост на на сите маче-
ници, преподобни и испосници; веселбо Авраамова,
Исаакова и Јаковова; руно Гедеоново; убавино
Мојсеева, Ааронова и на сите светители; златна
кадилнице и свеќнику светлоносен; саду што
манна небесна носиш, животу на Божјиот Закон,
Царице моја сефална, најсвет престолу; утехо на
расплаканите, Пречиста Трирачице, водителке на
сите христијани, Пресвета Дево.
О капино несогорлива, сместувалиште,
процветан жезлу Ааронов, зашто од
тебе, како од Аароновиот жезол процвета твојот
Син Христос Избавителот, потомок од коренот
Давидов, нашиот Бог Творец и Седржител вишен
и единствен добротворец.
Ти како девица го роди Бога Словото и по
раѓањето остана девица, зашто Христос Бог и
Творец со своето бессемено воплотување од твоја-
та утроба го зачува твоето девство неповредено
и не` помири со Бога Отецот.
Ти си помошничка на беспомошните и грешните.
Ти си тивко пристаниште на бурното море, утеха
на светот и брзо ослободување на затворените.
Ти си лекарка на болните и спасение на светот.
Ти си тврдина на монасите и надеж на оние што
од животни грижи се опфатени.
Ти си трпение, жаштита ипокров на вдовиците.
Ти си пофалба, венец и убавина на девојките, о
девојко чесна!
Владичице, Царице и Госпоѓо моја, покриј
ме со твојот покров и зачувај ме, да не се пофали
над мене сатаната убиец и да не ме победи мојот
враг.
Помилувај ме мене бедниот и нечист, кој
со многу гревови го разгневив мојот Творец и Бог,
Судијата и Творецот на сите. Зашто Ти Пречи-
ста си мое пристаниште, помошничка и зашти-.
тничка. Прибегнувајќи под твојот покров , Влади-
чице, ти припаѓам, Сеславна и ропски повикувам,
молејќи ти се со солзи; мојот Пресладок Исус-
Творецот на се`, заради моите многу сторени гре-
вови, да не ме пресече недостоен и неподготвен.
Те молам Пречиста, да дојдам кај мојот
Христос и да влезам во дворот на праведниците,
каде што нема ни невоља, ни тага, ни мака, ни
опасност, туку е вечна радост, наслада и уживање
со праведниците, убавина и вечен живот без крај,
сладост и радување, слава и светлина во друштво
на ангелите.
Пресвета Дево, удостој ме мене
смирениот твој слуга, да се избавам од страстите
и од секој грев, и исполни ја мојата уста со бла-
годат, Најслатка, и просветувајќи ја мојата душа,
израдувана, придвижи ја мојата уста и јазикот, со,
радосна душа и усрдно срце да ја пеам оваа
ангелска песна, со која Гаврил те поздрави:
Радувај се, Дево, најблажена меѓу жените!
Радувај се, звездо пресветла, Мајко Дево!
Радувај се, ти што го роди Царот на сите!
Радувај се, ти што ја запали светлината на правдата!
Радувај се, Госпоѓо Владичице, повисока од сите!
Радувај се, миру и радост на целиот свет и спасение!
Радувај се, радост на целиот човечки род!
Радувај се, проповед и слово на сите пророци!
Радувај се, пофалбо на апостолите и добрино на мачениците!
Радувај се, радост и веселбо на праведниците!
Радувај се, венецу на воздржанието на преподобните и умилна песни на монасите!
Радувај се, најјасна песно на сите поети!
Радувај се, избавителке моја од погубна смрт!
Радувај се, избавителке моја од најтежок земјотрес!
Радувај се, најславно чудо на вселената!
Радувај се, насладо и украсу на сите луѓе!
Радувај се, рају сладок и бесмртен!
Радувај се, карпо на верните и спасение на сите луѓе!
Радувај се, тивко пристаниште, избавување од животните бури!
Радувај се, безбедност на сите умрени!
Радувај се, пофалбо на твоите смирени слуги!
Радувај се, радост и прибежиште на грешниците и туѓинците!
Радувај се, помошничке и утехо на повредените!
Радувај се, застапничке моја во денот на Судот!
Радувај се, Пречиста, многусветол дену на моето просветување!
Радувај се, Чиста, што ја згази главата на змијата од која потекна злото!
Радувај се, ти што окованите ги ослободуваш од адските ланци!
Радувај се, ти што на светот многу радост му донесе!
Радувај се, причинителке на спасението на целиот свет и славо!
Радувај се, најопеана наша заштитничке и покровителке!
Радувај се, Владичице потпоро на верните цареви!
Радувај се, ти што на владетелите слава им даваш!
Радувај се, славо и радост на свештениците!
Радувај се, ти што рајските двери ги отвори!
Радувај се, ти што тагата ја пресече и радост донесе!
Радувај се, ти што ја исцели тагата на нажалените!
Радувај се, клучу од небесното Царство Христово!
Радувај се, сигурно пристаниште и надеж доверлива!
Радувај се, помошничке на сите Дево Богородице!
Радувај се, светлино на Пресветиот, што светот го просветуваш!
Радувај се, Мајко на Христос Бог, Синот на живиот Бог!
Радувај се, покрове и радост на сите луѓе, ти што во утробата
ја носеше надежта на сите умрени!
Радува се, ти што во утробата го смести Безграничниот!
Радувај се, ти што со млеко го хранеше Христа животодавецот,
мојот милосрден Бог и Творец!
Радувај се, ти што храниш Хранителот на сите-мојот штедар Човекољубец
и Седржител, Кому му припаѓа секоја слава, чест и поклонување,
со беспочетниот Отец и пресветиот, благ и животворен Дух негов,
сега и секогаш и во вековите на вековите. Амин.
ПО ЗАВРШУВАЊЕТО , ОВОЈ ВОСКЛИК
СО ПОКЛОН ДО ЗЕМЈА:
О Пресвета Госпоѓо, Владичице Дево Богородице,
прими ја мојава недостојна молитва и
зачувај ме од нагла смрт и пред крајот дај ми покајание (три пати)
Богородице Дево, радувај се благодатна Марие Господ е со тебе.
Благословена си ти меѓу жените и благословен е плодот на твојата утроба,
зашто си го родила Спасителот на душите наши.
Богородице Дево, радувај се благодатна,
зашто телесно во утробата го носеше Синот Божји;
Радувај се оти го роди,
Радувај се, оти мудреците му се поклонија,
Радувај се, оти Христа по три дена си го пронашла во храмот,
Радувај се, оти Христос воскресна од мртвите и се вознесе на небесата,
Радувај се, оти ти самата на небесата си земна,
Радувај се, оти тебе сите небесни жители ти се послушни.
Радувај се, оти се` што сакаш можеш да направиш.
Радувај се,
Оти блиску си до пресвета Троица.
Радувај се, Благодатна Марие, Господ е со тебе.
ТРОПАР, ГЛАС 6
Пресвета Владичице, под твоја заштита припаѓаме сите,
и те молиме ние недостојните,
побрзај и избави го ова место и овој град од секоја невоља
и нагла и погубна смрт, зашто знаеме дека можеш се` што сакаш.
Владетелке на светот и Господарке на сите, Благодатна, послушај не` нас што се молиме!
Пресвета Владичице и застапничке на светот, ангели, архангели,
апостоли, блажени, Претечо Христов Јоване, свети четириесет маченици,
првомаченику Стефане, Викторе, Мино и Викентие, Теодоре, Димитрие и
победоносецу Георгије, со Атанасиј Велики и Григориј, премудар Златоусте
со Николај, молете се за нашите души.

Аууу ама си бил брзззз.. да да јас сум таа the Nya хаха, знаев дека ќе ме препознаеш, иако мина доста време од кога не сме се допишувале.
Интересни коментари. Ако, тоа и сакав да го видам од тебе :) Затоа и ја отворив оваа тема, за да размениме мислења околу молитвата кон Пресвета Богородица. Сега немам време, но ќе ти одговорам на коментарите и јас тебе но со моите ножички, едно по едно хаха ;)
До следно видување срц мрц прц :***

аман бе доста се фаќате за влакно срамотае кога се вели дека Богородицџа немала маж се мисли дека не општела со него зошто и во светото писмо е посведочено дека јосив немал односи со богородица дај нешто паметно коментирај ова веке е видено и бајато

Во една објава примена преку божјата пророчица и вестојавителка за денешното време, се објави серафимот на божественото милосрдие(една од чуварките на законот), нам на луѓето позната како Марија, телесната мајка на Исус од Назарет.

Во таа објава таа објасни дека својата мисија веќе ја завршила на Земјата(овозможи вплотување на Христос во Исус и грижа за него како дете) и воедно замоли луѓето да не и` се молат и не ја чествуваат нејзе бидејќи само на Бога му припаѓа сета слава и почест, а Христос е нашиот водич кон Бога.

Овој коментар нека не биде сфатен од верниците како навреда туку само како пренесена инофрмација, а Бог секому дал слободна волја како ќе се однесува, така и на сите верници.

spiros напиша: Мајкл, кој за тебе има поголемо значење во однос на спасението: Марија ДЕВА или пророчицата на верската заедница на која и припаѓаш ти? Ти благодарам однапред за одговорот

Ниту едната ниту другата.

Христос е Патот, Вистината и Животот! Никој не доаѓа кај Небесниот Отец(Бога) освен преку Него.

Пророците само ја одржувале комуникацијата помеѓу Бога и луѓето и укажуваа на оној кој е Патот, Вистината и Животот: Христос Божји! Доколку луѓето ги исполнуваа Божјите закони низ времињата, ќе немаше потреба од пророци, бидејќи самите луѓе би станале Реч и Закон Божји а со тоа и тие би имале директна комуникација со Бога и Христа!

Изменето од Majkl - 25.Октомври.2008 во 17:02

Молитва ми Богородици, Спасе спаси нас!

Vetil напиша: IZVOREN no vidovme deka po molbata na MARIJA Isus ja pretvori vodata vo VINO...taka da i nie i se obrakjame nejze da se pomoli za nas nedostojnite.. Bogorodice devo, raduvaj se Blagodatna Marije Gospod e so Tebe.Blagoslovena si ti megju zenite i blagosloven e Plodot na tvojata utroba zasto si go rodila SPASITELOT na dush*te nashi.. OVA E OD SVETOTO PISMO!!! PRVIOT DEL E OD ANGELOT, VTORIOT OD ELISAVETA..(na site jasno) I PO ZBOROVITE NA PRESVETATA VLADICICA NASHA KOJA RECE "OD SEGA KJE ME UBLAZUVAAT SITE RODOVI" O TEBE RADUJETSJA, BLAGODATNAJA, VSJAKAJA TVAR:ANGELSKI SOBOR I CELOVECESKIJ ROD OSVJASHCENIJ HRAMEI RAJU SLOVESNIJ, DESTVENAJA POHVALOIZ NJEJZJE BOG VOPLOTISJA I MLADENEC BIST;PREJZDE VJEK SIJ BOG NASH;LOZESNA BOTVOJA PRESTOL SOTVORI I CREVO TVOJE PROSTRANJEJE NEBES SODJELA; O TEBJE RADUJETSJA, BLAGODATNAJA VSJAKAJA TVAR.

Да не се повторуваме Евангелос нашироко објаснуваше дека Христос не ја претвои водата во вино поради молитва од Марија зашто никаде не пишува дека го замолила.Всушност таа немала никакво влијание и авторитет посебен кај Христос.
Исто и Јаила е благословена во Писмото

Благословена да е меѓу жените Јаила, жената на Кенеецот Хевер, нека биде славена меѓу жените во шаторите!
        Судии5:24