Што не’ учи библијата?

Низ форумов гледам дека секој припадник на одделна христијанска теолошка заедница се повикува на библијата како основен „документ“ врз што се базира неговото учење. И секогаш токму тоа негово гледиште, тоа негово толкување на библијата е она вистинското, најправилното.
Токму затоа ја поставувам и оваа тема. Заедно и низ дискусија, да видиме  и да проанализираме, што тоа не’ учи библијата.
Но, пред да почнам би дал еден предлог.
За да биде поконструктивна дискусијата, и да нема бескрајни „докажувања“ на сопствените видувања по однос на соодветна проблематика, т.е. нечие докажување да не се свати како „убедување“кон останатите, би предложил секој со по 2-3 поста да ги изнесе сопствените аргументи или да го искаже својот став, своето мислење за одредениот дел од библијата кој ќе биде разработуван.

Замислата ми е секој да постави некој цитат (стих) од библијата кој кај него предизвикува неразбирање, сомнеж, контрадикторност, корисен совет, ... и да каже дали и зошто тој е добар или пак зошто не се согласува со тоа. Или што не е дообјаснето во него, што е тоа што е добро или лошо во истиот.
За почеток би почнал, (од каде ако не), од почетокот. Секако ова не значи дека мораме да одиме по ред. Секој може да даде одреден стих од било кој дел на библијата (стар или нов завет) и по него да се дискутира.

Во 1Мој 1:1 бог прво ги создал небото и земјата, а не пишува кога ја создал водата, бидејќи во 1 Мој 1:2 се вели „над водата се издигнал божјиот дух “. Дали тоа значи дека водата постоела и пред создавањето на небото и земјата? Ако е така, би требало тоа претходно да се напише. Можеби ова е само пропуст на пишувачот на оваа книга, Мојсеј!

Што велите вие? Кој е вашиот коментар за ова?

Zlatnik напиша: Во 1Мој 1:1 бог прво ги создал небото и земјата, а не пишува кога ја создал водата, бидејќи во 1 Мој 1:2 се вели „над водата се издигнал божјиот дух “. Дали тоа значи дека водата постоела и пред создавањето на небото и земјата? Ако е така, би требало тоа претходно да се напише. Можеби ова е само пропуст на пишувачот на оваа книга, Мојсеј! Што велите вие? Кој е вашиот коментар за ова?

Значи, се согласуваш дека бог прво (секако, заедно со небото) ја создал планетата Земја, која на почетокот била целосно покриена со води! Ме интересира каква била таа пуста, празна и темна „бездна во водите“(1 Мој. 1:2)? Но, во исто време ме чуди зошто на почетокот се вели во множина „води“? Нели била само една вода која целосно ја покривала површината на планетата Земја? Сеуште немало копно за да има други води: реки, езера, мориња...!
Ова неслучајно го велам. Во својот втор работен ден (1Мој. 1:6) бог направил свод со кој ги одделил водите. Кои води ги одделил за да од нив направи 2 води - води над сводот и води под сводот?(1 Мој. 1:7)
И додека сме тука кај сводот, кој бог го нарекол небо (1 Мој. 1:8), нели небото е веќе создадено уште во првиот работен ден? (1 Мој. 1:1 )Зошто сега повторно вели дека создава небо?

neo_wmaster напиша: Ајде дајте ни стих каде пишува за диносаурусите и некои слични животни на нив.

Ова прашање и мене често ми се наметнува....Дали постоеле пред Адам и Ева? Ако сепак се земе предвид дека кај Бог еден ден не е исто како и нашите поимања за деноноќие (во еден Псалм се вели дека кај Бог 1 ден=1000 години), можеби сепак постоеле пред Адама и Ева? Создавањето на светот за 6 дена можеби е различно од она што за нас претставуваат 6 дена...а можеби и не.

Не се споменати во Библијата, навистина, но зар може пак се да биде споменато? Веројатно би биле под општо, вброени кај сите живиотни и ѕверови....Ако се земе предвид бројот на видовите и подвидовите во секој вид живи организми (растителни и животински), тогаш Библијата би наликувала на енциклопедија за ботаника и зоологија...

Сепак би биле вброени под “општо“, т.е. кај сите видови животни и ѕверови...

biblija ne ne uci nisto, no aj
mozebi da veruvame vo legendi

БИБЛИЈАТА НИШТО НЕ НЕ УЧИ - НИЕ УЧИМЕ ОД НЕА... ОНА ШТО ГО САКАМЕ ...

општо разбрано ...

 

 

Tetratka напиша: БИБЛИЈАТА НИШТО НЕ НЕ УЧИ - НИЕ УЧИМЕ ОД НЕА... ОНА ШТО ГО САКАМЕ ... општо разбрано ...

Вечното СЛОВО БОЖЈЕ е Учителот, Тој е воспитачот кој единствено совршено Го разбирал, Го разбира и ќе Го разбира Писмото. Тоа е ГОСПОД – Тој е Вечниот ЖИВОТ преку кого е се – а кога се тогаш и диносаурусот – создаден/о.

Тој е практична – од секој ум поголема – ЉУБОБ. Наместо безкрајно да дискутираме околу толкувањата на Писмото, последно време е сите заедно да се вплотиме во Него со Неговата искрена и несебична љубов.

На крајот на краиштата тоа им го должиме на нашите и на сите други деца на светов!

АМИН