Македонската репрезентација

ZOTE напиша: Зар има тука офсајд???

Da crkne sudijata!

Топ

Prijatelska so Crna Gora...



http://www.fscg.cg.yu/index.php?vijest_id=1333

Катанец на Исланд со 19 фудбалери

*На важниот меч играме без "пожолтениот" Наумоски, а кам-бек во националниот тим за Стојков, Васоски, но и младиот Мојсов

Малку неочекувано. Среќко Катанец подрани со списокот на националниот тим за гостувањето на Исланд. Селекторот вчера ги обелодени 19-те фудбалери со кои патува на првото гостување во овој квалифрикациски меч. Ништо спектакуларно и неколку измени на листата на која го нема "пожолтениот" Илчо Наумоски, а во негово отсуство во нападот кам-бек прави Ацо Стојков, кој за разлика од септември сега има клуб за кој во неделата го постигна и првиот гол. Покрај Наумоски од имињата кои беа во комбинација за средбата со Шкотска и Холандија ги нема Демири и Вајс, додека по долга пауза кам-бек и за Александар Васоски, но и за младиот Мојсов. Дефанзивецот на Македонија Ѓ.П по одличниот настап на дерби дуелот со Вардар повторно го сврте вниманието кон себе.

За следниот дуел голем хендикеп за нашиот национален тим е неиграњето на Наумоски, кој ја донесе победата над Шкотска иако треба да се потенцира дека во супер форма се Пандев, Новески, Тасевски...

Според веб-страницата на ФФМ, репрезентативците се собираат во Скопје на 7 октомври и ќе работат во престолнината до заминувањето за Рејкјавик, кое е закажано за на 13 октомври во попладневните часови. Катанец ќе има доволно време да ги подготви фудбалерите за важниот квалификациски меч на Исланд од кој ќе зависат многу работи. Со успех ќе останеме во игра за челните позиции, додека пораз од најслабата селекција во нашата група би значело голем неуспех и битка за долните позиции до крајот на квалификацискиот циклус за пласман на СП 2010.



Изборот на Катанец

Голмани:
Петар Милошевски           Енозиз
Томе Пачовски   Вардар

Одбрана:
Гоце Седлоски   Матерсбург
Игор Митрески   Енерџи К.
Владе Лазаревски             Полонија В.
Николче Новески              Мајнц
Роберт Петров    Пансериакос
Александар Васоски        Ајнтрахт Ф.
Бобан Грнчаров               Макаби П.Т
Даниел Мојсов   Македонија Ѓ.П

Среден ред:
Влатко Гроздановски      Војводина
Дарко Тасевски Левски
Артим Положани               Вардар
Ванчо Трајанов Черноморец
Величе Шумуликоски      Ипсвич

Напад:
Горан Пандев     Лацио
Горан Мазнов    Томск
Ацо Стојков       Ниреѓихаза
Стевица Ристиќ Поханг

Среќко се радува на Пандев

Селекторот со своја анализа на списокот за претстојниот дуел. Тој ја даде следната изјава:

"Исланд е нов предизвик. Реков дека во овој циклус како и во претходниот ќе одиме од натпревар во натпревар и на секој дуел ќе играме на победа. Исланд е извонредно силен со тим од неколку фудбалери кои играат во познати екипи на чело со Гудјонсен од Барселона. Кај нас ќе ги нема Наумоски и Горан Попов, а како 19 фудбалер го повикав Васоски за да видам во каква состојба се наоѓа. Ме радува тоа што Пандев игра во извонредна форма.

Исланд многу трча

Среќко Катанец од дуелот Норвешка - Шкотска ги бара слабите страни на противникот.

"Можам да кажам дека противникот е состав кој многу трча. Физички се многу издржливи, но и борбени. Ние треба да обрнеме многу внимание на временските услови. Во Рејкјавик се можни силни ветрови, дождови... Мора да бидеме подготвени на с$, но и максимално сконцентрирани на натпреварот. Ако постигнеме добар резултат ќе ги задржиме шансите за добар пласман во групата", додава Катанец.

Брзината на Стојков контра Исланд

* "Минав низ лош период без клуб, но среќен сум што повторно се враќам во форма. Н$ очекува и тоа како значаен дуел, но подготвен сум да го 'претрчам' Исланд доколку добијам шанса", вели Стојков

Македонската репрезентација без апсолутно никакви тактички промени, со единствено потрага по извесната замена во нападот на стандардниот од претходните две средби Илчо Наумоски ќе го очекува својот трет квалификациски дуел од групата 9 за пласман на СП 2010 во Јужна Африка против Исланѓаните на 15 октомври.

Уште на стартот од самиот собир селекторот Среќко Катанец нагласи дека нема да има некакви промени околу нашата игра во однос на претходните натпревари против Шкотска и Холандија, што јасно наведува на констатацијата дека со голема сигурност повратникот во тимот Аце Стојков ќе биде една од нашите офанзивни "игли" заедно со Горан Пандев и Горан Мазнов. С$ останато, безмалку, веќе добро познато.

"Минав низ еден лош период без клуб, но среќен сум што повторно се враќам во форма и во селекцијата", вели Стојков, чија дефинитивно брзината како квалитет треба да биде еден од нашиот адути во потрагата по триумф од Рејкјавик.



Јасно е дека Исланѓаните пред своите навивачи можноста да освојат три бода ќе ја бараат токму против нашиот состав. Според размислувањето и на нашиот најдобар фудбалер Горан Пандев токму тоа е не наведува преку брзи контранапади да ја бараме шансата за триумф.

"Според мене против нападите можат да ни го донесат финалниот победнички епилог", вели Пандев. А, за противнападите како дел од тактичките размислувања, дефинитивно Стојков има предност за стартниот состав во однос на Стевица Ристиќ.

"Не знам дали ќе бидам стартер. Последен пат бев на натпреварот со Израел..., но секако при каква било одлука подготвен сум да ги исполнам задолженијата на селекторот Катанец. Одлично се снаоѓам во нападот заедно со Пандев и Мазнов со кои играчки сме заедно уште од најмлади години. Се согласувам дека брзите контранапади може да бидат нашиот пресуден фактор, со оглед на тоа што реално е да очекуваме дека Исланѓаните на домашен терен ќе сакаат да притиснат", истакнува напаѓачот на унгарската Ниреѓихаза.

И според Аце Стојков натпреварот со Исланѓаните може да биде еден од одлучувачките за вистинскиот резултатски тек на овој наш квалификациски циклус.

"Н$ очекува и тоа како значаен натпревар кој може во добра мера многу што да одлучи. Не може да се залажуваме дека н$ очекува лесна средба со оглед на нашиот и нивниот ФИФА ранкинг. Напротив, во своите редови имаат многу познати интернационалци. Компактен состав се, за што доволно зборуваат и нивните претходни резултати", вели Стојков, уште еднаш потенцирајќи дека без разлика на с$ нашата репрезентација безусловно сака продолжување на квалитетната игра демонстрирана на натпреварите на "Градски" против Шкотите и Холанѓаните.



ИСЛАНД - МАКЕДОНИЈА

15.10.2008 Почеток: 19 часот. Стадион: "Лаугардалсволур" во Рејкјавик.
Главен судија: Селџук Дерели (Турција)

МАКЕДОНСКИ НАПАД ЗА ИСЛАНД


Мазнов                 Стојков

               Пандев

Финално одбројување до утрешниот дуел со Исланд

На ден пред мундијалскиот квалификациски дуел со Исланд, нашите фудбалски репрезентативци се адаптираат на специфичните временски услови.

Неизбежниот ветер на островот, деновиве придружен и од дожд и ниски температури. Но, нашите амбиции во Рејкјавик остануваат исти.

Македонија ќе се обиде да се врати на второто место во групата и да презими веднаш до Холандија која утре и гостува на Норвешка.

Можеме, се согласуваме сите го покажавме тоа против Шкотска и против Холандија иако ова е друга приказна во која сите сакаат три бода.

Домашните медиуми веќе ги сместија в корпа. Скромни не се ниту исландските фудбалери, нивната самодоверба селекторот Јоханесон планира да ја преточи во целосен пресинг на теренот.

Не е изненадување Исланд мора да ги искористи сите адути што, студеното време и силниот ветер кој повторно ќе диктира.

Нашите репрезентативци се обидоа да се прилагодат на денешниот тренинг. Катанец ретко кога менувал, па сигурно тоа нема да биде драстично ни утревечер. Стојков или Ристиќ би требало да е единствената дилема за нас, но за кормиларот таа се чини одамна е отстранета.

Брзината и поголемото искуство во националниот дрес го фаворизираат Стојков за враќање меѓу стартерите.

За разлика од затвореноста на Катанец, Јоханесон не тактизира, беше дециден за уште еден потег што лесно можеше да се предвиди, подготвува специјална тактика за Пандев. Ништо чудно, најдобриот стрелец во овој репрезентативен состав е најголема закана за противничкиот гол, а наша најголема надеж исландското сивило да го обоиме жолто - црвено.

Од местото што има најдобар видик на месечината, признаваме, далеку е и тешко се гледа Јужна Африка, но перспективата се отвори, оваа генерација долго го градеше квалитетот и чекаме да експлодира.

Овде да потврди дека има гранитна одбрана, среден ред со одлична трансмисија, продорен напад на кој не му се потребни многу шанси да реализира.

Пред 12 години Исланд и Македонија одиграа 1:1, овој пат на реми никој не помислува. Ние затоа што сакаме да ги продолжиме соништата дека можеме да бидеме големи тие за да го разбијат депресивниот амбиент создаден не само од времето туку и од финансиските проблеми, за Исланѓаните досега туѓи, далечни.

Победничките амбиции се судираат, во такви ситуации јунаците се познаваат.

na tolku mnogu sansi , nieden gol... :(