Македонската репрезентација

Неколку илјади шкотски навивачи направија забава на кејот. Со чаша пиво, во добро расположение се загреваа за натпреварот.

 

репортажа од А1

 

http://www.youtube.com/watch?v=F7XuGFtHOFo

 

Најдобар е тој што вика f**k greece :)))))

 

 

 

Stvarno bilo interesno na kej i vo gradot so skotskite navivaci...mnogu zakon lugje...

ali ne razbiram zasto ne gi pustile pola od nivnite da vlezat na stadion, si kupile karti lugjeto dremat so denovi vo skopje i na kraj da ne ja gledaat utakmicata!!!

Шкотска е историја, Холандија е пред нас



07.09.2008



Шести септември влегува во македонската фудбалска историја. 2003-та и 2006-та порази од Англија, во 2008-ма друга приказна.

Нашата репрезентација ја победи Шкотска и отвори поинаква перспектива во квалификацискиот циклус за светското првенство во Јужна Африка.

Убаво било да се победува. Повеќе да се слави, помалку да се анализира. Во сферата на триумфот многу лесно се препознаваат јунаците. На „Градски“ вчера тие носеа црвено. Играа за Македонија.

Но, фудбалски натпревар не се добива само на теренот и не трае 90 минути. Има пред и пост фаза. А, македонската фудбалска репрезентација одработи зрело, искусно, во сите сегменти. Од подготовките, тактички и психолошки, па до играта како краен продукт на ангажманот на сите што го сочинуваат националниот состав.

Катанец не промени ништо. Беше упорен и конечно својот концепт го претвори во три бода. И тоа не против аутсајдер, туку против 16-та селекција во светот.

За чудо уште не размислуваме, но ремито на Норвешка и на Исланд, и претпоставената супериорност на нашиот следен противник, Холандија, може да не стави во ситуација долго да бидеме фактор, и тоа првостепен, во квалификациската група.

Е, тука е убавината. Денеска чекоревме со поубаво чувство, можеби и мамурни по прославата на големиот фудбалски успех, но радоста ја поделивме сите. Задоволни од триумфот и од начинот на кој стигнавме до него.

Тимот делуваше како тим. Беше компактен, покриваше добро на сите позиции. Нема сомневање дека им помогна и противникот.

Шкотланѓаните долго се адаптираа, а кога почнаа да играат, „Црвено - жолтиот воз“ веќе беше во победничката зона.

Поинаку и не можеше да биде. Милошевски беше брилијантен во ситуациите кога одбраната дозволуваше да биде тестиран. Тројката пред него функционираше речиси беспрекорно.

Новески и Седлоски моќно ги добиваа воздушните дуели со скокачкиот опонент. Беа бедем и кога топката беше долу на тревата.

Игор Митрески пак, беше „Кинески ѕид“. Коректор во вистинска смисла на улогата. Се што мина крај другите заврши со негова интервенција.

Лазаревски и Петров покрија бочно. Шкотланѓаните центрираа, но не толку фреквентно како што треба за да бидат опасни според нивните вкусови.

Конечно профункционира и Шумуликовски. 50-от натпревар во македонскиот дрес го одигра впечатливо. Не грешеше, затвораше одлично и се отвораше напред. Истата оцена ја добива и Гроздановски, со прашање зошто на Катанец му требаше толку време за да му го најде вистинското место во тимот.

Пандев е Пандев, Наумоски беше неуморен, Мазнов стандарден. Своето го завршија и Грнчаров, Трајанов и Тасевски.

И ете победа. Ја заслуживме со сите елементи, иако тоа не може да ги покрие нашите вообичаени слабости што произлегуваат од системот.

Кога имаме тројца во линија во одбрана, двајца бочно и уште двајца во средина со првично дефанзивни задачи, другите тројца што преостануваат, на моменти, се отсечени. Посебно кога се браниме.

Па, во неколку периоди Шкотланѓаните лесно доаѓаа до нашата зона и имаа многу повеќе фудбалери во редот за врска.

Такви какви што беа вчера, не можеа да ги искористат предностите. Меѓутоа, во некоја друга ситуација, или против друг противник, можеме скапо да платиме.

В среда ни доаѓа Холандија, првиот фаворит во групата, и разбирливо ништо нема да биде исто. Арно ама, ние го исполнивме нашиот план. Имаме сигурни три бода од првите две средби, па без товар ќе ја пречекаме 4-та репрезентација на ранг листата на ФИФА.

А, кога е така, во ваков фудбалски амбиент, да не бидеме мегаломани, но и „Лалињата“ може да овенат.

ZOTE напиша:   иначе голот на илчо наумовски сниман од јужна трибина можете да го погледнете овде http://www.youtube.com/watch?v=6TWONKm2wmg

kultuzin напиша: SEGA na red se HOLANGANITE. Moj TIP: 2:1 Za nasite momci. Vreme e PANDEV da proraboti.

Abe ubava e tvojava zelba..ama ke vidime..

абе дечки како ви се чини новиот дрес на репрзентацијата?