Трансфери 09-10

Сезоната 2009/10, би требало да биде највозбудливата во однос на трансфер периодот...Гарантирам дека ќе биде срушен рекордот на Зидан од 46м фунти... Причина за тоа ќе бидат арапите од Манчестер Сити, но исто Реал, Интер, па и Барса може да го одврзат кесето!

10.Чаби Алонсо: Рафа сакаше да се ослободи од него уште лани, но поради тоа што не успеа навреме да му најде замена Шпанецот остана. На крај испадна дека ова и не беше така лоша одлука. Алонсо одигра одлична сезона и со тоа неговата цена му се зголеми. Има поголем интерес за него. Најзагреани се Реал Мадрид и Јувентус. Потенцијален трансфер: 15-25м евра!

9.Диего: Беше трансфер мета и во претходните две сезони...Ова лето би требало дефинитивно да си оди од Вердер...Најголем кандидат за негов потпис се Јувентус. Според вестите од “старта дама“, неговиот потпис треба да се официјализира за една недела максимум. Во игра за него е и Баерн Минхен...Потенцијален трансфер: 25-35м евра!

8.Карлос Тевез: Аргентинецот остана со празни раце, после доаѓањето на Бербатов во Јунајтед...Цело време му се ветува дека ќе биде откупен, но никако да се случи тоа...Затоа многу веројатно е тој да ја промени средината за наредната сезона...И самиот изјави дека сака да си оди и не е задоволен што неигра...Најголеми кандидати за тоа се Интер...Ако Мурињо не го донесе Агуеро, многу е веројатно Тевез да биде негова замена...Потенцијален трансфер: 25-35м евра!

7.Џиџи Буфон: Голамот на Јувентус може да замине на печалба во Англија. Едноставно предобра е понудата на Манчестер Сити за да се одбие. Арапите ќе нудат од 30-40 милиони евра што е неверојатна понуда за еден голман кој е на 31годишна воздраст...Потенцијален трансфер: 25-40м евра!

6.Карим Бензема: Самото тоа што Лион не е шампион сезонава го прваи овој трансфер поверојатен. Младиот напаѓач на Лион беше поврзуван уште летоска со трансфер во Манчестер Јунајтед... За ова лето може да се уклучат во сериозен трансфер и Милан, Јувентус, Барселона, Сити, Челзи и Интер...Најблиску мислам дека Манчестер ќе биде до негов ангажман, особено ако Роналдо си отиде и ако се знае дека не е откупен договорот на Тевез...Рамо до рамо треба да биде Челзи, особено ако се знае дека Дрогба, па и Анелка треба да си заминат летоска, со што Роман ќе остане без квалитетн напаѓач...Потенцијален трансфер: 25-50м евра.!

5.Давид Виља: Уште еден напаѓач за кого се креваше многу прав во ланскиот летен преоден рок, но Валенсија и Виља издржаа во налетите на големите клубови...Како најголеми конк*ренти за негов потпис ќе бидат Ливерпул, Челзи и Сити од Англиската премиер лига како и Барса и Реал Мадрид од домашното Шпанско првенство...Сепак за да дојде во Барса или Реал овие екипи ќе треба  да се ослободат од еден до двајца напаѓачи од својот тим...Потенцијалената  трансфер: 40-70м евра...

4.Серхио Агуеро: Младиот Аргентинец беше мета уште ланската сезона, но Атлетико нема така лесно да се откаже од него...Најголеми кандидати за негов потпис се Интер и Барселона...Особено опасно треба да биде ако Барса успее да потпише со него...Тогаш се прави тандем Меси-Агуеро...Дефинитивно дуо од кои ќе треба другите да се плашат...Особено добро ќе биде и за Аргентинската репрезентација ваков потпис, бидејќи нивните двајца најдобри играчи ќе играат заедно, нешто што никогаш не им се случило претходно...Сепак Интер веќе почна со врзување на Агуеро преку неговиот иден дедо, Марадона...Потенцијален трансфер: 50-70м евра!

3.Франк Рибери: Французинот дефинитивно ќе биде продаден летово. Огромен е притисокот кој го вршат Барселона, Реал, Манчстер Јунајтед...Уште поголеми ќе бидат шансите за негово заминување ако и баварците не бидат шампиони на Германија. Квалиетот на Бундеслигата е опаднат и дефинитивно би требало да направи чекор погоре и да замине во некој од наведениве клубови горе. Се шпекулираше дека уште зимото имаше предоговор со Барселона, па затоа и Каталонците се најсигурна дестинација. Пред некој ден и Манчестер и Реал понудија по 70 милиони евра за Рибери. Потенцијален трансфер: 70-90м евра

2.Рикардо Кака: Рики ги издржа налетите на Арапите во зимскиот преоден рок, кога му беа понудени 250 000 фунти неделна плата, но чисто се сомневам дека ќе го издржи истиот налет летоска...Ако се знае дека им беа понудени 110м фунти на Милан за да го пушти, нешто на што секој нормален би се согласил...Овој трансфер ќе претставува огромна опасност за другите клубови, пошто на Сити ќе му успее нешто што на Челзи не му успеа, да  донесе вистинска ѕвезда во тимот...Со тоа ќе се отвори вратата и за трансфер на други одлични фудбалери во Сити...Потенцијален трансфер: 80-120м евра!

1.Кристијано Роналдо: Најдобриот фудбалер за 2008год е далеку од формата со која ја освои оваа награда...Ферги никогаш не се борел толку многу за некој фудбалер да остане, бидејќи секогаш имал скриен адут во џеб, па затоа и се очекува дека Роналдо ќе си отиде...Ако управата на Реал успее да го донесе во Мадрид како и што се најавува и ако Робен остане здрав и во формата како што е моментално тогаш Реал ќе има фантастичен напад, па и било кој да е шпиц! Потенцијален трансфер: 80-120м евра!

После доаѓањето на Кака за 67.2 милиони евра и Роналдо(недостасува уште неговиот потпис) за 94 милиони евра во Реал Мадрид се крена многу прашина во медиумите дали е правилно или не(sportski.mk за некој ден ќе испадне со својот став околу ова).

Овие трансфер ги коментираше и претседателот на УЕФА Мишел Платини и неговите коментари беа прилично негативни.

“Морам да признаам дека не сум воопшто задоволен од овие трансфери. Сето ова се случува во година во која УЕФА остро се бори против мулти-милионски трансфери, затоа што сакаме да го уредиме фудбалот во Европа. Со овие потези се прави незадоволство кај останатите клубови и тие се делат на богати и сиромашни.“

“Многу, па можам да речам скоро и сите клубови се во тешка финасиска состојба и многу ми е чудно што токму сега се случуваат овие работи.“

“Економската криза длабоко навлезе во спортот, а сега гледаме како се остваруваат некои милионски трансфери и тоа од страна на само еден клуб. УЕФА и понатаму ќе се бори против таквата политика.“ - заврши Палтини.