Ватерполо

јас би сакал да купам такви но  не знам кој им е спонзор во спортска опрема на репрезентацијата и дали има во продавница некаде. и дали некој знае дали ватерполо федарацијата има интернет страна? па да ги прашаме за купаќите

Ubedljiv poraz od Hrvata

Srbija - Hrvatska 8:11 (3:1, 1:4, 1:4, 3:2)

Vaterpolisti Srbije su u drugom kolu B grupe na Olimpijskim igrama u Pekingu doživeli težak poraz od Hrvatske. Igra izabranika Dejana Udovičića funkcionisala je samo u prvoj četvrtini, ali su u nastavku "delfini" doživeli klasičan nokaut od raspoloženih Hrvata.

Хрватска ја победи Србија, Црна Гора ја декласира Канада со 12:0!



Канаѓаните станаа првата нација што не успеала да постигне гол на ватерполо меч во 32 години, колку што овој спорт е дел од ОИ

Ватерполо репрезентацијата на Хрватска направи голем исчекор кон првото место во групата Б на олимпискиот турнир во Пекинг кое обезбедува директен пласман во полуфиналето, откако во дербито на второто коло ја порази Србија со 11:8. Но, и покрај доминантната игра и триумфот, селекторот Ратко Рудиќ, сепак, истакнува дека работата се' уште не е завршена.

„Против Србите почнавме во грч. Можеби тоа на некој начин не' придвижи. Ни' требаше предизвик, а токму тоа беше водството на Србија со 3:1. Потоа ја завртевме играта во наша корист, сменивме некои работи, станавме поагресивни и се' си дојде на свое. Може да бидеме задоволни со играта и победата“, изјави Рудиќ за хрватските медиуми по мечот и предупреди:

„Многу блиску сме до полуфиналето, но теоретски се' уште не сме таму“.

Србија подобро влезе во натпреварот и по првата четвртина водеше со 3:1, период во кој „коцкестите“ слабо ги користеа моментите кога имаа човек повеќе во базенот. Но, во продолжението работите се сменија. Во наредните два периода Хрватите направија неверојатна серија од 10:2, целосно го разбија противникот и ги отстранија сите дилеми околу победникот во балканската пресметка во групата Б.

Српскиот селектор Дејан Удовичиќ рече дека лошата игра во втората и третата четвртина ги одведе неговите ватерполисти во пораз.

„Немаше нервоза во нашата игра и мислам дека покажавме волја и желба да победиме. Ги пропуштивме шансите во вториот и третиот период од мечот, а потоа водството на Хрватите беше недостижно. Сега ќе се обидеме да ги добиеме сите средби до крајот на натпреварувањето по групи и да завршиме на втората позиција. Така, условно речено, ќе имаме полесен распоред во четвртфиналето“, изјави Удовичиќ.

Предводници на хрватскиот состав беа Маро Јоковиќ и Самир Барач кои постигнаа по три гола, најефикасен кај Србите беше Александар Шапиќ со 4. Во оваа група Б победи уште остварија САД над Италија со 12:11 и Германија во дуелот против Кина со 6:5.

Европскиот првак, Црна Гора, ја забележа најубедлива победа во мечевите од второто коло на машкиот ватерполо турнир во Пекинг. По ремито со Унгарија на стартот Црногорците ја декласираа селекцијата на Канада 12:0 (по четвртини 3:0, 4:0, 4:0, 1:0). По два пати во листата на стрелци се запишаа Никола Вукчевиќ, Млаџан Јановиќ и Владимир Гојковиќ, не поентираа само Вјекослав Пасковиќ и Милош Шќепановиќ. Канадските голмани одбранија само четири удари од вкупно 16 колку што беа упатени за време на мечот кон нивниот гол. Со ова Канада влезе во историјата на олимписките игри станувајќи првата земја која не успеа да постигне гол на еден ватерполо натпревар во 32 години колку што овој спорт е дел од семејството на олимписки спортови.

MAKEDONSKATA vaterpolo reprezentacija denes gi zapocnuva natprevarite na Svetskoto Prvenstvo vo Rim...
Pa, srekno momci...

Изменето од Neptun74 - 20.Јули.2009 во 18:15

Честито до србите,новите светски шампиони!

Македонската ватерполо репрезентација задржана на грчката граница

Македонската ватерполо репрезентација која денеска отпатува за Атина на натпревар со Грција повеќе од два часа е задржана на грчката граница.

Причина е името Македонија што се наоѓа на спортската опрема на ватерполистите и кратенката МКД на некои делови од опремата.

Ова за МИА го потврди Бошко Трпески, кој е дел од делегацијата што ја предводи ватерполо репрезентацијата.

Тој изјави дека за ваквиот настан е запознат и македонскиот амбасадор во Грција, Благој Ханџиски со кого е договорено по евентуалното поминување на грчката граница, македонската репрезентација да биде придружувана со полициско возило заради избегнување на непријатности.

Според Трпески, доколку се побара од нив да влезат во Грција без опремата со ознаките Македонија, најверојатно репрезентацијата нема да отпатува за Атина и за ова ќе ја извести Светската пливачка федерација.

Натпреварот со јужниот сосед, Македонија треба да го одигра во вторник со почеток во 17 часот и 30 минути. Станува збор за натпревар од 2.коло во групата 2 од Светската лига. Грција во првото коло загуби на гостувањето кај Русија со 9:6, додека Македонија во Скопје беше поразена со 9:7 од Хрватска.

„Очекувам повторно да одиграме најдобро што можеме, пред се борбено и тука гледам шанса. Со наша добра игра ќе има и добар резултат. Нема сомнение дека Грција е фаворит, но нема да се предадеме. Во однос на претходниот натпревар, повратник во репрезентацијата е Горан Крстоносиќ, јунакот од квалификациите 2008 година во Скопје, што е добар момент“, изјави селекторот Нонковиќ пред заминувањето за Атина.

Во однос на актуелните политички односи меѓу двете држави Нонковиќ смета дека притисокот е поголем на спротивната страна, но и се надева дека ватерполо селекцијата на Македонија со добар резултат ќе се врати од гостувањето.

Синоќа во рамките на Првата Б лига на Србија во ватерполо, Работнички кој се натпреварува во оваа лига како гостин го победи тимот на Шабац со 13:5. Во следното коло во Скопје на базенот Карпош в сабота на 12 декември Работнички ќе игра против Земун.

Неизвесно е дали и каде ќе се одигра натпреварот Македонија - Грција

На неполн месец до терминот за одигрување на ватерполо натпреварот од Светската лига меѓу Македонија и Грција, и на пет дена до гостувањето во Хрватска, ватерполистите се најдоа пред многу тешка ситуација да немаат каде да тренираат. Двата базени во Македонија во кои може да се играат ватерполо натпревари во зимски услови останаа без вода.

Во Пливачката федерација останаа затечени од таквата состојба и прават напори да се создадат услови за одржување на тренинзите и одигрување на натпреварот на 16 март против Грција во Скопје.

- Луѓето кои стопанисуваат со базенот во Карпош не известија дека за да се постигне оптимална температура на водата во базенот се потребни 15-17 дена во зависност од надворешната температура. Ова значи дека најдоцна до вторник треба да го наполниме базенот и да почнее греењето на водата за да можеме да го одиграме натпреварот во Скопје. Како федерација имаме обврски да го организираме мечот во улога на домаќини или во спротивно ќе се соочиме со драстични казни од Светската пливачка асоцијација, изјави претседателот на Пливачката федерација на Македонија, Стефан Пулејковски на денешната прес конференција во базенот „Младост“.

Македонија смее да биде домаќин и во друга држава па дури и во Грција, со што би се избегнале ригорозните казни кои се од високи парични па се до долгогодишна суспензија.

Високите трошоци за топлинска и електрична енергија се причините поради кои базенот „Младост“ во скопската населба Карпош е испразнет. За утре е закажана средба меѓу Пулејковски и претставници од „Топлификација“ во обид да се решат проблемите и натпреварот со Грција да се игра пред домашна публика. Постои и друга опција, а таа е мечот да се одигра на Олимпискиот базен во Скопје, кој е со речиси трипати поголем капацитет за гледачи, но со тој објект стопанисува приватна фирма па ке треба да се договорат условите со тој сопственик околу полнење на базенот и одржување на потребната температура.

Селекторот на македонската ватерполо репрезентација Стеван Нонковиќ изрази надеж дека работите ќе се средат во што е можно пократок период, па тој и репрезентативците да продолжат да работат во посакуваниот ритам.

- Состојбата е таква каква што е. Многу ми ги наруши плановите за подготвителни натпревари. Требаше да се собереме тука во недела и да одржиме неколку тренинзи. Сега се договоривме да отпатуваме во Хрватска и таму да направиме неколку тренинзи пред натпреварот со Хрватска на 23 овој месец. Списокот на репрезентативци е малку променет со оглед на тоа дека играчите од Работнички немаат доволно тренинзи и не се комплетно подготвени за настапот со Хрватска, изјави селекторот Нонковиќ.

Список на ватерполисти за настап против Хрватска:

Голмани: Перчиниќ Далибор, Јаневски Бојан, Недановски Дарко.
Бекови: Петровиќ Ненад, Димовски Димитар, Белев Анастас.
Центри:Бениќ Даниел, Арсовски Александар, Милановиќ Игор.
Надворешна линија: Кречковиќ Владимир, Бркиќ Еди, Крстоношиќ Горан, Босанчиќ Ненад, Стојчев Димитар, Вуксановиќ Иван, Латковиќ Владимир.