Универзален Живот - Прахристијани

Пријателе, вие сте многу далеку од Христијанството тогаш...
Благодарам на информацијата, многу поучно, особено што не сме имале член од оваа верска група порано.

Мислев на Христијанството онака како што е претставено во Библијата... самиот факт што не ја прифаќате...
Не го осудувам, ниту критикувам вашиот став, само констатирам.

Мајкл... во ред е вашиот став... но ти се повикуваш на Габриеле и нејзиното предание во овој случај, а ние се повикуваме на Апостолите... Истотака - во Егзодусот, во има цело поглавје каде што опишува како се приготвува и јаде месо, според законот.
Сепак - да бидеме искрени - логиката дека Библијата е модифицирана и преправена и дека е човечки збор, може да се примени и во однос на Габриеле дека е тоа нејзин збор.
Затоа - подобро е да не се навлегува во критика на другите, зарем не?

Како што реков... да не се занимаваме со другите, а со себе...

Nikki напиша: - Дали го прифаќате симболот на верата за Св Троица (Никео Цариградскиот)

Не. Символот е исповедание на православната вера и представува кратко изложување на православната вера во дванаесет члена. Беше донесена на Никејскиот и Константинополскиот(Цариградскиот) собор, не во првите прахристијански заедници. Во символот на верата меѓу другото се вели (ако сум јас правилно запознаен)се исповедува едно крштение за опрост на гревовите и дека се чека воскресението на мртвите.

Прахристијаните во Универзален Живот не веруваат дека преку крстението се опростуваат гревовите и не веруваат во воскресение на физичките тела.

Nikki напиша: - На кого се молите кога се молите

На Христос и Бог-Отец. Не се молиме на светци, не се молиме на пророци, не се молиме на духовни учители и други луѓе. Кога сме во заеницата заедно, низ песна ја молиме Оче наш, но во малце поинаква форма.

Nikki напиша: - Кое е Божјото Име (Имиња)

Бог е оној кој што Е, она „ЈАС СУМ„. Со човечки зборови не може да се изговори неговото име, па велиме дека е безимен. Во различни религии меѓутоа на различни јазици постојат безброј Божји имиња. Муслиманите ќе речат дека Аллах можеме да го наречеме со 99 имиња како Ел Емин, Ел Рахман итн. Јеховините сведоци велат дека Бог има лично име т.е. Јехова, хиндусите ќе речат Вишну или Нарајан итн... Она што е при тоа битно е што ние навистина (секој поединец посебно)чувствува кога го изговара зборот за кој верува дека го представува Божјото Име. Ако е искрен и несебичен во своите молитви човек, Бог го слуша. Ако не(на пр. молитви од типот „Да му цркне кравата на комшијата„), тогаш џабе и да ги наброи имињата Божји од сите вери, пак нема молитвите да паднат во Божјето срце.

Nikki напиша: - Имаш ли конкретни историски извори дека Библијата е прилагодена од свештенството (Променета)

Таа не е само од свештенството променета. При самото запишување на некои од книгите вклучени во библијата самите автори несакајќи внесувале свои представи и мислења бидејќи некои настани или изјави не ги разбирале вистински.
За повеќе информации проследени со конкретни историски извори би упатил на брошурата „БИБЛИЈАТА е фалсификувана! - Хиероним црковниот фалсификатор на Библијата„ која може да се порача на македонски јазик за симболична цена(отприлика колку еден дневен весник) или на бесплатната брошурата Пророк 15 со наслов„Животните тажат пророкот обвинува„(погоре има линк каде може бесплатно на хрватски да се симне, македонската е разделена мислам)порачки на info@univerzalen-zivot.org.mk или тел.02/3111-043

Nikki напиша: - Дали може маж во идниот живот да се роди како жена, или да падне до ниво на некое животно, како што веруваат на Исток ?

Начално полот соодветствува на душата која е или машки принцип или женски принцип. Но можно е од кармички причини душата да се отелотвори во физичко тело од спротивниот пол, на пр. една машка душа да се отелотвори во женско тело или една женска душа да се отелотвори во машко тело.При тоа така отелотворената душа можно е да доживува различни потешкотии, зависно од околностите.

На вториот дел од прашањето веќе одговорив со претходниот постирање на стр.5 во контекст на твоето прашање за Харе Кришна и индијските религии.

Уште еднаш: Не е возможно човечката душа да се роди како животно, растение или минерал. Тоа меѓутоа било реална тенденција(но не се остварила) поради дејствувањето на силите на Темнината до пред Христовата избавителска жртва на Голгота. Христос таа опасност трајно ја одстранил.

Nikki напиша: - Во Царството Небесно, ќе има ли Еротика, однос меѓу маж и жена ?

Во чистото Небо т.е. Царството Небесно иако постојат тнр. машки и женски принципи, не постојат сексуални односи бидејќи чистите духовни битија немаат физички тела кои пак имаат полови органи. Но во чистото Небо постојат тнр. духовни Дуални Парови составени од еден машки и еден женски принцип(битие) кои во Бога се љубат. Сексуалните односи за првпат се одиграле на Земјата кога првите потполно-материјални луѓе на тој начин зачнаа ново физичко тело. Тие луѓе се викаа Адам и Ева.

Nikki напиша: - Дали е грев Хомосексуалност и Самозадоволување ?

Кај хомосексуалноста се работи за нарушеност на духовните енергии. Причината за тоа лежи во начинот на размислување и постапување на поединецот било во овој или некој од претходните животи. Тие жени или мажи нема право никој да ги осудува, но и тие би требале постепено да тендираат кон живот според Исусовата Беседа на Гората но без потиснување на своите сексуални програми, туку постепено да ги исчистат, бидејќи се` што човек ќе потисне порано или подоцна ќе еруптира како вулкан и може да направи уште поголема штета. Тоа воедно важи и за сите други луѓе.

На земјата треба да биде како на Небото, односно машките и женските енергии да бидат во Хармонија. Машкиот принцип да настапува како дарител а женскиот принцип како примател, би сме рекле плус и минус. Со оглед на тоа дека на Земјата многу одамна тоа не е случај, некои души при инкарнирање го мешаат полот(кој зависи и од хромозомите на телесните родители) поради губење преглед - причината лежи меѓуота кај душата. Доколку една душа дур е човек на земјата, развие силни тенденции кон истиот пол, тогаш тие тенденции и желби душата си ги зима со себе и после смртта на телото. Доколку не ги одложи во отадестраните подрачја, си ги зима овие желби со себе во наредното отелотворение, кои во одреден момент ќе станат активни.

Во Универзален живот нема забрани као што повеќе пати напоменав. При сексуалното надразнување до оргазам било со партнер или сам, се губат огромни количини енергија. Желбата за секс меѓу другото настанува поради неразрешени напнатости кои свесно или несвесно ги изградуваме во текот на денот. Тоа влијае на хормоните и тие соодветно бараат канал таа напнатост на нервниот систем да се избалансира. Меѓутоа опуштањето преку сексот е од привремен карактер бидејќи главните извори на напнатоста не се отстранети, а овие напнатости се базираат на нашето секојдневно кршење на еден или повеќе аспекти од Десетте Заповеди Божји или Исусовата Беседа на Гората.

Но како што напоменав и тука потиснувањето може да биде опасно. Сексуалноста не треба да се потиснува туку сосема постепено да се профинува за да во еден момент спонтано се надмине(илустративно кажано: како што на возрасниот повеќе не му е интересно да си игра со колички и кукли, а додека беше дете тоа му беше најмило).

Изменето од Majkl - 27.Јули.2008 во 14:38

Nikki напиша: За Мајкл: Кога те прашувам, очекувам да ми одговориш во согласност со објавите која ги добива Габриела А не според некои лични размислувања на поединци во вашата заедница

Досега така и ги одговарав сите твои прашања.

Nikki напиша: На пример колкава слобода имате слободно да размислувате, и да толкувате некои дефиниции, ако за тоа не се изјаснува јасно Габриела ?

Секој има право на свое мислење. Габриеле и Духот Божји ја почитуваат слободната волја на луѓето и никому ништо не наметнуваат. Но никој не треба објавите примени преку Габриеле, како и нејзините објаснувања која таа меѓу другото го дава на неделните средби на сите боготрагачи или на семинари, некој да ги вади вон контекст. Затоа е најдобро кога човек самиот ќе земе да чуе и прочита без коментари од страна.

Nikki напиша: Кога една душа повторно ќе се роди дали се раѓа напред во времето, или може и порано да се роди Кога времето би било релативно

Ова прашање воопшто не го разбирам. Те молам појасни го и по можност наведи пример на што мислиш конкретно.

Nikki напиша: Дали целиот временски циклус се повторува Ако се повторува, дали Исус истиот повторно се распнува ? Или има и други Исуси кој при повторно создавање на земјата кој ќе го ослободат светот ?

Не. Ова е представа која ја има во хиндуизмот. Настаните се одигруваат еднаш и потоа стануваат дел од минатото кое е неповратно. Не постојат тнр. паралелни универзуми за кои зборуваат некои New Age движења, романи и филмови - барем не според учењето на Универзален живот.

Nikki напиша: Какво е вашето учење за Св Дух, дали тој је Личност ?

Светиот Дух е Сеприсутен аспект Божји, тој не е личност. Светиот Дух ја прострујува целата бесконечност и затоа велиме дека Бог е сеприсутен.

Nikki напиша: Колку години има сега Габриела ?

Ако не се лажам, за неколку месеци ќе наполни 75.

Nikki напиша: Дали само на неа и се јавува Емануил ?

Херувимот на Божественаа Мудрост(некогаш бил отелотворен како пророк Исаија од Стариот Завет) за нас луѓето привремено наречен Брат Емануел, се објавува само преку Габриеле од Вирцбург.

Изменето од Majkl - 27.Јули.2008 во 14:43

Nikki напиша: Не мислам на паралелни светови но на повторно создавање При повторното создавање на Бог на Светот, дали може некоја душа да се роди порано, или секогаш оди напред со времето Дали Господ само еднаш ја создава оваа земја и време Дали кога една душа повторно ќе се роди се јавува во истото време, на пример ако починал 63г. да се роди 64г. Или пак може да се роди порано во истото време пример 23г Или пак кога Господ повторно ќе го создаде светот ќе се роди во било кое време ? Еве уште еднаш мал пример: Дали може Тоше Проески да се роди порано, во лицето на Гоце Делчев, или било кој порано во времето Или ќе се роди единствено понапред во времето ? Ова прашање многу ми е интересно за тие што цврсто веруваат во Реинкарнација

Сеуште не сум сигурен дали те разбрав, прилично конфузно е напишано прашањето. И каква врска сето тоа има со верувањето во реинкарнација?

Кога душата ќе го напушти своето материјално тело таа оди во чистилишните сфери. Од таму доколку сеуште постојат гревови кои нејзе ја врзуваат за Земјата, повторно оди во отелотворување во ново тело. Тело на бебе. Помеѓу времето на напуштањето тело(смртта) и времето на реинкарнирањето можe да помине кратко време(месеци, години) до многу долго време(милениуми)соодветно нејзината слободна волја и моменталните можности за инкарнирање на земјата.

Ако некој се родил на пр. 2007-ма година, почине после 80 години, неговата душа НЕ може да патува назад низ времето и да се роди 1903 година.Но може да се реинкарнира на пр. 2093-та година во ново тело доколку постои соодветна планетарна констелација и родители кои би можеле да привлечат таква душа.

Бог тоа што еднаш го создал не го унишува, така да нема некакви нови создавања на старото, туку вечна еволуција напред.