Дали NASA крие докази за НЛО?

Лондон, 20 октомври (МИА) - Два американски авиони ловци добиле наредба да соборат неидентификуван летечки објект (НЛО) над Англија, во 1957 година, за време на Студената војна, покажуваат денеска откриените тајни досиеја.

Еден од пилотите раскажува дека само секунди му фалеле за да истрела 24 ракети врз објектот што неконтролирано летал по небото и од радарите бил определен како "летачки носач на авиони". Пилотот Милтон Торес, кој во моментов е на возраст од 77 години и живее вo Мајами, раскажува дека објектот застaнал неподвижно на небото, пред да достигне приближна брзина од над 12 000 километри на час. Во последен момент леталото исчезнало од радарот и потрагата по него била повлечена.

Торес се вратил во базата, каде непознат човек, кој изгледал како "добро облечен трговец на ИБМ“, му се заканил дека ќе биде обвинет за закана за националната безбедност ако пред било кого обелодени и збор за настанот.Во писменото сведоштво за случајот Торес забележува дека за прв пат добил наредба да отвори оган уште пред да полета со својот авион „ Ф-86 -Сејбер“ од воено воздушната база Манстон во грофивство Кент, во мај 1957 година.

Неговата историја е меѓу десетиците сведоштва за НЛО во досиејата на Министерството за одбрана, откриени денеска во Националните архиви во Лондон.Експертот за НЛО Дејвид Кларк изјави дека објектот може бил дел од таен американски проект за создавање авион фантом, невидлив за радарите на советската противвоздушна
одбрана.