НОВИТЕТИ

Овој викенд, во организација на генералниот импортер на SEAT за Македонија, КА-ДИС, се организира тест возење на НОВАТА SEAT IBIZA во Охрид и Струмица. На 28. и 29.Јуни во центарот на овие два наши града ве очекува целодневно дружење и возење од 9 до 18ч со новата SEAT IBIZA.

Тест возење на новата Ibiza претходно беше организирано и низ други градови во нашата земја (Тетово, Прилеп, Кичево, Битола, Гевгелија, Неготино), како и во главниот град Скопје. За сите оние кои ги пропуштија споменатите тест возења, Seat дава дополнителна шанса во Охрид и Струмица, градови кои често се избор за викенд одмор на граѓаните.

Поголем бран на гости се очекува во Охрид, кој од викенд во викенд угостува се повеќе посетители. За сите заинтересирани, тест возењето на Ibiza ќе се одржи на плоштадот на пристаништето.

Популарната Струмица пак, како и секогаш е центар на многу збиднувања, па за сите љубопитни 28. и 29.Јуни се деновите кога новото возило од SEAT е подготвено за струмичани да го пробаат на тест возење.

Како тест возила ќе бидат достапни неколку верзии на автомобилот – истите кои веќе се понудени во продажба. Тест возењето е организирано за сите автомобилски ентузијасти, купувачи заинтересирани за автомобилот, како и за сите љубопитни. Затоа, не ја пропуштајте единствената шанса да ги почувствувате убавината и технологијата во совршен спој.

Екипата од Инголшталд, се чини дека нема да се смири додека не ги пополни сите категории на автомобили кои постојат. Со други зборови - се појасно е дека Audi во овој процес ќе смисли некоја нова категорија, сопствена, досега неоткриена.

Британскиот Autoexpress дошол до ексклузивни информации кои на нивните дизајнери им овозможиле креирање на првите фотографии на суперлуксузниот модел на Audi кои меѓу себе нагалено го нарекуваат – убиецот на CLS.

Новиот автомобил ќе биде граден на продолжената платформа на купето А5, а како купе со четири врати на пазарот освен на веќе споменатиот Mercedes CLS ќе им конк*рира и на доаѓачката BMW серија 8, Porsche Panamera и Aston Martin Rapid.

Од извори блиски до произведувачот (колку тоа звучи како текст од внатрешна политика­) се дознава дека новиот А7 треба да ги предефинира стандардите во класата кога е во прашање луксузност  на ентериерот. Се споменува новата генерација на мултимедијално – контролен систем MMI, но и врвниот квалитет на материјалот и исклучителните просторност и комфор.

Новиот автомобил би требало за погон да биде задолжен со неколку дизелски и бензински агрегати како V6 и V8 во најпрестижната изведба.

За љубителите на брзината Audi во блиска иднина ќе лансира и спортска изведба на Ѕ7 и RS7. Овој последниот наводно би требало да се придвижува со петлитрен V10 од актуелниот RS6, доработен така што би требало да развива повеќе од 600 КЅ

Со неодамна излезен од финансиски проблеми, Seat денес веќе планира обновување на своето портфолио со дури четири нови модели, од кои најмногу внимание секако би требало да привлече новата лимузина со работно име Exeo.  

Во следните три до четири години шпанскиот произведувач на пазарот ќе понуди нов мал градски модел, компактен SUV, каравански crossover и лимузина со средна големина која од споменатите модели би требало прва да излезе на пазарот, значи веднаш по неодамна претставената Ibiza која всушност и ги најави новите ветрови од Seat.

Exeo на пазарот би требало да излезе следната година, а купувачите ќе можат да избираат помеѓу стандардна лимузина и караван. Главна конк*ренција ќе му бидат автомобилите како Mondeо, Laguna и сл, а всушност ќе се базира на претходната генерација на моделот A4 на Audi. Exeo ќе се произведува во фабриката на Seat во Matorella, во Шпанија, а производството ќе започне на крајот на оваа година.

На приложените слики можете да ги видите службените скици и рендерирана верзија на автомобилот на која според нашата анализа се гледа модел со конзервативен изглед и препознатлив преден дел, речиси идентичен на оној со новата Ibiza, додека задниот дел би требало да биде под влијание на успешниот дизајн на Audi автомобилите.