Опасни македонски Сајбербратства

Лука 10:29-37

 marijask напиша:

Македонско Братство се дефинира како културно-патриотска заедница заснована на КОНСТРУКТИВЕН патриотизам и христијански вредности. 

Цели 

Македонското Братство (Macedonian Brotherhood) е растечко патриотско здружение, чија цел е да ги запознае Македонците со самите себеси, со нивната историја, со значењето на зборот Македонец и теретите кои таа националност ги носи со себе. 
Филозофијата на Македонското Братство е дека секој Македонец треба да го сака својот брат поради тоа што е Македонец, не поради тоа што има било каква материјална корист од него, да му помага на братот во невоља. Христијанството е од големо значење во ова друштво. 
Македонското Братство се собира да ги одбележи деновите на големите Македонски борци, да положи цвеќе на нивните гробови, на националните празници, на Македонските собири и слично. 
Член може да биде секој Македонец без разлика на неговата возраст, доколку ги дели истите идеали со нас е добредојден. 
Исто така имаме собири на кои се разменуваат идеи за Македонија, за нејзините борци и за нејзината иднина исто како и разменување и делење на патриотска литература. 

Во денешно време самите Македонци го забораваат значењето на крвта што ја носат. Предците ни го оставиле аманетот да ја дочуваме Македонија, зашто Македонците се тие што ја прават Македонија. Поентата со името Братство е да се пробуди свеста кај Македонецот за таа придавка, за да му помага на сонародникот не поради тоа што има корист од него, но да му помага бидејќи ја делат истата националност. 

Со убави и слаткоречиви зборови сте ја накитиле амбалажата на вашето братство. Секоја чест, навистина ги заскокоткавте моите уши додека ја читав вашата амбалажа. Јас не ве познавам доволно и немам кредибилитет да давам критика за вашата внатрешност, за вашата пракса, за она што навистина го правите, или не го правите, а гласно го велите. Искуството ме научило дека зборовите од делата понекогаш можат да бидат одалечени како исток од запад  Но нејсе, ќе оставам простор за некој подобар политичар од мене и некој кој повеќе ве познава да даде коментар за таа димензија на вашето братство.

Бидејќи спомнавте "Христијанство и христијански вредности", јас би сакал да коментирам во таа насока. Би сакал да поставам прашања и да дадам коментар на спрегата меѓу вашата политичка идеологија и Христијанството.

Погоре велите дека вашата културно-патриотска заедница се заснова на христијанските вредности. Мене ме интерезсира на кои тоа христијански вредности се заснова вашето братство?
Од текстот кој го прочитав погоре се вџашив колку вашата идеологија изобилува со етнофилетизам.
Би ги издвоил посебно следниве цитати:

 marijask напиша:

Филозофијата на Македонското Братство е дека секој Македонец треба да го сака својот брат поради тоа што е Македонец...
...да му помага бидејќи ја делат истата националност.

marijask, прашање до тебе:
Како може идеологија на етнофилетизам да се заснова на христијански вредности?
Каде тоа ХРИСТОС повикувал на етнофилетизам?
Каде тоа Христијанството учи дека треба да сакаме некој затоа што е од нашата нација?

НАПРОТИВ, Христијанството не е национална вера и не ги дели луѓето по нација. Тоа го прави (на велико) православието, но не и Христијанството. Се надевам правиш разлика меѓу овие две.
Доколку не си го прочитала Новиот Завет, сега ќе ти појаснам на што точно мислам...

Одличен пример за АНТИ ЕТНОФИЛЕТИЗАМ директно од устата на Исус Христос е Неговата парабола за милостивиот Самарјанец...

"Но тој, сакајќи да се оправда, Го праша Исуса: „А кој е мој ближен?” Исус му одговори и рече: „Еден човек, слегуваше од Ерусалим во Ерихон; и налета на разбојници, кои го соблекоа и го ранија; го оставија полумртов и си отидоа. А случајно по истиот пат слегуваше еден свештеник, и кога го виде, си замина на другата страна.  Исто така и еден левит, кога дојде таму и кога го виде - си замина на другата страна. А еден патник Самарјанец дојде до него и кога го виде, се сожали. Му се приближи, му ги полеа раните со масло и вино и му ги преврза; после го качи на своето добиче, го однесе во гостилницата и се погрижи за него. Утредента извади два динарии и му ги даде на гостилничарот и рече: „Погрижи се за него, и ако потрошиш нешто повеќе, ќе ти платам на враќање.” Што мислиш, кој од тие тројца му беше ближен на оној, кој попадна среде разбојниците?” Тој рече: „Оној, кој му укажа милост.” Исус му рече: „Оди и ти прави така.” "
(Лука 10:29-37)

Мило, ја разбираш ли поуката од оваа приказна на Исус?
Кога Исус денес би ти ја раскажал оваа приказна, тој наместо свештеник и левит би ти рекол скопјанец и битолчанец, а немасто самарјанец би ти рекол албанец (или "шиптар" како што ги нарекува твојот пријател is no good)

Потоа, во оваа насока интересно е да се спомне укорувањето што Јован Крстител им го дал на Евреите заради нивниот ЕТНОФИЛЕТИЗАМ.

"и не мислете да речете во себеси: Авраам е наш татко, зашто ви велам, Бог може од овие камења да му издигне чеда на Авраама."
(Матеј 3:9)

Во современа конотација, Јован би рекол:
"и не мислете да речете во себеси: Александар Македонски е наш татко, зашто ви велам, Бог може и од овие камења да му издигне чеда на Александар"
()

Потоа изјавата на апостол Павле:
 "Но нема разлика меѓу Јудеец и Грк; зашто еден и ист е Господ на сите"
(Римјаните 10:12)

Или во денешна перспектива:
"Но нема разлика меѓу Македонец и Албанец, зашто еден и ист е Господ на сите"
()

Доволно е или да наведувам уште десетици цитати и од Стариот Завет? 

Ете, Исус Христос, Јован Крстител, апостолот Павле проповедале АНТИ ЕТНОФИЛЕТИЗАМ, а вие велите дека вашата ЕТНОФИЛЕТИСТИЧКА идеологија се заснова на Христијанските вредности. Зарем не е тоа контрадикторно тврдење?
За да ја исправите контрадикцијата, доволно ќе биде зборот "Христијанство" да го промените со зборот "православие", и фразата "Христијански вредности" во "православни вредности". Тогаш вашата идеологија ќе биде интегритетна и конзистентна на своите вредности.

Се надевам дека нема погрешно да ме сфатиш заради мојов коментар. Иако ти реплицирав тебе, сепак коментаров се однесува на амбалажата на идеологијата на Македонско Братство, а не лично до тебе.
Поздрав marijask 

Изменето од EvAngelos - 05.Јули.2008 во 00:16

Внеси реплика	страница <1 4 567 >
Tweet