BREAKING NEWS......!!!

Пратениците не се откажуваат од 200.000 евра

Во двете најголеми партии, владејачката ВМРО-ДПМНЕ и опозицискиот СДСМ,не коментираат ништо во врска со пратеничките плати

Пратениците ќе добиваат плата и следниве два-три месеци по самораспуштањето на Собранието. Едни сметаат дека таа им е заслужена, други дека таа тема не е веќе на дневен ред, а големото мнозинство се брани со молчење од обвинувањата дека џабе ќе трошат народни пари. За двомесечна плата на 120 пратеници треба да се одвојат околу 200.000 евра од државниот буџет. Генералниот секретар на Собранието, Жарко Денковски, објасни дека на пратениците им следува плата, зашто самораспуштањето на парламентот не значи дека ним автоматски им престанал работниот однос.Пратениците на двете најголеми партии, владејачката ВМРО-ДПМНЕ и опозицискиот СДСМ не сакаа да коментираат, а во ДУИ немаат намера да се откажат од платите.Не ми е познато дека вработени во која било институција се откажале од своите плати, па зошто ние би го направиле тоа? Собранието се самораспушти, но тоа не значи дека пратениците не работат. Сега сме поактивни, бидејќи постојано се среќаваме со граѓаните и работиме за нивни интереси - вели Рафиз Алити, координатор на пратеничката група на ДУИ.Благој Зашов, потпретседател на Собранието од НСДП, кој беше најгласен дека пратениците треба да земаат плата и по распуштањето на парламентот, сега вели дека ќе ја почитуваат секоја одлука на претседателот на Собранието.Тоа е одлука на претседателот Љубиша Георгиевски и на генералниот секретар Денковски, а е поврзана со Законот за работните односи. Ако одлучат дека пратениците треба да се откажат од тие пари и евентуално да ги подарат за хуманитарни цели, немам ништо против сите да го направиме тоа - вели тој.Роза Топузова-Каревска од ЛДП смета дека целата работа со платите е „масло на премиерот Никола Груевски за и понатаму да ги омаловажува пратениците“. Да престане Груевски да ги деградира и омаловажува пратениците и по, како што вели, расчистувањето со Собранието. Во овој момент најмалку е важно дали уште еден месец ќе земаме плата. Има многу поважни приоритети од тоа. Ќе постапиме според законот. Ќе видиме дали ќе ни дадат плата и тогаш ќе донесеме одлука - вели таа. (М.Т.)

СТАВ
Платеници

Не знам дали пратениците, кои го распуштија Собранието, веруваат во Господ, ама сум убеден дека сите до еден слушнале дека тој прво себеси си направил брада. Затоа решија да си ги толкуваат Уставот и законите и тоа така како што им одговара лично ним и за своето неработење во наредните три месеци да земаат плата, наместо апанажа, како што сметаат експертите. Лесно им е кога истовремено се во улога на толкувачи на прописи и во улога на институцијата Собрание и во улога на работодавци и, конечно, во улога на вработени. Тие и досега многупати докажаа дека, кога станува збор за нивните привилегии, се повеќе отколку единствени. Многу лесно умеат да манифестираат припадност на „посебна каста“, која не живее овде, во држава во која обичните смртници мака мачат да го истераат месецот од први до први. Со каков морал, со каков образ истите тие пратеници или некои нови кандидати за собраниските фотелји ќе одат од град во град, од село во село и ќе бараат поддршка и нов мандат? Како ли ќе ги убедат граѓаните дека гласајќи за нив, практично гласаат за себе? Но, кај нас моралот, образот и политиката одамна не одат заедно.

Пишува:Предраг Димитровски

..kolku im e do narodot... do drzavata... na site do eden kazuva ova... vo ova neshto mnogu se slozni... a vie karajte se... navreduvajte se... onaa narodnata veli... ako ne mozesh po magareto...mavaj po samarot...