Ќар или Зијан од наметнатите „преговори„ за името?

Како што соопштуваат од Центарот, расположението меѓу граѓаните за ова прашање е доста променето во однос на мислењето што тие го имале за време на спроведувањето на анкетата на Центарот за истражување на 8 и 9 март 2008 кога 83% од испитаниците беа против промената на името.

 

- Битно е да се напомене дека мислењето драстично го промениле испитаниците етнички Албанци. Додека 52% од Албанците пред еден месец се согласувале Македонија да го промени уставното име ако тоа е услов за влез во НАТО, нивниот процент сега е зголемен на 94%. Всушност две третини од сите испитаници кои се за промена на името за влез во НАТО се етнички Албанци. Процентот на етнички Македонци кои се против промена на уставното име исто така се намалил од 95% во претходниот месец (или пред самитит во Бук*решт) на 80% во моментов – пишува во соопштението.

 

Според резултатите од анкетата, мнозинството на граѓани (78%) од сите етнички заедници се за продолжување на преговорите со Грција додека 19% се за прекин на преговорите (3% не дале одговор).

 

- Интересно е дека речиси половината, или 49% од етничките Mакедонци се против прекин на преговорите, 23% се за прекин, а 28% не дале одговор на прашањето. За разлика од нив, убедливо мнозинство од етничките Aлбанци (91%) се против прекин на преговорите – соопштуваат од Центарот.

 

Во соопштението понатаму пишува дека овие ставови на граѓаните не се кохерентни при констелацијата на односите каде Грција инсистира на преговори и промена на името на Република Македонија која ќе биде заеднички прифатена. Многу е неверојатно дека Македонија преку преговори ќе го задржи сопственото име. Македонските лидери треба јавно да ги запознаат граѓаните дека продолжување на преговорите најверојатно ќе значи и менување на името на државата односно „компромис“.