Библијата одобрува ропство

   Алал да ви е христијани во какви глупости и гадости верувате, какви книги почитувате. Ова за ропството е само една од многуте работи што ми бодат очи во вашата сакана и ценета света книга Библија. 

Битие 9:25-27 

„Проклет да е Ханаан, и да им биде слуга на своите браќа!” Тогаш продолжи: „Благословен да е Господ, Симовиот Бог, а Ханаан ќе му биде слуга! Бог нека го рашири Јафета, аа да живее во Симовите шатори, Ханаан нека му е слуга!”

Битие 16:8-9 

и ја праша: „Агаро, Сарина слугинко, откаде доаѓаш и каде одиш?” А таа одговори: „Еве, бегам од својата господарка Сара.” А Господовиот ангел и рече: „Врати се кај господарката твоја и покори и се под нејзините раце!

Битие 17:12-13

Секое машко среде вас, низ вашите поколенија, кога ќе наполни осум дена, нека биде обрезано, како она што е родено во вашиот дом, така и она што е купено со сребро од некој странец, кој не е од вашата крв. Да, и родениот во твојот дом и купениот со сребро треба да биде обрезан! Така Мојот Завет на вашите тела ќе остане вечен Завет.

Битие 24:35-36

Господ го благослови мојот господар премногу, па стана богат. Му даде овци и говеда, сребро и злато, слуги и слугинки, камили и ослиња. Сбра, жената на мојот господар, му роди син откако остаре, и му отстапи сè свое.

Битие 26:12-14

Исак посеа во онаа земја, и во тоа лето му роди стопати повеќе. Господ го благословуваше, и човекот стануваше сè побогат. Спечали стада со овци и говеда, доби и многу слуги, така што Филистејците му завидеа.

Излез 12:43-44 

Господ им рече на Мојсеја и Арона: „Нека е ова правило за пасхалната жртва: Ниеден странец не смее да јаде од неа! Секој роб, купен за пари и обрезан, може да ја јаде!

Излез 20:17 

Не ќе го посакуваш домот на твојот ближен! Не ќе ги посакуваш: жената на твојот ближен, ни неговиот слуга, ниту неговата слугинка, ни неговиот вол, ниту неговото осле, ни што и да е што му припаѓа на твојот ближен!”

Излез 21:2-8

Ако купиш еден Евреин за роб, нека служи шест години. На седмата година нека замине, без откупнина, слободен. Ако дојде сам, сам и нека си замине; ако е женет, со него нека отиде и неговата жена. Ако господарот му набавил жена, па таа му роди било синови било ќерки, и жената и нејзините деца нека му припаднат на нејзиниот господар, а тој нека си отиде сам. Ама ако робот изјави отворено: ‘Ги љубам својот господар, својата жена и своите деца, не сакам да бидам слободен,’ тогаш неговиот господар нека го доведе при судиите. Кога ќе го доведе до вратата или до столбот на вратата, господарот нека му го дупне увото со шило и нека му остане трајно во служба. Кога човек ќе ја продаде ќерка си за робинка, таа нека не се ослободува како и машките робови. Ако не му се допадне на својот господар, кој ја одредил за себеси, нека ја остави да се откупи. Нема право да ја продаде на странци, кога не и бил верен.

Излез 21:20-21

Ако некој го удри со стап својот роб или својата робинка па умре под неговата рака, треба да ја поднесе одмаздата.  Но ако робот преживее ден-два, нека не се спроведува одмаздата, зашто робот е негова сопственост.

Излез 21:26-27

Ако некој ги удри својот роб или својата робинка во око и го упропасти, нека го ослободат заради окото. Ако му избие заб на својот роб - или на својата робинка - нека го ослободи заради забот.

Излез 21:32

Ако боцне роб или робинка, нека сопственикот им исплати на нивниот господар триесет сребрени сикли, а добичето нека биде каменувано.

Излез 22:2-3

Ако крадецот биде затекнат како го пробива ѕидот, па му биде зададен смртоносен удар, неговата крв не треба да биде одмаздувана. Но ако е сонцето веќе изгреано, неговата крв треба да биде одмаздена. Крадецот треба да ја надомести штетата. Ако нема ништо, тој треба да биде продаден за неговата кражба.

Левит 19:20

‘Ако некој преспие со робинка, која е свршена за друг, но уште не е откупена ниту и е дадена слободата: треба да бидат казнети, но не со смрт, зашто таа не е слободна.

Левит 22:11

Ако свештеникот купи некого за сребро, тој може да јаде како и оној, кој се родил во неговиот дом; тие можат да јадат од неговиот леб.

Левит 25:39

‘Ако осиромаши твојот брат, кај тебе, и ако ти се продаде, не присилувај го да ти служи како роб.

Левит 25:44-46

А ако сакаш да имаш робови и робинки, можете да ги купите, и машки и женски, од народите што се околу вас. Можете да ги купувате и од придојдениците, кои се населени меѓу вас; од нивните семејства што живеат со вас и што се родени во вашата земја. Таквите можат да станат ваша сопственост. Нив можете да им ги предавате во наследство на вашите деца, за да ги наследат за секогаш во сопственост. Кон нив можете да постапувате како кон робови. Но кон своите браќа, Израелевите синови, никој не смее да господари со жестокост.’

Второзаконие 5:21

Не посакувај ја жената на својот ближен! Не лакоми за куќата на својот ближен, за неговата нива, за неговиот слуга, за неговата слугинка, за неговиот вол, за неговото осле, ниту за нешто што е на твојот ближен.’”

Второзаконие 15:12

„Ако ти се продаде тебе твојот брат - Евреин или Еврејка - нека ти служи шест години, а на седмата година пушти го слободен од кај себе.

Второзаконие 20:10-11

„Кога ќе дојдеш под некој град за да се нафрлиш врз него, најнапред понуди му мир. Ако ти одговори со мир и ти ги отвори своите врати, сиот народ што ќе го најдеш во него претвори го во поданик, нека работи за тебе.

Второзаконие 20:14

А жените, децата, добитокот, сè што ќе биде во градот - сиот плен - земи ги за себе, и уживај го пленот од своите непријатели, што ти го дава Господ, твојот Бог.

Исус Навин 9:23

Затоа сега ќе биде клетва врз вас, и никогаш не ќе го снема ропството меѓу вас: ќе бидете дрвосечачи и водоносци за Домот на мојот Бог.”

Лука 12:46-47

господарот на тој слуга ќе дојде во ден, кога не го очекува, и во час, што не го знае, и ќе го расече и ќе ја одреди неговата судбина со неверните. А оној слуга, кој ја знаел волјата на својот господар, и не приготвил и не постапил според неговата волја, ќе биде многу биен.

Лука 17:7-9

”Кој од вас - ако има слуга - кој ора или го чува стадото, ќе му рече, кога ќе се врати од поле: „Дојди бргу и прилегни покрај трпезава!” Нема ли да му каже: ‘Приготви ми нешто за вечера и препаши се, за да ми служиш додека јадам и пијам, а потоа и ти јади и пиј!’ Зар ќе му благодари на слугата, што ја исполнил заповедта?

1 Петар 2:18

Слуги, покорувајте им се на своите господари со целосен страв, но не само на добрите и кротките, туку и на суровите!

1 Коринтјани 7:21-22

Ако си повикан како роб? Не грижи се! Туку, ако можеш да станеш и слободен, подобро искористи го тоа, зашто оној, кој е повикан како роб во Господа, слободен е во Господа; исто така и оној, кој е повикан како слободен, роб е на Христа.

Ефесјани 6:5-6

Робови, слушајте ги вашите господари по тело со страв и трепет, во простота на своето срце, како Христа! Не служете само пред очите, како оние кои им угодуваат на луѓето, туку како Христови служители, кои од сета душа ја извршуваат Божјата волја!

Колосјани 3:22

Робови, слушајте ги во сè своите земни господари, не за очите како оние, кои им угодуваат на луѓето, туку во простотата на срцето, боејќи се од Господа!

Колосјани 4:1

Господари, правете им на робовите што е праведно и справедливо, знаејќи дека и вие имате Господар на небесата.

1 Тимотеј 6:1-5

Робовите, кои се подјармени, да ги сметаат своите господари достојни за секаква почест, за да не се хули Божјото име и науката. А оние кои имаат верни господари, да не ги презираат, затоа што се браќа, туку да им служат подобро, зашто оние кои се ползуваат од нивните услуги се верни и возљубени браќа! Така поучувај и проповедај! Ако некој поучува инаку и не ги следи здравите зборови на нашиот Господ Исус Христос и на науката на побожноста, тој е надуен и не знае ништо, туку боледува од желба за распрашувања и препирки од кои произлегуваат: зависта, расправиите, хулењата, лукавите сомневања, празни препирки меѓу луѓето со изопачен ум и лишени од вистината, кои мислат дека побожноста е средство за печалба.

Тит 2:9-10

Опоменувај ги робовите за да им се покоруваат на своите господари, да настојуваат да им угодат, да не им противречат, да не поткрадуваат, туку да ја покажат својата добра верност, та да ја украсуваат во сè науката на нашиот Спасител, Бога.

Внеси реплика	страница 12 3 12 >
Tweet